उपराष्ट्रपती पदासाठी एनडीएच्या उमेदवाराचे नाव १७ ऑगस्ट रोजी अंतिम केले जाईल. वृत्तसंस्था एएनआयने सूत्रांच्या हवाल्याने सांगितले की, भाजप संसदीय मंडळाची बैठक रविवारी संध्याकाळी ६ वाजता होणार आहे, ज्यामध्ये उपराष्ट्रपती पदाच्या उमेदवाराचे नाव अंतिम केले जाऊ शकते.
रशियाचे राष्ट्राध्यक्ष पुतिन आणि अमेरिकेचे राष्ट्राध्यक्ष ट्रम्प यांची अलास्कामध्ये भेट झाली. युक्रेन युद्ध संपवण्याबाबत त्यांची सुमारे ३ तास बैठक झाली. त्यानंतर दोन्ही नेत्यांनी फक्त १२ मिनिटे संयुक्त पत्रकार परिषद घेतली. यादरम्यान त्यांनी पत्रकारांच्या कोणत्याही प्रश्नांची उत्तरे दिली नाहीत.
काही लोकांना वाटते की आपण लईच मोठे झालो आहोत. सगळ्या महाराष्ट्राचे नेतृत्व आपल्याकडे आले आहे. मात्र, त्यांनी त्यांच्या पक्षाचे बघावे. आम्ही आमच्या पक्षाचे बघतो. दुसऱ्यांच्या पक्षात नाक खुपसण्याची गरज नाही. अशा शब्दात उपमुख्यमंत्री अजित पवार यांनी रोहित पवार यांना सुनावले आहे. अजित पवार यांचा पक्ष सुनील तटकरे यांनी पक्ष हायजॅक केल्याचा आरोप रोहित पवार यांनी केला होता. यावरून अजित पवार यांनी आता जोरदार प्रत्युत्तर दिले आहे.
लाल किल्ल्यावरील भाषणात पंतप्रधान नरेंद्र मोदी देशाची जगात महती वाढवण्याचे काम करणाऱ्या माजी पंतप्रधान जवाहरलाल नेहरू यांचे नाव घेत नाही ही गोष्ट अस्वस्थ करणारी आहे, असे मत राष्ट्रवादी काँग्रेस शरद पवार गटाचे अध्यक्ष शरद पवार यांनी व्यक्त केले.
जयंत पाटील म्हणजे देखणे नेतृत्व आणि आम्ही काही देखणे नाही का? कार्यक्रमाला वाळव्यात बोलवायचे आणि आमचीच बिन पाण्याने करायची,” असा टोला उपमुख्यमंत्री अजित पवार यांनी जयंत पाटील यांना लगावला.
माजी मुख्यमंत्री वसंतदादा पाटील यांच्या पाठीत खंजीर खुपसल्याचा शरद पवार यांच्यावर आरोप केला जातो. पुण्यातील एका कार्यक्रमात खुद्द शरद पवारांनीच आपण वसंतदादा पाटील यांच्या पाठीत खंजीर खुपसल्याची कबुली दिली आहे.
लोकप्रिय यूट्यूबर म्हणून जगभरात प्रवासविषयक व्हिडिओंमुळे चर्चेत असलेली ज्योती मल्होत्रा उर्फ Travel With Jo आता गंभीर आरोपांमुळे तुरुंगात आहे.
अमेझॉनचे संस्थापक जेफ बेझोस यांच्या आई जॅकलिन गाईज बेझोस यांचे काल वयाच्या ७८ व्या वर्षी निधन झाले. बेझोस फॅमिली फाउंडेशनने एक निवेदन जारी करून ही बातमी दिली आहे.
सामान्यांवरील वस्तू व सेवा कराचा (जीएसटी) भार कमी करीत दैनंदिन वापराच्या वस्तू स्वस्त करून यंदा दिवाळीत मोठी भेट देण्याची घोषणा पंतप्रधान नरेंद्र मोदी यांनी शुक्रवारी लाल किल्ल्यावरून केली. पंतप्रधानांच्या घोषणेनंतर लगेचच, अर्थ मंत्रालयाने राज्यांच्या अर्थमंत्र्यांच्या गटाला दोनस्तरीय जीएसटी दर रचना आणि निवडक वस्तूंसाठी विशेष दर प्रस्तावित केले आहेत.
