आता मी तिघे एकत्रित आहोत. आम्ही तिघांनी सुसाट वेगाने आमची विकासाची एक्सप्रेस सुरू केलेली आहे. आता त्यामध्ये कोणीही स्पीडब्रेकर आणू शकत नाही. कोणाला बुस्टर द्यायचा असेल तर वेगळी गोष्ट आहे. मात्र स्पीड ब्रेकरला आता आमच्यात जागा नसल्याचे मुख्यमंत्री देवेंद्र फडणवीस यांनी म्हटले आहे. महामुंबई मेट्रो 9 चा चाचणी टप्पा आज पूर्ण झाला. या वेळी ते माध्यमांशी बोलत होते.
पंतप्रधान मोदी काल (१३ मे) पंजाबमधील आदमपूर एअरबेसवर होते. येथे ते म्हणाले, ‘ऑपरेशन सिंदूर नंतर, पाकिस्तानने ड्रोन, यूएव्ही, लष्करी विमाने आणि क्षेपणास्त्रांनी आमच्या लष्करी तळांना आणि नागरिकांना लक्ष्य केले, परंतु आमच्या हवाई संरक्षण प्रणालीसमोर ते सर्व अपयशी ठरले.’
फेडरेशन ऑफ वेस्टर्न इंडिया सिने एम्प्लॉईज (FWICE) ने भारतीय निर्मात्यांना तुर्कीएवर बहिष्कार टाकण्याचे आवाहन केले आहे. फेडरेशन FWICE चे मुख्य सल्लागार अशोक पंडित यांनी एक पत्र लिहून सर्व भारतीय चित्रपट निर्मात्यांना तुर्की हे चित्रीकरणाचे ठिकाण निवडण्यापूर्वी विचार करण्याची विनंती केली आहे. भारताच्या राष्ट्रीय हितसंबंधांवर परिणाम करणाऱ्या बाबींमध्ये पाकिस्तानला तुर्कीचा वाढता पाठिंबा असल्याचे त्यांनी नमूद केले.
मध्य प्रदेश उच्च न्यायालयाच्या आदेशानंतर, पोलिसांनी अखेर बुधवारी रात्री ११ वाजता मध्य प्रदेशचे मंत्री विजय शाह यांच्याविरुद्ध एफआयआर नोंदवला. त्यांच्याविरुद्ध इंदूरच्या मानपूर पोलिस ठाण्यात गुन्हा दाखल करण्यात आला आहे.
पाकिस्तान हा एक बदमाश देश आहे. त्याने निर्माण केलेली अण्वस्त्रे त्याच्याच हातात “सुरक्षित” नाहीत. त्यामुळे पाकिस्तानची अण्वस्त्रे इंटरनॅशनल ऍटोमिक एनर्जी एजन्सीच्या (IAEA) निगराणी खाली आणा, अशी महत्त्वपूर्ण मागणी संरक्षण मंत्री राजनाथ सिंह यांनी श्रीनगरच्या धरतीवरून केली.
१२ मे रोजी कराचीमध्ये हजारो कट्टरपंथी नेते आणि दहशतवाद्यांनी पाकिस्तानी सैन्याच्या समर्थनार्थ एक रॅली काढली. या रॅलीत लष्कर-ए-तैयबा (एलईटी) आणि अहले सुन्नत वाल जमात यांनी भाग घेतला होता. दोन्ही संघटना आंतरराष्ट्रीय स्तरावर दहशतवादी संघटना म्हणून घोषित आहेत.
राष्ट्रवादी काॅंग्रेसच्या दाेन्ही गटांच्या विलिनीकरणाच्या चर्चेने वृत्तपत्रांचे रकानेच्या रकाने भरले, वृत्तवाहिन्यांवर चर्चा झाली. साेशल मीडियावर अनेकांनी ज्ञान पाजळले. मात्र, अशा प्रकारची काेणतीही चर्चा नव्याने झालीच नाही, असा खुलासा उपमुख्यमंत्री अजित पवार यांनी केला आहे. राजकीय वर्तुळात सुरू असलेल्या चर्चेमध्ये तथ्य नसल्याचे खुद्द उपमुख्यमंत्री अजित पवार यांनी म्हटले आहे.राष्ट्रवादी काँग्रेस पक्षाच्या विलिनीकरणावर सध्या तरी कोणतीही चर्चा झाली नसल्याचा खुलासा अजित पवार यांनी आमदारांच्या बैठकीत केला.
