बाहेरून आलेल्यांना मुंबई कळणार नाही अशी ओरड काही जण करतात, पण घरात बसून फेसबुक लाईव्ह करणाऱ्यांना मुंबईकरांच्या व्यथा समजतील का??, असा रोकडा सवाल उपमुख्यमंत्री एकनाथ शिंदे यांनी ठाकरे बंधूंना केला.
जबलपूर उच्च न्यायालयाकडून मध्य प्रदेशातील हजारो सरकारी कर्मचाऱ्यांना मोठा दिलासा मिळाला आहे. उच्च न्यायालयाने प्रोबेशन पीरियड वेतनात केलेली कपात अवैध ठरवत राज्य सरकारला निर्देश दिले आहेत की, ज्या कर्मचाऱ्यांकडून या कालावधीत वेतन कापले गेले आहे, त्यांना थकबाकीसह पूर्ण रक्कम परत करावी.
अमेरिकेचे राष्ट्राध्यक्ष डोनाल्ड ट्रम्प यांनी बुधवारी सांगितले की, अमेरिका आता व्हेनेझुएलाचे कामकाज चालवेल आणि त्याच्या प्रचंड तेलसाठ्यातून अनेक वर्षे तेल काढेल. न्यूयॉर्क टाइम्सला दिलेल्या मुलाखतीत ट्रम्प यांनी सांगितले की, व्हेनेझुएलाचे अंतरिम सरकार “जे काही आवश्यक आहे, ते सर्व देत आहे.”
ठाकरे बंधूंच्या मुलाखतींवर उतारा; देवेंद्र फडणवीसांचा तर्री पोहा!!, असेच चित्र माध्यमांमधून तरी समोर आले.
महापालिका निवडणुकांच्या पार्श्वभूमीवर ठाकरे बंधूंनी फक्त मुंबई आणि ठाणे या दोन शहरांवर लक्ष केंद्रित केले, पण तिथे सुद्धा ठाकरे बंधूंनी रस्त्यावर उतरून प्रचारात भाग घेतला, असे दिसले नाही. त्यांनी मुंबई परिसरात सहा सभांचे नियोजन केले. पण प्रत्यक्षात सभाच घेतल्या नाहीत. ठाकरे बंधू ठाण्यात आणि नाशिक मध्ये सुद्धा एकत्र सभा घेणार, असे जाहीर झाले. पण ते या दोन्ही शहरांमध्ये फिरकले नाहीत. दोघांनी मुंबईत आपापल्या पक्षांच्या काही शाखांना भेटी दिल्या.
अमेरिकेने बुधवारी पकडलेल्या रशियन जहाज मॅरिनेरावर तीन भारतीय नागरिकही होते. ही माहिती रशियन वृत्तसंस्था रशिया टुडेने सूत्रांच्या हवाल्याने दिली आहे.
भाजपच्या सत्तेच्या वळचणीला पवारांना आणि त्यांच्या अनुयायांना काही फायदा जरूर झाला, पण क्रीडा क्षेत्रातल्या पवारांच्या सत्तेला मात्र कायमचा फटका बसला. पवारांची महाराष्ट्राच्या क्रीडा क्षेत्रावर एकहाती सत्ता होती, तिला भाजपने टप्प्याटप्प्याने सुरुंग लावला. क्रिकेट पासून कुस्तीपर्यंत वेगवेगळ्या क्रीडा संघटनांचे अध्यक्ष पवारच राहिले. शरद पवार अजित पवार रोहित पवारांनी वेगवेगळ्या क्रीडा संघटनांचे अध्यक्षपद कायम आपल्या ताब्यात ठेवले.
देशाचे पहिले पंतप्रधान पंडित जवाहरलाल नेहरू यांच्याबाबत भाजपच्या भूमिकेवर भाष्य करताना काँग्रेसचे खासदार आणि ज्येष्ठ नेते शशी थरूर यांनी सविस्तर आणि संतुलित भूमिका मांडली आहे. “मी नेहरूंचा चाहता आहे, मात्र अंध किंवा टीकाविरहित समर्थक नाही,” असे स्पष्ट शब्दांत सांगत थरूर यांनी नेहरूंच्या योगदानाचे कौतुक केले, तसेच त्यांच्या काही निर्णयांवर टीका करायलाही मागेपुढे पाहिले नाही.
