भारतीय जनता पक्षाचे प्रदेश कार्याध्यक्ष माजी मंत्री रवींद्र चव्हाण यांची महाराष्ट्र प्रदेश भाजपच्या प्रदेशाध्यक्षपदी आज बिनविरोध निवड करण्यात आली. पक्षाच्या प्रदेश कार्यकारिणीच्या बैठकीत ही घोषणा झाली
दिल्लीच्या एका न्यायालयाने सोमवारी सीबीआयला जेएनयूच्या पहिल्या वर्षाच्या विद्यार्थ्याचे नजीब अहमद प्रकरण बंद करण्याची परवानगी दिली, जो १५ ऑक्टोबर २०१६ रोजी बेपत्ता झाला होता. न्यायालयाने म्हटले की, एजन्सीने तपासाचे सर्व पर्याय वापरले आहेत. सुनावणीदरम्यान, अतिरिक्त मुख्य न्यायदंडाधिकारी ज्योती माहेश्वरी यांनीही आशा व्यक्त केली की नजीब लवकरच सापडेल.
चीनच्या परराष्ट्र मंत्रालयाने सोमवारी सीमांकनावर भारताशी चर्चा करण्याची तयारी दर्शविली. चीनने म्हटले आहे की भारतासोबतचा सीमावाद जटील आहे आणि तो सोडवण्यासाठी वेळ लागेल.
कटू इतिहास विसरून ठाकरे बंधू एकत्र, पण भाजप मधले जुने शिवसैनिक अस्वस्थ!!, अशी महाराष्ट्राच्या राजकारणाची आता अवस्था झालीय.
ऑपरेशन सिंदूर नंतर, भारत आता अंतराळात आपली लष्करी शक्ती आणखी मजबूत करणार आहे. सरकारने निर्णय घेतला आहे की २०२९ पर्यंत (पुढील ४ वर्षांत) ५२ विशेष संरक्षण उपग्रह अवकाशात पाठवले जातील, हे सर्व उपग्रह अंतराळात भारताचे डोळे बनतील आणि पाकिस्तान-चीन सीमेवर सतत लक्ष ठेवतील.
संरक्षण संशोधन आणि विकास संघटना (DRDO) अग्नि-५ या आंतरखंडीय बॅलिस्टिक क्षेपणास्त्राच्या दोन नवीन आवृत्त्या विकसित करत आहे. हे क्षेपणास्त्र शत्रूच्या अणुप्रणाली, रडार प्रणाली, नियंत्रण केंद्र, शस्त्रास्त्रांचा साठा जड बंकरमध्ये आणि जमिनीत ८०-१०० मीटर खोलीवर जाऊन नष्ट करेल.
बैलगाडीच्या शर्यतीत जसे बक्षीस ठेवले जाते, तसेच बक्षीस धर्मांतरासाठी येणाऱ्या पादरी लोकांना ठोकण्यासाठी ठेवले पाहिजे, असे वादग्रस्त विधान भाजप आमदार गोपीचंद पडळकर यांनी ख्रिश्चन धर्मगुरूंविरोधात केले आहे. त्यांच्या या विधानामुळे ख्रिश्चन धर्मियांत मोठा रोष निर्माण झाला आहे. या प्रकरणी ख्रिश्चन धर्मियानी सोमवारी जालन्यात आक्रोश मोर्चा काढला.
मराठी भाषेबाबत आम्ही कधीही तडजोड करणार नाही, मराठी माणसाच्या हक्कांवर गदा आली तर ती सहन केली जाणार नाही, असे विधान राज्याचे उपमुख्यमंत्री आणि शिवसेना नेते एकनाथ शिंदे यांनी केले आहे. मुंबईत पार पडलेल्या शिवसेनेच्या कार्यकारिणीच्या बैठकीत ते बोलत होते. यावेळी त्यांनी पक्षातील मंत्र्यांना आणि आमदारांना देखील कानपिचक्या दिल्या. विरोधकांना एक्स्पोज करताना स्वतः एक्स्पोज होऊ नका, असे एकनाथ शिंदे मंत्र्यांना म्हणाले.
लोकसभेचे विरोधी पक्ष नेते राहुल गांधी मोदी सरकारवर देश विकल्याचा आरोप केला. पंतप्रधान नरेंद्र मोदींनी आपले मित्र आदानी आणि अंबानी यांना देश विकला
मावळ तालुक्याचे माजी आमदार कृष्णराव भेगडे यांचे सोमवार 30 जून रोजी अल्पशा आजाराने दुःखद निधन झाले आहे. वयाच्या 89 व्या वर्षी त्यांनी अखेरचा श्वास घेतला. रात्री 9 वाजताच्या सुमारास त्यांची प्राणज्योत मालवली. त्यांच्या निधनाबद्दल सर्वच स्तरातून शोक व्यक्त केला जात असून, मावळ तालुक्यात शोककळा पसरली आहे.
