बिहारमधील नितीश कुमार यांच्या नेतृत्वाखालील एनडीए सरकारने एक मोठा निर्णय घेतला आहे आणि विधवा, वृद्ध आणि अपंगांचे पेन्शन वाढवले आहे. सामाजिक सुरक्षा पेन्शन योजनेअंतर्गत आता या लोकांना दरमहा ११०० रुपये मिळतील. पूर्वी त्यांना दरमहा ४०० रुपये मिळत होते. मुख्यमंत्री नितीश कुमार यांनी हा निर्णय जाहीर केला आहे.
गेल्या नऊ दिवसांपासून इस्रायल आणि इराणमधील युद्ध सुरू आहे. त्यामुळे इराणमध्ये शिक्षण घेण्यासाठी गेलेल्या भारतीय विद्यार्थ्यांच्या अडचणीही वाढल्या आहेत. या विद्यार्थ्यांना घरी परत आणण्यासाठी भारत सरकारने ऑपरेशन सिंधू सुरू केले आहे. ज्या अंतर्गत आतापर्यंत दोन गट भारतात पोहोचले आहेत.
अलीकडेच राष्ट्राध्यक्ष ट्रम्प यांनी पाकिस्तानचे लष्करप्रमुख असीम मुनीर यांच्यासोबत व्हाईट हाऊसमध्ये जेवण केले. यासंदर्भात जम्मू-काश्मीरचे मुख्यमंत्री उमर अब्दुल्ला यांनी अमेरिकेच्या वृत्तीवर भाष्य केले. मुख्यमंत्री उमर अब्दुल्ला म्हणाले, अमेरिका इतर देशांचा तोपर्यंतच ‘मित्र’ आहे जोपर्यंत त्याचा फायदा होतो आणि अमेरिका त्यांच्या हिताचे रक्षण करण्यासाठी काहीही करू शकते.
इस्रायलने इराणच्या इस्फहान अणुऊर्जा केंद्र आणि क्षेपणास्त्र ठिकाणावर मोठा हल्ला केला आहे. यासोबतच, इस्रायली सुरक्षा दलांनी (आयडीएफ) इराणी रिवोल्यूशनरी गार्ड्सचे (आयआरजीसी) कुद्स फोर्समधील पॅलेस्टिनी विभागाचे प्रमुख सईद इजादी यांनाही ठार केलं आहे.
आंतरराष्ट्रीय राजकारणाच्या रगड्यात आपल्या देशाचे तुकडे होतील, याची खात्री दहशतवादी देश पाकिस्तानला पटत चालली आहे
अहमदाबाद विमान अपघातासाठी एअर इंडियाच्या तीन अधिकाऱ्यांना निलंबित करण्यात आले आहे. नागरी विमान वाहतूक महासंचालनालयाने (DGCA) एअर इंडियाला त्यांच्या तीन अधिकाऱ्यांना सर्व पदांवरून तात्काळ काढून टाकण्याचे आदेश दिले आहेत. फ्लाइट क्रू शेड्यूलंगशी संबंधित ‘गंभीर आणि वारंवार उल्लंघन’ केल्यामुळे DGCA ने एअर इंडियाच्या तीन वरिष्ठ अधिकाऱ्यांवर तात्काळ कारवाई करण्यास सांगितले आहे.
आंध्र प्रदेशमधील अल्लुरी सीताराम राजू जिल्ह्यातील २०,००० हून अधिक आदिवासी विद्यार्थ्यांनी शुक्रवारी विशाखापट्टणम येथे एका भव्य योग सत्रात भाग घेतला आणि एक नवीन विश्वविक्रम रचला. या विक्रमाची अधिकृत घोषणा आज होऊ शकते.
मराठी रंगभूमी, चित्रपट आणि मालिकांमध्ये अभिनयाद्वारे प्रसिद्धी मिळवणाऱ्या तुषार घाडीगावकरने शुक्रवारी आत्महत्या केली. काम न मिळाल्याच्या ताणामुळे त्याने हे पाऊल उचलल्याचे प्राथमिक माहितीवरून समोर आले आहे. त्याच्या अचानक निधनाने मराठी मनोरंजन विश्वासह त्याचे कुटुंब, मित्र आणि चाहत्यांना धक्का बसला आहे.
