केंद्रीय नवीन आणि नवीकरणीय ऊर्जा मंत्री प्रल्हाद जोशी यांनी बुधवारी देशात १०० गिगावॅट सौरऊर्जेसह २२२ गिगावॅट अक्षय ऊर्जेच्या उत्पादनाचा उल्लेख करत पंतप्रधान नरेंद्र मोदी यांच्या नेतृत्वाखाली ५०० गिगावॅट अक्षय ऊर्जा उत्पादनाचे लक्ष्य निश्चितच साध्य होईल असा विश्वास व्यक्त केला.
उपराष्ट्रपती जगदीप धनखड यांच्या प्रकृतीशी संबंधित महत्त्वाची माहिती समोर आली आहे. दिल्ली एम्सने त्यांच्या प्रकृतीबद्दल अपडेट दिले आहे. दिल्ली एम्सने म्हटले आहे की, ‘उपाध्यक्ष जगदीप धनखड यांना एम्स दिल्लीमधून डिस्चार्ज देण्यात आला आहे. हृदयरोगामुळे त्यांना ९ मार्च रोजी एम्समध्ये दाखल करण्यात आले होते. त्याच्या प्रकृतीत समाधानकारक सुधारणा झाली आहे. पुढील काही दिवस त्यांना पुरेशी विश्रांती घेण्याचा सल्ला देण्यात आला आहे.
आता हरियाणामध्ये दुहेरी नाही तर तिहेरी इंजिन सरकार स्थापन झाले आहे. विधानसभा निवडणुकीनंतर, महापालिका निवडणुकीतही भाजपने दणदणीत विजय मिळवला आहे. हरियाणातील १० पैकी ९ नगरपालिका निवडणुकांमध्ये भाजपने विजय मिळवला आहे. तर भाजपच्या एका बंडखोर अपक्ष उमेदवाराने एका जागेवर विजय मिळवला.
पंतप्रधान नरेंद्र मोदी दोन दिवसांच्या मॉरिशस दौऱ्यावर आहेत. बुधवारी ते मॉरिशसच्या राष्ट्रीय दिनाच्या समारंभात प्रमुख पाहुणे म्हणून उपस्थित होते. यानंतर, पंतप्रधान मोदी आणि मॉरिशसचे पंतप्रधान नवीनचंद्र रामगुलाम यांनी संयुक्त पत्रकार परिषद घेतली.
औरंगजेबचे कौतुक केल्याबाबत दाखल झालेल्या गुन्ह्यात समाजवादी पक्षाचे आमदार अबू आझमी आज मुंबई पोलिसांसमोर हजर झाले. या प्रकरणात अबू आझमी यांना काल मुंबईतील सत्र न्यायालयाकडून अटकपूर्व जामीन मिळाला. मात्र त्यांना तीन दिवस तपास अधिकाऱ्यांसमोर हजर राहावे लागणार आहे.
खुद्द पाकिस्तानात महागाई आणि वस्तूंचा खडखडाट, पण बांगलादेशाला आता पाकिस्तान कडून आयात वाढवण्याची खाज!! अशी परिस्थिती नोबेल पुरस्कार प्राप्त अर्थशास्त्रज्ञ मोहम्मद युनूस यांच्या राजवटीत बांगलादेशावर ओढवली आहे.
दिल्लीच्या राऊस अव्हेन्यू कोर्टाने सरकारी निधीच्या गैरवापर प्रकरणी माजी मुख्यमंत्री अरविंद केजरीवाल यांच्याविरुद्ध एफआयआर दाखल करण्याचे आदेश दिले आहेत. केजरीवाल यांच्यावर प्रसिद्धीसाठी मोठे होर्डिंग्ज लावण्यासाठी सार्वजनिक पैशाचा गैरवापर केल्याचा आरोप आहे.
महाराष्ट्रात समृद्धी महामार्ग बांधून पूर्ण करून तो प्रकल्प यशस्वी केल्यानंतर मुख्यमंत्री देवेंद्र फडणवीस यांनी नागपूर ते रत्नागिरी म्हणजेच विदर्भ ते कोकण हा शक्तीपीठ महामार्ग प्रकल्प हाती घेतला.