हिंदी सक्तीचा निर्णय मागे घेतल्यानंतर विरोधकांनी महायुती सरकारची चौफेर कोंडी करण्याचा प्रयत्न केला आहे. पण मुख्यमंत्री देवेंद्र फडणवीस यांनी आपले सरकार कुणाच्याही दबावापुढे झुकणार नसल्याचे ठणकावून सांगितले आहे. सरकारने हिंदीच्या मुद्यावर एक समिती स्थापन केली आहे. ही समितीच आता योग्य तो निर्णय घेईल. सरकार केवळ कोणत्याही पक्षाचे हित पाहणार नाही, केवळ महाराष्ट्राच्या विद्यार्थ्यांचे लक्ष पाहील. आम्ही कुणाच्याही दबावापुढे झुकणार नाही, असे ते म्हणालेत. ठाकरे बंधूंनी एकत्र येऊन क्रिकेट खेळावे, स्वीमिंग करावी आम्हाला काही अडचण नाही, असा टोलाही त्यांनी यावेळी ठाकरे बंधूंना हाणला.
त्रिभाषा सक्तीविरोधात शिवसेना (ठाकरे गट) आणि मनसे यांनी ५ जुलै रोजी विजयी निर्णय घेतल्याने महाराष्ट्राच्या राजकारणात शिवसेना ठाकरे गट आणि मनसे एकत्र येण्याची चर्चा सुरू झाली आहे.
पंजाबच्या फिरोजपूर मध्ये भारतीय हवाई दलाच्या हवाई पट्टीची जमीन परस्पर विकली. त्याबद्दल 28 वर्षांनंतर आई आणि मुलाविरुद्ध केस रजिस्टर झाली.
राज्य सरकारने हिंदी सक्तीचे शासन निर्णय रद्द केल्याच्या पार्श्वभूमीवर 5 जुलै रोजी नियोजित ठाकरे गट आणि मनसेचा मोर्चा ‘विजयी मेळावा’ म्हणून साजरा केला जाणार आहे. मात्र, या विजयी मोर्चावर वकील गुणरत्न सदावर्ते यांनी जोरदार टीका करत हा उत्सव म्हणजे “शैक्षणिक हत्येचे तांडव” असल्याचे म्हटले आहे. त्यांनी मनसेवर “विद्यार्थ्यांची हत्या करणारी सेना” अशी कठोर टीका केली असून, राज आणि उद्धव ठाकरे यांचे राजकारण गल्लीपुरते व दळभद्री आहे, असेही म्हटले.
भाजपचे खासदार निशिकांत दुबे यांनी काँग्रेसवर गंभीर आणि खळबळजनक आरोप करताना दावा केला आहे की, काँग्रेसच्या काळात तब्बल १५० खासदार हे सोव्हिएत युनियनचे एजंट म्हणून कार्यरत होते. त्यांना थेट सोव्हिएत युनियनकडून निधी मिळत होता.
‘द केरला स्टोरी’ चित्रपटातील वास्तव पुन्हा एकदा समोर आले आहे. उत्तर प्रदेशातील प्रयागराज येथे एका १५ वर्षीय दलित मुलीचे अपहरण करून तिला केरळला नेण्यात आले, जिथे तिच्यावर इस्लाम स्वीकारण्याचा आणि जिहादी कारवायांसाठी प्रशिक्षण घेण्याचा दबाव टाकण्यात आला.
भारत सतत आपली लष्करी क्षमता वाढवत आहे. याच पार्श्वभूमीवर, संरक्षण संशोधन आणि विकास संघटना (DRDO) ने अग्नि-५ क्षेपणास्त्राची नवीन नॉन-न्यूक्लियर आवृत्ती बनवण्याची तयारी सुरू केली आहे.
२०२६ – २७ मध्ये होणारा नाशिक आणि त्रंबकेश्वरचा सिंहस्थ कुंभमेळा सुरू होण्यापूर्वी रामतीर्थ गोदावरी सेवा समितीने एक ऐतिहासिक, सांस्कृतिक उपक्रम पूर्णत्वास नेण्याचा संकल्प केला असून सिंहस्थ कुंभमेळ्याच्या आधी गोदावरी महात्म्याचे दस्तावेजीकरण करण्यात येणार आहे.