इराण-इस्त्राईल संघर्षाच्या पार्श्वभूमीवर निर्माण झालेल्या तणावपूर्ण परिस्थितीत भारतासाठी दिलासादायक पाऊल उचलण्यात आले आहे. इराणने भारतासाठी अपवादात्मक निर्णय घेत, आपले हवाई क्षेत्र खुलं केल्याने ‘ऑपरेशन सिंधू’च्या दुसऱ्या टप्प्यास गती मिळाली असून, सुमारे १,००० अडकलेल्या भारतीय विद्यार्थ्यांच्या भारतात पुनरागमनाचा मार्ग मोकळा झाला आहे.
७ मे रोजी रात्री ऑपरेशन सिंदूरअंतर्गत भारताने अचूक स्ट्राईक करून पाकिस्तान आणि पीओकेमधील अनेक दहशतवादी अड्डे उद्ध्वस्त केले. यामध्ये लष्कर-ए-तैयबा आणि जैश-ए-मोहम्मद या दहशतवादी संघटनांचे अड्डे समाविष्ट होते. पण आता, पाकिस्तानी सैन्य ते पुन्हा दुरुस्त करत आहे.
इराण आणि इस्रायलमधील सुरू असलेला संघर्ष हा केवळ लष्करी संघर्ष नाही तर तो आता आर्थिक संकटातही रूपांतरित होत आहे. इस्रायलचे माजी संरक्षण सल्लागार ब्रिगेडियर जनरल (निवृत्त) रामेम अमिनच यांच्या मते, युद्ध लढण्यासाठी इस्रायल दररोज ७२५ दशलक्ष डॉलर्स (सुमारे ६,००० कोटी रुपये) खर्च करत आहे.
बिहार विधानसभा निवडणूक जवळ आली असताना पंतप्रधान नरेंद्र मोदी, मुख्यमंत्री नितीशकुमार यांचे बिहार मधले दौरे वाढले. त्याचवेळी राष्ट्रीय जनता दलाचे नेते लालूप्रसाद यादव आणि तेजस्वी यादव यांचे सत्ताधारी पक्षांवरचे हल्ले देखील वाढत चालले.
केंद्रीय गृहमंत्री आणि सहकार मंत्री अमित शहा यांनी अप्रत्यक्षपणे उद्धव ठाकरे आणि काँग्रेसवर निशाणा साधला आहे. “खरी शिवसेना एकनाथ शिंदेंची आहे, हे त्यांनी दाखवून दिले आहे,” असे अमित शहांनी म्हटले. त्याचबरोबर, मुंबईवर अनेक वर्षे राज्य करणाऱ्यांनी शहरासाठी काय केले, असा सवाल उपस्थित करत त्यांनी उद्धव ठाकरे आणि काँग्रेसवर टीका केली.
बांगलादेशात विद्यार्थी आंदोलनाच्या नावाखाली हिंदूंचे मोठे शिरकाण झाले त्यावेळी काँग्रेसच्या माजी अध्यक्ष सोनिया गांधी यांनी कुठली चिंताजनक प्रतिक्रिया व्यक्त केली नव्हती, पण गाझा पट्टी आणि इराण यांच्यावर इजराइलने प्रतिबंधात्मक हल्ले केले.
हिंदी भाषेच्या सक्तीवरून राज्यात आकांडतांडव माजले असताना आता राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनीही यासंबंधीची आपली भूमिका स्पष्ट केली आहे. हिंदी भाषेची सक्ती असू नये. पण हिंदी भाषेचा द्वेष करणे हे विद्यार्थ्यांच्या हिताचे नाही. या प्रकरणी कुणी स्वतःहून हिंदी शिकत असेल, तर त्याला नाही म्हणण्याचे कोणतेही कारण नाही, असे त्यांनी म्हटले आहे.
राज्याचे ग्रामविकास मंत्री जयकुमार गोरे यांच्या खंडणी प्रकरणात पोलिसांनी राजधानी दिल्लीतून एका मांत्रिकाला अटक केली आहे. याच मांत्रिकाच्या इशाऱ्यानुसार एका महिलेने गोरे यांच्याकडे खंडणी मागितल्याचा आरोप आहे. साताऱ्यातील वडूज पोलिसांच्या पथकाने ही कारवाई केली आहे. या कारवाईमुळे या प्रकरणी अनेक मोठे खुलासे होण्याची शक्यता व्यक्त केली जात आहे.