कर्नाटक काँग्रेसचे आमदार सतीश कृष्णा साईल यांच्या घरातून अंमलबजावणी संचालनालयाने (ईडी) १.४१ कोटी रुपयांची रोकड जप्त केली आहे. ईडीने त्यांच्या आणि त्यांच्या कुटुंबाच्या बँक लॉकरमधून ६.७५ किलो सोन्याचे दागिने आणि बिस्किटे जप्त केली आहेत.
पाकिस्तानच्या खैबर पख्तूनख्वा प्रांतात शुक्रवारी झालेल्या मुसळधार पावसामुळे अचानक आलेल्या भूस्खलन आणि पुरामुळे २४ तासांत १८९ जणांचा मृत्यू झाला, ज्यात १६३ पुरुष, १४ महिला आणि १२ मुले यांचा समावेश आहे.
महाराष्ट्राच्या सांस्कृतिक परंपरेचा परमोच्च बिंदू म्हणजे सार्वजनिक गणेशोत्सव. 10 दिवस चालणारा हा उत्सव भक्तिभाव, आनंद, समाजसेवा आणि एकात्मतेचा महामहोत्सव म्हणून साजरा होतो.
ब्रिटिशांनी भारत सोडताना काँग्रेसला नेहरुंच्या नेतृत्वाखाली काँग्रेसला बसविले सत्तेवर; पण काँग्रेस नेत्यांनी फाळणीचे खापर फोडले. सावरकर + मुखर्जींवर!!, हे दारूण राजकीय सत्य आज समोर आले.
भारताचे सरन्यायाधीश (CJI) बीआर गवई म्हणाले की, कॉलेजियम प्रणालीमध्ये सर्वोच्च न्यायालय उच्च न्यायालयापेक्षा मोठे नाही. दोन्हीही संवैधानिक न्यायालये आहेत आणि त्यापैकी कोणीही दुसऱ्यापेक्षा मोठे किंवा लहान नाही.
आजी म्हणाली, रोहित उगवता तारा; काकाने सांगितले भावकीने पडता पडता वाचविला!!, हे राजकीय सत्य सांगली जिल्ह्यातल्या वाळवा तालुक्यातल्या ईश्वरपुरातल्या महात्मा फुले शिक्षण संस्थेच्या कार्यक्रमातून उघड्यावर आले.
पुण्यातील राष्ट्रवादी काँग्रेसच्या (अजित पवार गट) कार्यालय उद्घाटनात माजी शहराध्यक्ष दीपक मानकर यांचे अचानक बाहेर पडणे चर्चेचा विषय ठरले आहे.
पंतप्रधान नरेंद्र मोदी यांनी शुक्रवारी ७९व्या स्वातंत्र्यदिनी १०३ मिनिटांचे भाषण दिले. १०० मिनिटांपेक्षा जास्त काळ भाषण देण्याची ही त्यांची पहिलीच वेळ आहे. लाल किल्ल्याच्या तटबंदीवरून भारताच्या इतिहासात कोणत्याही पंतप्रधानांनी दिलेले हे सर्वात मोठे भाषण आहे.