मुख्यमंत्री देवेंद्र फडणवीस सध्या महापालिका निवडणुकीच्या पार्श्वभूमीवर संपूर्ण महाराष्ट्राच्या दौऱ्यावर आहेत. नागपूर येथे गेले असताना एका मुलाखतीत त्यांना त्यांच्या नगरसेवकाच्या काळातला किस्सा विचारण्यात आला, यावर फडणवीसांनी एक मजेशीर किस्सा सांगितला. तसेच महापौर आणि नगरसेवकाचा जॉब एकदम टफ असल्याचे त्यांनी यावेळी सांगितले. ज्याने मागच्या जन्मी पाप केले तो नगरसेवक होतो आणि ज्याने महापाप केले तो महापौर होतो, असेही फडणवीस यांनी गंमतीने विधान केले.
मुंबई महापालिका निवडणुकीच्या तोंडावर ठाकरे बंधू आणि शिंदे-फडणवीस सरकार यांच्यातील राजकीय संघर्ष अधिक तीव्र झाला असून, ‘दै. सामना’साठी दिलेल्या ठाकरे बंधूंच्या संयुक्त मुलाखतीतून शिवसेना शिंदे गट आणि भाजपवर जोरदार टीका करण्यात आली. याच पार्श्वभूमीवर शिवसेना शिंदे गटात गेलेले नेते प्रकाश महाजन यांनी थेट राज ठाकरेंवर बोचरी टीका केली आहे.
कोरेगाव भीमा हिंसाचार प्रकरणाची चौकशीची मागणी करण्यासाठी ज्येष्ठ नेते शरद पवार यांनी पाठवलेले पत्र सध्याच्या मुख्यमंत्री कार्यालयाकडे असणे आवश्यक आहे, असे प्रतिज्ञापत्र तत्कालीन मुख्यमंत्री उद्धव ठाकरे यांनी कोरेगाव भीमा चौकशी आयोगासमोर सादर केले. आपण आता मुख्यमंत्रिपदावर नाहीत. त्यामुळे प्रकाश आंबेडकर किंवा आयोगाने या पत्राची मागणी सध्याचे मुख्यमंत्री देवेंद्र फडणवीस आणि त्यांच्या कार्यालयाकडे करणे योग्य ठरेल, असेही त्यांनी नमूद केले.
काँग्रेस खासदार शशी थरूर म्हणाले की, नेहरूंच्या चुका मान्य करणे आवश्यक आहे, परंतु देशातील प्रत्येक समस्येसाठी त्यांना एकटेच दोषी ठरवणे पूर्णपणे चुकीचे आणि अनुचित आहे.
इराणमध्ये महागाईविरोधात गेल्या 10 दिवसांपासून सुरू असलेल्या निदर्शनांदरम्यान गुरुवारी रात्री परिस्थिती आणखी बिघडली. सीएनएनच्या वृत्तानुसार, देशभरातील 100 हून अधिक शहरांमध्ये निदर्शने पसरली आहेत.
मुंबई महापालिकेत उद्या सत्ता आली तर उद्धव आणि राज ठाकरे या दोघांच्या बायकांत भांडण लागेल, अशी टीका मनसेतून नुकतेच शिवसेना शिंदे गटात गेलेले नेते प्रकाश महाजन यांनी केली आहे.
राज आणि उद्धव ठाकरे यांच्यावर टीका करताना महाजन म्हणाले, राज ठाकरे वैफल्यग्रस्त झाले आहेत. कुठल्याही परिस्थितीत सत्ता मिळवायची, सत्तेसाठी चावडी केली. सत्तेसाठी कोणत्या थराला चालले आहेत, हिंदुत्व कुठे आहे? चंदू मामा कुठे आणि रशीद मामूला त्यांनी जवळ केले.
दिल्लीतील रामलीला मैदानाजवळ मशीद आणि कब्रस्तानला लागून असलेल्या जमिनीवरून 6 जानेवारीच्या मध्यरात्री सुमारे 1 वाजता अतिक्रमण हटवण्यात आले. दिल्ली उच्च न्यायालयाच्या आदेशानुसार एमसीडीने 17 बुलडोझरच्या साहाय्याने येथे बांधलेले वरात घर, डायग्नोस्टिक सेंटर, दुकाने पाडली.
उपमुख्यमंत्री अजित पवार विकासाच्या मुद्द्यावर बोलायचे सोडून वाद निर्माण करत आहेत. महायुतीतल्या सहयोगी पक्षावर किती आणि कसे बोलायचे हे त्यांनी ठरविले पाहिजे. अन्यथा मी बोलायचे ठरविले तर मी काय बोलू शकतो, कसे बोलू शकतो आणि कशी उत्तरे देऊ शकतो, हे सगळ्या महाराष्ट्राला माहिती आहे, अशा परखड शब्दांमध्ये मुख्यमंत्री देवेंद्र फडणवीस यांनी अजित पवारांना पुन्हा एकदा इशारा दिला. फडणवीसांनी या इशाऱ्यातून आमदार महेश लांडगे यांना बूस्टर डोस दिला.