काका – पुतण्या एकत्र येणार. शरद पवारांची राष्ट्रवादी काँग्रेस अजितदादांच्या राष्ट्रवादीत विलीन होणार. महाराष्ट्राच्या राजकारणात “नवा भूकंप” होणार. राज्यात अजित पवार आणि केंद्रात सुप्रिया सुळे अशी सत्तेची वाटणी होणार
ऑपरेशन सिंदूर दरम्यान पाकिस्तानचा भारताने एवढा दारुण पराभव केला की पाकिस्तान भित्र्या कुत्र्याप्रमाणे दोन पायांमध्ये शेपूट घालून अमेरिकेकडे शस्त्रसंधीसाठी धावला
मागील काही दिवसांपासून राजकीय वर्तुळात शरद पवार आणि अजित पवार एकत्र येणार असल्याची चर्चा सुरू आहे. शरद पवार यांनी देखील याबाबतचा निर्णय सुप्रिया सुळे घेतील, असे वक्तव्य केल्याने या चर्चेला अधिक जोर आला आहे.
भारतीय सेनेने पाकिस्तानातील दहशतवादी तळांवर यशस्वीपणे राबवलेल्या ऑपरेशन सिंदूर या धाडसी मोहिमेच्या पार्श्वभूमीवर देशभरात उत्साहाचे वातावरण आहे. या ऐतिहासिक यशाबद्दल भारतीय सेनेचे आभार मानण्यासाठी भारतीय जनता पक्षाच्या वतीने महाराष्ट्रात तिरंगा यात्रेचे आयोजन करण्यात आले आहे. याचाच एक भाग म्हणून मुंबईत आज भव्य तिरंगा रॅली काढण्यात आली. मुंबईच्या ऑगस्ट क्रांती मैदानावर या रॅलीचा समारोप झाला.
भारतीय सैन्य दलांनी ऑपरेशन सिंदूरच्या माध्यमातून पाकिस्तानला बाप दाखवण्याचे काम केल्याची भावना उपमुख्यमंत्री एकनाथ शिंदे यांनी बुधवारी सायंकाळी तिरंगा रॅलीत बोलताना व्यक्त केली. पाकविरोधातील कारवाईनंतर त्याचे राजकारण करणाऱ्यांना जनाची नव्हे तर मनाची लाज वाटली पाहिजे, असेही ते यावेळी म्हणाले.
पाकिस्तान उच्चायोगात (पीएचसी) तैनात असलेल्या अधिकाऱ्याला संवेदनशील माहिती लीक केल्याबद्दल एका महिलेसह दोघांना ताब्यात घेण्यात आले आहे. पीएचसी अधिकारी दानिश हा हँडलर असल्याचे समोर आले आहे. मालेरकोटलाचे एसएसपी गगन अजित सिंग म्हणाले की पोलिस त्याचा शोध घेत आहेत. पंजाबचे डीजीपी गौरव यादव यांनी पुष्टी केली आहे की आरोपी गोपनीय माहितीसाठी पैसे मिळवत असे.
सरकारने म्हटले आहे की भारतीय संरक्षण यंत्रणेने पाकिस्तानची शस्त्रे नष्ट केली आहेत. प्रेस इन्फॉर्मेशन ब्युरो (PIB) ने ही माहिती दिली आहे. पीआयबीने वृत्त दिले आहे की भारतीय संरक्षण प्रणाली पेचोरा, ओएसए-एके आणि आकाश क्षेपणास्त्र प्रणालींनी पाकिस्तानी शस्त्रे नष्ट केली. ही शस्त्रे चीन आणि तुर्कीने पाकिस्तानला दिली होती.
भारतासोबतच्या अलिकडच्या लष्करी चकमकीत आणखी दोन पाकिस्तानी सैनिकांचा मृत्यू झाला आहे. या संघर्षात आतापर्यंत एकूण १३ पाकिस्तानी सैनिक ठार झाले आहेत. ही माहिती पाकिस्तानी लष्कराच्या मीडिया विंग इंटर-सर्व्हिसेस पब्लिक रिलेशन्स (ISPR) ने बुधवारी दिली.
