Pravin Wankhade

गेल्या नऊ दिवसांपासून इस्रायल आणि इराणमधील युद्ध सुरू आहे. त्यामुळे इराणमध्ये शिक्षण घेण्यासाठी गेलेल्या भारतीय विद्यार्थ्यांच्या अडचणीही वाढल्या आहेत. या विद्यार्थ्यांना घरी परत आणण्यासाठी भारत सरकारने ऑपरेशन सिंधू सुरू केले आहे. ज्या अंतर्गत आतापर्यंत दोन गट भारतात पोहोचले आहेत.

इराण-इस्त्राईल संघर्षाच्या पार्श्वभूमीवर निर्माण झालेल्या तणावपूर्ण परिस्थितीत भारतासाठी दिलासादायक पाऊल उचलण्यात आले आहे. इराणने भारतासाठी अपवादात्मक निर्णय घेत, आपले हवाई क्षेत्र खुलं केल्याने ‘ऑपरेशन सिंधू’च्या दुसऱ्या टप्प्यास गती मिळाली असून, सुमारे १,००० अडकलेल्या भारतीय विद्यार्थ्यांच्या भारतात पुनरागमनाचा मार्ग मोकळा झाला आहे.