निवडणूक आयोगाने मंगळवारी उत्तर प्रदेशात स्पेशल इंटेसिव्ह रिव्हिजन (SIR) ची मसुदा यादी जाहीर केली. यासोबतच 12 राज्यांमध्ये SIR चा पहिला टप्पा संपला. मतदार यादी दुरुस्त करण्यासाठी 28 ऑक्टोबर 2025 पासून सुरू झालेली मोहीम 2 महिने 11 दिवस चालली.
शिंदे, आंबेडकरांची पुढची पिढी धडाक्याने प्रचारात; ठाकरे, पवारांची पुढची पिढी सुद्धा बसली घरात!!, असेच राजकीय चित्र महाराष्ट्रातल्या 29 महापालिकांच्या निवडणुकांच्या निमित्ताने समोर आले.
अंबरनाथ नगपरिषदेसाठी भाजप आणि काँग्रेसची युती झाली. त्यामुळे राजकीय वर्तुळात खळबळ माजली. ठाकरेंपासून शिंदेपर्यंत साऱ्यांनी भाजपवर आरोप केले. त्यानंतर मुख्यमंत्री देवेंद्र फडणवीस यांनी ही अभद्र युती तोडण्याचे आदेश दिले. आता या राजकीय नाट्याचा दुसरा प्रसंग रंगला असून, काँग्रेसच्या १२ नगरसेवकांना आता भाजपने प्रवेश दिलाय. प्रदेशाध्यक्ष रवींद्र चव्हाण आणि ज्येष्ठ नेते गणेश नाईक यांच्या उपस्थितीत नवी मुंबईत हा पक्षप्रवेश सोहळा पार पडला.
देशाची आर्थिक राजधानी आणि मराठी माणसाच्या संघर्षातून उभे राहिलेले शहर. संयुक्त महाराष्ट्राच्या चळवळीत १०६ हुतात्म्यांनी दिलेल्या बलिदानानंतर मुंबई महाराष्ट्राला मिळाली
शरद पवार “सिंह” आणि अजित पवार “वाघ’; पण दोघेही अडकलेत दोन महापालिकांच्या पिंजऱ्यात!!, अशीच राजकीय अवस्था शरद पवार आणि अजित पवारांची झाली आहे.
बुधवारी सर्वोच्च न्यायालयात भटक्या कुत्र्यांशी संबंधित एका प्रकरणाची सुनावणी होत आहे. चर्चेदरम्यान कुत्र्यांची मनःस्थिती, कुत्र्यांचे समुपदेशन, सामुदायिक कुत्रे आणि संस्थात्मक कुत्रे असे शब्द समोर आले.
सर्वोच्च न्यायालयाने बुधवारी अलाहाबाद उच्च न्यायालयाचे न्यायमूर्ती यशवंत वर्मा यांच्या याचिकेवर म्हटले की, लोकसभा अध्यक्षांनी स्थापन केलेल्या संसदीय चौकशी पॅनेलमध्ये काही त्रुटी दिसत आहेत. तथापि, ही त्रुटी इतकी गंभीर आहे का की संपूर्ण कार्यवाही रद्द करावी, हे न्यायालय पाहील.
सांख्यिकी आणि कार्यक्रम अंमलबजावणी मंत्रालयाने (MoSPI) आर्थिक वर्ष 2025-26 साठी देशाच्या आर्थिक वाढीचा पहिला आगाऊ अंदाज जारी केला आहे. सरकारी आकडेवारीनुसार, या वर्षी म्हणजेच आर्थिक वर्ष 2025-26 मध्ये भारताची वास्तविक जीडीपी वाढ 7.4% राहण्याची अपेक्षा आहे. यापूर्वी सरकारचा अंदाज 6.3%–6.8% होता.
पुणे आणि पिंपरी चिंचवड मध्येच अडकल्याची टीका झाल्यानंतर अजितदादांना आली जाग, महाराष्ट्रात अजून दोन-चार ठिकाणी फिरणार शेवटच्या टप्प्यात!!, अशी अवस्था अजित पवारांची झाली आहे.
उपमुख्यमंत्री अजित पवार यांनी महाराष्ट्रातल्या 29 महापालिकांपैकी फक्त पुणे आणि पिंपरी चिंचवड महापालिका निवडणूक लक्ष केंद्रित करून तिथेच प्रचाराचा धुरळा उडवला आहे.