Operation Sindoor मधून भारताने केलेल्या precision attack मुळे अवघ्या चार दिवसांमध्ये पाकिस्तानचा दारुण पराभव झालाच पण त्याच वेळी पाकिस्तानने अत्याधुनिक म्हणून घेतलेल्या चायनीज बनावटीच्या शस्त्रास्त्र मालाचा बोगसपणा सगळ्या जगासमोर उघड्यावर आला.
रामतीर्थ गोदावरी सेवा समितीच्या वतीने दररोज सायंकाळी रामकुंड येथे संपन्न होणाऱ्या गोदावरी महाआरतीस आज विशेष प्रेरणादायी स्वरूप प्राप्त झाले
बलुचिस्तानचे नेते मीर यार बलोच यांनी बुधवारी औपचारिकपणे पाकिस्तानपासून बलुचिस्तानचे स्वातंत्र्य घोषित केले, दशकांपासून चाललेला हिंसाचार, जबरदस्तीने बेपत्ता होणे आणि मानवी हक्कांचे उल्लंघन हे याचे कारण असल्याचे सांगितले. त्यांनी X वरील एका पोस्टमध्ये म्हटले आहे की बलुचिस्तानच्या लोकांनी त्यांचा राष्ट्रीय निर्णय घेतला आहे आणि जगाने आता गप्प बसू नये. म्हणूनच, त्यांनी भारतासह आंतरराष्ट्रीय समुदायाकडून पाठिंबा देण्याचे आवाहन केले आहे.
‘ऑपरेशन सिंदूर’ द्वारे भारताने आपले धोरणात्मक उद्दिष्ट साध्य केले आहे, असे अमेरिकन लष्करी तज्ज्ञ जॉन स्पेन्सर यांनी म्हटले आहे.
पंजाबमधील फिरोजपूर येथील आंतरराष्ट्रीय सीमेवर चुकून पाकिस्तानच्या सीमेत घुसलेले बीएसएफ जवान पूर्णम कुमार साव यांची बुधवारी सुटका झाली. ते सुरक्षित परतले आहेत. साव यांच्या सुरक्षित सुटकेसाठी बीएसएफने अथक प्रयत्न केले होते.
ऑपरेशन सिंदूरच्या यशस्वीतेच्या पार्श्वभूमीवर बलुचिस्तानने स्वातंत्र्याची घोषणा केली. त्यामुळे युरोप पासून अरबस्तानापर्यंत सगळी आंतरराष्ट्रीय माध्यमे बलूचिस्तानच्या स्वातंत्र्याच्या घोषणेच्या बातम्यांनी भरून गेली.
उत्तर प्रदेशचे मुख्यमंत्री योगी आदित्यनाथ यांनी राजधानी लखनऊमध्ये भारत शौर्य तिरंगा यात्रेची सुरुवात केली. यावेळी मुख्यमंत्री योगी यांनी तिथे उपस्थित असलेल्या लोकांना संबोधित केले. यादरम्यान त्यांनी पाकिस्तानवर जोरदार हल्ला चढवला.
पहलगाम हल्ल्यानंतर भारताने दहशतवादाविरुद्ध पुकारलेल्या युद्धाला जगातील बहुतांश देशांनी पाठिंबा दिला. मात्र तुर्कस्तान आणि अझरबैजान या देशांनी मात्र पाकिस्तानच्या नापाक कृत्यांना पाठिंबा दिला. त्यामुळे भारतीय जनतेने या दोन देशांविरुद्ध बहिष्काराची हाक दिली आहे. सोशल मीडियावर #BoycottTurkey आणि #BoycottAzerbaijan हे हॅशटॅग्स ट्रेंडवर आहेत
संयुक्त राष्ट्राचे सरचिटणीस अँटोनियो गुटेरेस यांचे प्रवक्ते स्टीफन दुजारिक यांनी मंगळवारी सांगितले की, भारत आणि पाकिस्तानमधील युद्धबंदीनंतर जगाची परिस्थिती चांगली आहे.
ऑपरेशन सिंदूरसारख्या ऐतिहासिक मोहिमेची जगासमोर माहिती मांडणाऱ्या कर्नल सोफिया कुरेशी यांच्याबद्दल मध्य प्रदेश सरकारमधील कॅबिनेट मंत्री विजय शाह यांनी केलेल्या वादग्रस्त वक्तव्यामुळे तीव्र संताप व्यक्त केला जात आहे. त्यांच्या भाषणातील धर्माचा उल्लेख करत केलेल्या अभद्र टिप्पणीमुळे देशभरात टीकेची लाट उसळली आहे.