नाशिक : काका + पुतण्यांचे कमी पडले “संस्कार”; म्हणून पुढच्या पिढ्यांवर काढावा लागला राग!!, असं म्हणायची वेळ पवार काका + पुतण्यांच्या कमी पडलेल्या “राजकीय संस्कारांमुळे” […]
डोनाल्ड ट्रम्पला “गुंडाळून” व्लादिमीर पुतिन अलास्का मधून पुन्हा मॉस्कोत; युद्ध थांबवायची जबाबदारी झेलेन्सकीवर!!, ही अमेरिकेचे अध्यक्ष डोनाल्ड ट्रम्प आणि रशियाचे अध्यक्ष व्लादिमीर पुतिन यांच्यातल्या बहुचर्चित अलास्का वाटाघाटींची फलश्रुती ठरली. दोन्ही नेते अलास्का मध्ये साधारण सहा तास भेटले. त्यातल्या तीन तास द्विपक्षीय वाटाघाटी केल्या. परंतु, रशिया आणि युक्रेन यांच्यातील युद्ध थांबविण्यासंदर्भात दोघांमध्ये कुठलाही करार झाला नाही. युद्ध थांबविण्यासंदर्भात चर्चेतून “प्रगती” झाली. आम्ही पुढचे पाऊल टाकले, एवढेच दोघांनी एकमेकांना आणि नंतर पत्रकारांना सांगितले. युद्ध थांबविण्यासंदर्भात पुतिन यांनी ट्रम्प यांना कुठलाही “शब्द” दिला नाही. उलट युरोपने युक्रेन मध्ये लुडबुड करणे थांबवावे, असे त्यांनी ट्रम्प यांच्या समोर सुनावून घेतले.
स्वातंत्र्यदिनानिमित्त पंतप्रधान नरेंद्र मोदी यांनी लाल किल्ल्यावरून 2 घोषणा केल्या आहेत. त्यांनी ‘पंतप्रधान विकासित भारत रोजगार योजना’ सुरू केली. दिवाळीपर्यंत कर कमी करणारी जीएसटी सुधारणा योजना आणण्याबद्दलही त्यांनी सांगितले.
राष्ट्रवादी कॉंग्रेस शरद पवार गटाचे ज्येष्ठ नेते एकनाथ खडसे यांचे जावई व रोहिणी खडसे यांचे पती प्रांजल खेवलकर यांच्या अडचणीत आणखी वाढ होण्याची शक्यता आहे. परवानगीशिवाय ,महिलेचे फोटो आणि व्हिडिओ काढल्याप्रकरणी त्यांच्या विरोधात पुण्यातील सायबर पोलिस ठाण्यात गुन्हा दाखल करण्यात आला आहे. खराडी रेव्ह पार्टी प्रकरणी प्रांजल खेवलकर यांना अटक करण्यात आली आहे. त्यात आता आणखी एका नवीन प्रकरणामुळे त्यांचा पाय आणखी खोलात गेला आहे.
भाजप नेते व मंत्री गिरीश महाजन यांनी पत्रकारांशी संवाद साधत अनेक मुद्यांवर भाष्य केले आहे. तसेच ठाकरे बंधू एकत्र येत मराठी मतांची वज्रमूठ बांधणार असल्याच्या चर्चा सुरू आहेत, यावर निवडणुका जवळ आल्या की मराठी मराठीचा नारा लावायचा आणि मराठी मते काय आमची नाहीत का? असा सवाल उपस्थित करत टोला लगावला आहे.
जम्मू-काश्मीरमधील किश्तवाड जिल्ह्यातील चशोटी गावात ढगफुटी झाल्यानंतर पूर आणि ढिगाऱ्याखाली दबल्यामुळे आतापर्यंत ६५ जणांचा मृत्यू झाला आहे. यापैकी २१ जणांची ओळख पटली आहे. आतापर्यंत १६७ जणांना वाचवण्यात आले आहे.
ऑस्ट्रेलियातील मेलबर्न येथील भारतीय वाणिज्य दूतावासाबाहेर स्वातंत्र्य दिन साजरा करणाऱ्या भारतीय नागरिकांना खलिस्तानी समर्थकांनी रोखण्याचा प्रयत्न केला आणि गोंधळ घातला. द ऑस्ट्रेलिया टुडेच्या वृत्तानुसार, भारतीय नागरिक शांततेत स्वातंत्र्य दिन साजरा करत असताना काही खलिस्तानी समर्थकांनी झेंडे फडकावून आणि गोंधळ घालून वातावरण बिघडवले.
शुभांशू शुक्ला आंतरराष्ट्रीय अंतराळ स्थानकात पोहोचल्यानंतर जवळजवळ एक महिना झाल्यानंतर, दोन भारतीय अंतराळवीरांनी महासागरातील सर्वात खोल खोली गाठण्याचा विक्रम केला.