आर्थिक गुन्हे शाखेने मोठी कारवाई करत, ईओडब्ल्यूने छत्तीसगडच्या विविध जिल्ह्यांमधील अनेक सरकारी अधिकाऱ्यांच्या निवासस्थानांवर छापे टाकले. या अधिकाऱ्यांमध्ये निलंबित डीएफओ (जिल्हा वन अधिकारी) अशोक पटेल, आदिवासी विकास विभागाचे सहाय्यक आयुक्त आनंद सिंह आणि शिक्षण विभागाचे श्याम सुंदर चौहान यांचा समावेश आहे.
अमेरिकेतील कॅलिफोर्निया येथील हिंदू मंदिरातील तोडफोडीचा भारताने निषेध व्यक्त केला आहे. परराष्ट्र मंत्रालयाचे प्रवक्ते रणधीर जयस्वाल यांनी कायदा अन् अंमलबजावणी अधिकाऱ्यांना जबाबदार असलेल्यांवर कठोर कारवाई करण्याचे आवाहन केले आहे.
पुण्यात शरद पवारांच्या राष्ट्रवादीच्या कार्यकर्त्यांनी मेट्रो लाईनवर उभे राहून आंदोलन केले. या आंदोलनादरम्यान त्यांनी पोलीस अधिकाऱ्यांवरच पेट्रोल फेकले.
पुण्यातील शास्त्रीनगर चौकात दारूच्या नशेत भररस्त्यात बीएमडब्ल्यू उभी करून लघुशंका आणि अश्लील चाळे केल्याप्रकरणी गौरव अहुजाला पुणे पोलिसांनी अटक केली आहे. शनिवारी रात्री सातारा जिल्ह्यातील कराड पोलिसांनी ताब्यात घेतले होते. आज त्याला पुणे पोलिसांच्या स्वाधीन करण्यात आले. दरम्यान, पोलिसांनी अटक करण्याआधी त्याने एक व्हिडिओ जारी करत माफी मागितली होती.
बांगलादेश बालविवाह, लिंग असमानता, हिंसाचार आणि मुलींसाठी मर्यादित संधींच्या उच्च दरांशी झुंजत आहे. अलिकडच्या एका जागतिक अहवालात हे उघड झाले आहे. या अहवालाचे शीर्षक आहे, गर्ल्स गोल्स: व्हाट हैव चेंजेज फॉर गर्ल्स? एडोलसेंट गर्ल्स राइट्स इन 30 इयर्स. आंतरराष्ट्रीय महिला दिनानिमित्त युनिसेफ, यूएन वुमन आणि प्लॅन इंटरनॅशनल यांनी हा अहवाल प्रसिद्ध केला.
मार्क कार्नी हे कॅनडाचे माजी केंद्रीय बँकर असून ते आता पंतप्रधान पदासाठी प्रमुख दावेदार आहेत. लिबरल पक्ष नव्या नेत्याची निवड करत असून, सर्वेक्षणांनुसार त्यांना 43% लोकांचा पाठिंबा आहे.
राहुल गांधी आणि राज ठाकरे यांची काँग्रेस आणि मनसेतून वजाबाकीची दमबाजी; मग कशी होईल सत्ता आणायची स्वप्नपूर्ती??, असा सवाल राहुल गांधी आणि राज ठाकरे यांनी वेगवेगळ्या ठिकाणी केलेल्या भाषणामुळे समोर आला आहे.
पंजाबमधील लुधियाना येथील फोकल पॉइंटच्या फेज ८ मध्ये असलेल्या कोहली डाईंगमध्ये शनिवारी रात्री बॉयलरचा स्फोट झाला. बॉयलरचा स्फोट इतका जोरदार होता की आवाजामुळे दुमजली छताचा मागील भाग कोसळला. यामध्ये १५ ते २० कामगार त्याखाली दबले गेले.