संसदेच्या विशेष समितीने पंजाबमधील खदूर साहिबचे खासदार अमृतपाल सिंग यांना 54 दिवसांची अनुपस्थिती रजा मंजूर करण्याची शिफारस केली आहे. अमृतपाल सिंग एप्रिल २०२३ पासून राष्ट्रीय सुरक्षा कायद्याअंतर्गत (NSA) आसाममधील दिब्रुगड तुरुंगात बंद आहेत. अटकेमुळे संसदेत अनुपस्थित राहण्याची परवानगी मागण्यासाठी त्यांनी लोकसभा अध्यक्षांना दोन विनंत्या सादर केल्या होत्या.
केंद्र शासनाने ० ते ३०० युनिट वीज वापरणाऱ्या ग्राहकांसाठी ‘प्रधानमंत्री सूर्यघर मोफत वीज योजना’ आणली आहे. या योजनेच्या माध्यमातून अशा ग्राहकांना ‘ रूट टॉप सोलर’ पॅनल देण्यात येत आहे. केंद्र शासनाच्या या योजनेला सहाय्यकारी असणारी राज्याची स्वतंत्र योजना शासन आणणार आहे, अशी माहिती मुख्यमंत्री देवेंद्र फडणवीस यांनी प्रश्नोत्तराच्या तासात विधानसभेत दिली.
लोकसभेत मंगळवारी तामिळनाडूच्या एका खासदाराने केंद्रीय कृषी मंत्रालयाकडे पंतप्रधान किसान सन्मान निधी योजनेवरून प्रश्न विचारला. या प्रश्नाच्या उत्तरात कृषीमंत्री शिवराज सिंह चौहान म्हणाले, मी तामिळनाडू सरकारला विनंती करतो की, कुणी पात्र लाभार्थी असेल तर पीएम किसान सन्मान निधीपासून वंचित असेल तर त्यांनी नाव पोर्टलवर अपडेट करावे.
क्रेन युद्ध संपवण्यासाठी मंगळवारी अमेरिकन आणि युक्रेनियन अधिकाऱ्यांमध्ये बैठक झाली. यानंतर, युक्रेनने अमेरिकेचा ३० दिवसांचा युद्धबंदी प्रस्ताव स्वीकारला आहे. युक्रेनचे अध्यक्ष वोलोदिमिर झेलेन्स्की यांनी याची पुष्टी केली.
ज्याची शक्यता आणि भीती होती, तेच अखेरीस बीड मधल्या राजकारणाच्या निमित्ताने घडले. “पवार संस्कारित” राजकारणाची झळ भाजपला अखेर बसलीच. पंकजा मुंडे विरुद्ध सुरेश धस हे भाजपमधले अंतर्गत भांडण उघड्यावर आले.
भाजपचे आमदार सुरेश आण्णा धस यांचा पंटर खोक्या उर्फ सतीश भोसले याला पोलिसांनी अखेर प्रयागराज मध्ये जाऊन अटक केली. खोक्या टीव्ही चॅनेलला मुलाखती देत होता पण पोलिसांना सापडत नव्हता.
शासनाच्या सर्व विभागांची माहिती जनतेला ‘सीएम डॅश बोर्डवर’ लवकरच उपलब्ध होईल यामध्ये न्यायालय, रेरा तसेच कायदा व सुव्यवस्था या सेवांचाही समावेश करावा
राष्ट्रीय स्वयंसेवक संघाचे (RSS) सरकार्यवाह दत्तात्रेय होसाबळे म्हणाले की, आपल्या देशाला भारत म्हटले पाहिजे, इंडिया नाही. हे दुरुस्त करणे आवश्यक आहे. देशाला दोन नावांनी का ओळखले जाते? हे दुरुस्त करणे आवश्यक आहे. जर ते भारत असेल तर त्याला फक्त भारत म्हणा.
अमेरिकेचे परराष्ट्र मंत्री मार्को रुबियो यांनी युक्रेनला युद्ध सोडवण्यासाठी जमीन सोडण्याचे आवाहन केले आहे. रुबियो यांनी सोमवारी सांगितले की, २०१४ पासून रशियाने व्यापलेल्या क्षेत्रात युक्रेनला सवलती द्याव्या लागतील.