पंतप्रधान मोदींनी शुक्रवारी भुवनेश्वरमध्ये सांगितले की, ओडिशातील डबल इंजिन सरकारमुळे लोकांना दुहेरी फायदा मिळत आहे. आज ओडिशामध्ये भाजप सरकारने एक वर्ष पूर्ण केले आहे. हा केवळ सरकारचा वर्धापन दिन नाही. हा एका स्थापित सरकारचा वर्धापन दिन आहे. हा सुशासनाचा वर्धापन दिन आहे.
: दहशतवादी देशाच्या शिफारशीवर, ट्रम्पचा दावा नोबेलवर!!, असे अमेरिकेच्याही इतिहासातले रसातळाचे राजकारण आज घडले. अ
एमआयएमचे माजी खासदार इम्तियाज जलील यांनी नुकतेच राज्याचे सामाजिक न्याय मंत्री संजय शिरसाट यांच्यावर मालमत्तेसंबंधी गंभीर आरोप केले होते. आता याला प्रत्युत्तर म्हणून वंचित बहुजन आघाडीने खुद्द जलील यांच्यावरच कोट्यवधी रुपयांची मालमत्ता जमवल्याचा आरोप केला आहे. वंचितचे स्थानिक पदाधिकारी अफसर खान यांनी प्रश्न उपस्थित केला आहे की, “इम्तियाज जलील ५ वर्षे खासदार आणि ५ वर्षे आमदार होते. या १० वर्षांत त्यांच्याकडे कोट्यवधी रुपयांची प्रॉपर्टी कुठून आली?”
उद्धव ठाकरे यांनी शिवसेनेच्या वर्धापन दिनाच्या कार्यक्रमातून मुख्यमंत्री देवेंद्र फडणवीस व मनसे अध्यक्ष राज ठाकरे यांच्या भेटीवर टीका केली होती. मराठी माणसांची शक्ती एकत्र येऊ नये म्हणून यांच्या मालकांचे नोकर भेटीगाठी घेत आहेत,
इराणचे भारतातील उपराजदूत मोहम्मद जावेद हुसैनी यांनी इस्रायलविरुद्ध कठोर भूमिका घेतली आहे आणि भारताला इस्रायलचा उघडपणे निषेध करण्याचे आणि त्यावर दबाव आणण्याचे आवाहन केले आहे. ते म्हणाले की, भारतासारख्या मोठ्या आणि शांतताप्रिय देशांनी, जे जागतिक दक्षिणेचा आवाज आहेत, इस्रायलवर टीका करून आघाडीची भूमिका बजावली पाहिजे.
इराणमध्ये इस्लामिक क्रांती घडवणारे अयातुल्लाह रुहोल्लाह खोमेनी हे जगभरात ओळखले जाणारे एक प्रभावशाली व्यक्तिमत्त्व होते. आजही त्यांच्या नावावर तेहरानमध्ये रस्ते, विद्यापीठे आणि चलन नोटा आहेत. पण त्यांच्याशी संबंधित एक रोचक माहिती अशी आहे की, त्यांच्या पूर्वजांचे मूळ भारतातील उत्तर प्रदेशातील बाराबंकी जिल्ह्यात होते.
पश्चिम बंगालमधील राजकारण पुन्हा एकदा पेटले आहे. मुख्यमंत्री ममता बॅनर्जी यांच्या कारभारावर प्रश्न उपस्थित करणाऱ्या लंडनस्थित डॉक्टर राजतशुभ्र बंधोपाध्याय यांना भेटायला गेलेल्या भाजप प्रदेशाध्यक्ष आणि केंद्रीय मंत्री सुकांत मजुमदार यांना कोलकाता पोलिसांनी अटक केल्याने खळबळ उडाली आहे. या घटनेने केंद्र-राज्य संघर्षाचे नवे पर्व सुरू झाले असून भाजपने राज्य सरकारवर “गुंडशाही”चा आरोप करत थेट हल्ला चढवला आहे.
केंद्रीय अन्वेषण ब्युरो (सीबीआय) ने इंदूरस्थित खासगी कंपनी मेसर्स तीर्थ गोपिकॉन लिमिटेडशी संबंधित १८३ कोटी रुपयांच्या मोठ्या बनावट बँक हमी घोटाळ्याचा पर्दाफाश केला आहे.
आज म्हणजेच २१ जून रोजी जगभरात आंतरराष्ट्रीय योग दिन साजरा केला जाणार आहे. पंतप्रधान नरेंद्र मोदी यानिमित्ताने विशाखापट्टणममध्ये योगासनं करतील.