कर्नाटकातील प्रसिद्ध पर्यटन स्थळ हंपी येथे एका २७ वर्षीय इस्रायली महिला पर्यटक आणि एका होम-स्टे मालकिणीवर तीन पुरूषांनी सामूहिक बलात्कार केला. ही घटना ६ मार्च रोजी रात्री १०:३० वाजता तुंगभद्रा कालव्याच्या काठावर घडली. पीडित महिला कालव्याच्या काठावर बसल्या होत्या.
अमेरिकन टॅरिफ (कर) कमी करण्याबाबत चर्चा सुरू आहे. अमेरिकेचे माजी राष्ट्राध्यक्ष डोनाल्ड ट्रंप यांनी भारताने अमेरिकन वस्तूंवरील कर कमी करण्यास मान्यता दिल्याचा दावा केला आहे. मात्र, भारत सरकारने यासंदर्भात कोणतीही अधिकृत घोषणा केलेली नाही. तरीही, भारत आणि अमेरिका यांच्यात व्यापार कराराबाबत चर्चा सुरू असल्याचे संकेत दिले गेले आहेत.
बीडच्या संतोष देशमुख हत्या प्रकरणात अडकलेले सगळे नेते “पवार संस्कारित”; पण बारामतीतला निषेध मोर्चा मात्र युगेंद्र पवारांच्या उपस्थितीत!!, असे आज घडले.
जयपूर ग्राहक न्यायालयाने बॉलिवूड अभिनेता शाहरुख खान, अजय देवगण, टायगर श्रॉफ आणि विमल कुमार अग्रवाल यांना समन्स बजावले आहे. विमल कुमार अग्रवाल हे जेबी इंडस्ट्रीजचे अध्यक्ष आहेत, जी विमल पान मसाला बनवते.
मी सर्वात श्रीमंत व्यक्ती आहे. कारण माझ्या खात्यात एवढ्या माता-भगिनींचा आशीर्वाद आहे. हाच आशीर्वाद माझी शक्ती, संचित आणि सुरक्षा कवच आहे, असे उद्गार पंतप्रधान नरेंद्र मोदींनी काढले.आंतरराष्ट्रीय महिलादिनी गुजरातच्या नवसारी येथे आयोजित कार्यक्रमात ते बोलत होते.
काँग्रेस नेते राहुल गांधी यांनी शनिवारी अहमदाबाद येथे पक्षातील नेत्यांवर जोरदार हल्लाबोल केला. त्यांनी स्पष्ट शब्दांत सांगितले की, गुजरातमध्ये काँग्रेस पक्षाला योग्य दिशा दाखवता आलेली नाही.
कर्नाटकात सत्ताधारी काँग्रेसमध्ये सत्तासंघर्ष सुरू असल्याच्या बातम्या येत आहेत. दरम्यान, शनिवारी काँग्रेस अध्यक्ष मल्लिकार्जुन खरगे यांनी खुल्या व्यासपीठावरून मुख्यमंत्री सिद्धरामय्या आणि उपमुख्यमंत्री डीके शिवकुमार यांना मोठा संदेश दिला. खरगे यांनी दोघांनाही एकत्र काम करण्यास आणि राज्याच्या विकासावर लक्ष केंद्रित करण्यास सांगितले.
देशाच्या स्वातंत्र्य लढ्याचे केंद्र स्थान असलेल्या सेवाग्रामच्या शिरपेचात आणखी एक मानाचा तुरा रोवला जाणार आहे. राज्य सरकारच्या शक्तीपीठ महामार्गाच्या कामाचा सेवाग्राम येथून श्रीगणेशा होणार असल्याची घोषणा मुख्यमंत्री देवेंद्र फडणवीस यांनी सभागृहात केल्याने जिल्ह्याचे पालकमंत्री डॉ. पंकज भोयर यांनी मुख्यमंत्री फडणवीस यांचे आभार मानले.