भारताला त्यांच्या आयात शुल्कात मोठी कपात करायची आहे, हा अमेरिकेचे राष्ट्राध्यक्ष डोनाल्ड ट्रम्प यांचा दावा भारत सरकारने शुक्रवारी फेटाळून लावला. भारताचे वाणिज्य सचिव सुनील बर्थवाल यांनी सोमवारी संसदीय समितीला सांगितले की, भारताने अमेरिकेसोबत कर कमी करण्याचे कोणतेही आश्वासन दिलेले नाही.
पंतप्रधान नरेंद्र मोदी मॉरिशसच्या दोन दिवसांच्या दौऱ्यावर आहेत. मंगळवारी दुपारी त्यांनी मॉरिशसचे अध्यक्ष धरम गोखूल यांची भेट घेतली. पंतप्रधानांनी राष्ट्रपती धरम यांना गंगाजल आणि त्यांच्या पत्नीला बनारसी साडी भेट दिली. मॉरिशसच्या पंतप्रधानांनी त्यांना देशाचा सर्वोच्च राष्ट्रीय सन्मान प्रदान केला. या कार्यक्रमात पंतप्रधान मोदींनी भारतीय समुदायाला संबोधित केले. त्यांनी आपले भाषण भोजपुरी भाषेत सुरू केले.
नॉन क्रीमिलेअरची मर्यादा सध्या 8 लाखांपर्यंत आहे. त्याचा फारच कमी विद्यार्थ्यांना लाभ होतो, त्यामुळे ही मर्यादा 15 लाखांपर्यंत वाढवण्यासाठी राज्य सरकारकडून केंद्राकडे शिफारस करण्यात आली आहे, अशी माहिती राज्याचे इतर मागास बहुजन कल्याण मंत्री अतुल सावे यांनी मंगळवारी विधान परिषदेत दिली.
केंद्र सरकारने मंगळवारी लोकसभेत इमिग्रेशन अँड फॉरेनर्स बिल-२०२५ सादर केले. या विधेयकानुसार, जर कुणी विदेशी व्यक्तीला बेकायदेशीरपणे भारतात आणले, सामावून घेतले किंवा स्थायिक केले तर त्याला ३ वर्षांचा तुरुंगवास किंवा ३ लाख रुपये दंडाची शिक्षा किंवा दोन्ही होऊ शकते. जर कोणत्याही शैक्षणिक किंवा वैद्यकीय संस्था, रुग्णालय किंवा खासगी निवासस्थानाच्या मालकाने विदेशी व्यक्तीला ठेवले तर त्यांना त्याबद्दल सरकारला माहिती द्यावी लागेल.
केंद्रीय गृह मंत्रालयाने मंगळवारी जम्मू आणि काश्मीरमध्ये सक्रिय असलेल्या दोन संघटनांना बेकायदेशीर घोषित केले.
राज्यात गृहनिर्माण सोसायट्यांच्या व्यावसायिक गाळ्यात बियर किंवा दारुचं दुकान सुरु करायचं असेल तर, यापुढे संबंधित सोसायटीचे ‘ना हरकत प्रमाणपत्र’ बंधनकारक राहील.
मुख्यमंत्री देवेंद्र फडणवीस Devendra Fadnavis यांनी विधानसभेत लक्षवेधी सूचनेच्या उत्तरात सांगितले की, सर्वोच्च न्यायालयाच्या आदेशानुसार प्रार्थनास्थळांवर भोंगे वाजवण्यासाठी परवानगी घेणे आवश्यक आहे.
केंद्र सरकारने भारतीय कुस्ती महासंघाची पुनर्स्थापना केली आहे. हा संघर्ष सुमारे २६ महिने सुरू राहिला, दीर्घ संघर्षानंतर कुस्ती संघटना पुन्हा सुरू झाली. भारतीय कुस्ती संघटनेचे माजी अध्यक्ष आणि माजी खासदार ब्रिजभूषण सिंह यांनी नवाबगंज येथील विष्णोहरपूर येथील त्यांच्या निवासस्थानी हे सांगितले.