कोलकाता येथील एलएलबी विद्यार्थिनीवर झालेल्या सामूहिक बलात्कार प्रकरणावर बिहारचे मुख्यमंत्री नितीश कुमार यांच्या पक्षाने प्रतिक्रिया दिली आहे. सोमवारी (३० जून २०२५) जेडीयू नेते नीरज कुमार यांनी या प्रकरणावर म्हटले की, केवळ आरोपीला अटक करणे हीच सरकारची जबाबदारी नाही. कारण तो एका राजकीय पक्षाशी संबंधित आहे, म्हणून तृणमूल काँग्रेसने केवळ शिस्तभंगाची कारवाई करावी असे नाही तर जनतेची अपेक्षा आहे की तुम्ही वेळेच्या आत आरोपपत्र निश्चित करावे. जलदगतीने खटला चालवा, जेणेकरून न्याय मिळण्याची आशा अबाधित राहील.
तेलंगणामध्ये भाजपला मोठा धक्का बसला आहे. गोशामहलचे आमदार टी राजा सिंह यांनी भाजपचा राजीनामा दिला आहे. असे सांगितले जात आहे की टी राजा सिंह तेलंगणा भाजप अध्यक्षपदाची निवडणूक लढवू इच्छित होते. त्यांनी तेलंगणा भाजप अध्यक्ष जी किशन रेड्डी यांना राजीनामा पाठवला आहे. टी राजा सिंह यांनी धक्का आणि निराशेचे कारण देत पक्षाच्या प्राथमिक सदस्यत्वाचा राजीनामा दिला आहे.
अमेरिकेचे अध्यक्ष डोनाल्ड ट्रम्प यांनी नुकतेच भारतासोबतच्या व्यापार कराराबद्दल विधान केले आहे. त्यांनी सांगितले की भारतासोबत लवकरच व्यापार करार होणार आहे. केंद्रीय अर्थमंत्री निर्मला सीतारामन यांनी या विषयावर प्रतिक्रिया दिली आहे. त्यांनी अमेरिकेसोबतच्या व्यापार करारावर सरकारची भूमिका स्पष्ट केली आहे. अर्थमंत्र्यांनी म्हटले आहे की भारताला अमेरिकेसोबत नक्कीच चांगला करार करायचा आहा, परंतु त्यासाठी काही अटी असतील
उत्तराखंड आणि मिझोराम भाजपच्या प्रदेशाध्यक्षांसाठी निवडणूक झाली. उत्तराखंडमध्ये, विद्यमान अध्यक्ष महेंद्र भट्ट पुन्हा अध्यक्ष झाले. त्याच वेळी, माजी मंत्री आणि आमदार के. बेचुआ यांची मिझोराममध्ये नवीन अध्यक्ष म्हणून निवड झाली. तसेच आज ६ राज्यांमध्ये भाजप अध्यक्षपदासाठी निवडणूक झाली आणि आतापर्यंत वीस राज्यांमध्ये निवडणुका झाल्या आहेत. पुढील दोन दिवसांत १२ राज्ये आणि केंद्रशासित प्रदेशांमध्येही निवडणुका होतील.
२०२६ – २७ मध्ये होणारा नाशिक आणि त्रंबकेश्वरचा सिंहस्थ कुंभमेळा यशस्वी करण्यासाठी शासकीय स्तरावरून होणाऱ्या प्रयत्नांच्या पार्श्वभूमीवर रामतीर्थ गोदावरी सेवा समितीने विविध उपक्रम सुरू करायचे ठरविले असून सिंहस्थ कुंभमेळा पर्यावरण पूरक आणि हरित व्हावा यासाठी सेवा समितीने पुढाकार घेतला आहे.
यूपीतील प्रयागराजमध्ये मोठा गोंधळ सुरू आहे. प्रयागराजच्या रस्त्यांवर २ तासांपासून उपद्रवींच्या जमावाने उघडपणे गोंधळ घातला आहे. जमावाने पोलिसांच्या वाहनांवर हल्ला केला, दगडफेक केली आणि डायल ११२ वाहनास उलटवले. बदमाशांनी पोलिस पथकावरही दगडफेक केली. रोडवेज बसेसची तोडफोड करण्यात आली आणि अनेक दुचाकी जाळण्यात आल्या.
महाराष्ट्रात लवकरच स्थानिक स्वराज्य संस्थांच्या निवडणुका होणार आहेत. मात्र, निवडणुकीपूर्वीच मुंबई काँग्रेसमधील वाद खूप वाढला आहे. मुंबई काँग्रेसमधील वरिष्ठ नेते मुंबई काँग्रेस अध्यक्षा आणि खासदार वर्षा गायकवाड यांच्या विरोधात एकवटले आहेत. मिळालेल्या माहितीनुसार, येत्या मुंबई महापालिका निवडणुकीसाठी शनिवारी मुंबई काँग्रेसने एक समिती स्थापन केली. मुंबई काँग्रेसच्या वरिष्ठ नेत्यांना या समितीत स्थान मिळाले नाही, त्यामुळे पक्षाचे काही वरिष्ठ नेते संतप्त झाले आहेत.