बीडमधील शिरूर कासार येथे एका व्यक्तीला मारहाण करतानाचा व्हिडिओ व्हायरल झाल्यानंतर सतीश भोसले याच्यावर अनेक गंभीर आरोप होत आहे. तेव्हापासून या सतीश भोसले उर्फ ‘खोक्या’ची चर्चा सुरू आहे. सतीश भोसले हा भाजपचे आमदार सुरेश धस यांचा कार्यकर्ता असल्याचे बोलले जात आहे. विशेष म्हणजे खुद्द सुरेश धस यांनी हे मान्य केले होते
राजस्थान मंत्रिमंडळाने राज्यातील कोचिंग संस्थांचे नियमन करण्यासाठी आणि विद्यार्थ्यांना सुरक्षित आणि मैत्रीपूर्ण वातावरण प्रदान करण्यासाठी एक विधेयक मंजूर केले आहे. अधिकाऱ्यांनी शनिवारी ही माहिती दिली.
अंमलबजावणी संचालनालयाने हैदराबादमधील राजीव गांधी आंतरराष्ट्रीय विमानतळावर हॉकर ८००ए (एन९३५एच) हे खासगी जेट जप्त केले आहे, जे ८५० कोटी रुपयांच्या फाल्कन घोटाळ्याशी संबंधित असल्याचा आरोप आहे. या घोटाळ्यातील मुख्य आरोपी अमरदीप कुमार आहे.
दिल्ली पोलिसांच्या गुन्हे शाखेने चॅम्पियन्स ट्रॉफीच्या अंतिम सामन्यांवर सट्टा लावणाऱ्या ५ बुकींना अटक केली आहे.
मणिपूरच्या कांगपोक्पी जिल्ह्यातील विविध भागात कुकी निदर्शक आणि सुरक्षा दलांमध्ये झालेल्या संघर्षात एका निदर्शकाचा मृत्यू झाला आणि महिलांसह २५ जण जखमी झाले.
लोकसभेतील विरोधी पक्षनेते राहुल गांधी यांनी दोन दिवसांच्या गुजरात दौऱ्यात तिथल्या काँग्रेस नेत्यांशी आणि समाजातल्या विविध घटकांशी चर्चा आणि विचार विनिमय करून अहमदाबादच्या “झेड” हॉलमध्ये भाषण करताना स्थानिक काँग्रेस नेत्यांना झापले. निम्म्याहून अधिक लोक काँग्रेस मधून भाजपमध्ये गेलेत. आजही काँग्रेस मधले काही लोक पक्षात राहून भाजपचे काम करतात.
उत्तर प्रदेशातील मुरादाबाद पोलिस आणि उत्तर प्रदेश एटीएसच्या संयुक्त पथकाने हिजबुल मुजाहिदीनच्या दहशतवाद्याला अटक केली आहे. जम्मू आणि काश्मीरमधील पूंछ जिल्ह्यातील रहिवासी उल्फत हुसेन हा देशविरोधी कारवायांमध्ये सहभागी आहे. त्याच्यावर २५,००० रुपयांचे बक्षीस जाहीर करण्यात आले होते आणि तो १८ वर्षे फरार होता.
भारतीय लष्करप्रमुख जनरल उपेंद्र द्विवेदी यांनी शनिवारी चीन आणि पाकिस्तानबाबत मोठे विधान केले. ते म्हणाले की चीनवर विश्वास ठेवता येत नाही. त्याचवेळी, पाकिस्तानबद्दल जनरल द्विवेदी म्हणाले की, ते दहशतवाद थांबवण्यासाठी कोणतेही ठोस पाऊल उचलत नाही.
महाराष्ट्र नवनिर्माण सेनेचे अध्यक्ष राज ठाकरे यांनी जागतिक महिला दिनानिमित्त समस्त माता-भगिनींना शुभेच्छा दिल्या. तसेच एक्सवर एक पोस्ट शेअर करून आपली भूमिकाही मांडली. राज ठाकरे म्हणाले,