पंतप्रधान नरेंद्र मोदी यांची बीए पदवी सार्वजनिक करण्याचा केंद्रीय माहिती आयोगाचा (CIC) आदेश दिल्ली उच्च न्यायालयाने रद्द केला आहे. आता दिल्ली विद्यापीठाला (DU) पंतप्रधानांची पदवी दाखवावी लागणार नाही.
जम्मू आणि काश्मीरमधील तावी नदीतील पूर परिस्थितीबद्दल भारताने मानवतेच्या आधारावर पाकिस्तानला माहिती दिली आहे. भारतीय परराष्ट्र मंत्रालयाच्या म्हणण्यानुसार, हे पाऊल केवळ मानवतावादी मदतीच्या उद्देशाने उचलण्यात आले आहे.
अमेरिकेचे अध्यक्ष डोनाल्ड ट्रम्प यांची भारतावर 50 % टेरिफ लादायची दमबाजी; पण अमेरिकन दूतावासाकडून भारताची मनधरणी!!
अमेरिकेचे राष्ट्राध्यक्ष ट्रम्प यांनी सोमवारी दोन कार्यकारी आदेशांवर स्वाक्षरी केली. पहिल्या आदेशात, पैसे जमा न करता आरोपींना सोडण्याची (कॅशलेस जामीन) व्यवस्था रद्द करण्यात आली. तर दुसऱ्या आदेशात, अमेरिकन ध्वज जाळणाऱ्यांवर कठोर कारवाई करण्याची तरतूद करण्यात आली आहे.
उत्तर प्रदेशचे मुख्यमंत्री योगी आदित्यनाथ यांच्यावर आधारित ‘अजेय: द अनटोल्ड स्टोरी ऑफ अ योगी’ या चित्रपटाला मुंबई उच्च न्यायालयाने प्रदर्शित करण्याची परवानगी दिली आहे. न्यायालयाने सोमवारी सेंट्रल बोर्ड ऑफ फिल्म सर्टिफिकेशन (सीबीएफसी) ला चित्रपटात कोणतेही कट किंवा बदल न करता प्रदर्शित करण्याचे निर्देश दिले.
चेंगट व्यापारी ते असीम मुनीरची अमेरिकन आवृत्ती!!, असा अमेरिकेचे राष्ट्राध्यक्ष डोनाल्ड ट्रम्प यांचा राजकीय प्रवास झालेला दिसतोय. तो “अत्यंत वेगवान” आहे. अमेरिकेच्या इतिहासात आत्तापर्यंत एवढा वेगवान राजकीय प्रवास केलेला राष्ट्राध्यक्ष सापडणे कठीण आहे.
सिडकोतील तब्बल ५ हजार कोटींच्या कथित जमीन घोटाळ्याने राज्याच्या राजकारणात खळबळ उडवली आहे. सामाजिक न्यायमंत्री संजय शिरसाट यांच्यावर राष्ट्रवादी शरदचंद्र पवार पक्षाचे आमदार रोहित पवार यांनी केलेल्या गंभीर आरोपांनंतर मुख्यमंत्री देवेंद्र फडणवीस यांनी “पुरावे द्या” असे खुले आव्हान दिले होते. हे आव्हान स्वीकारत रोहित पवार सोमवारी पत्रकार परिषदेत तब्बल १२ हजार पानांचे दस्तऐवज घेऊन मैदानात उतरले. या पुराव्यांच्या बॅगमुळे शिरसाट यांच्यावरील संकट अधिक गडद झाले आहे.
रिलायन्स फाउंडेशनच्या जामनगर (गुजरात) येथील वनतारा ग्रीन्स झूलॉजिकल रेस्क्यू एंड रिहॅबिलिटेशन सेंटरविरुद्धच्या आरोपांच्या चौकशीसाठी सर्वोच्च न्यायालयाने सोमवारी एसआयटी स्थापन केली. न्या.पंकज मित्तल आणि न्या. प्रसन्ना बी. वराळे यांच्या खंडपीठाने सुप्रीम कोर्टाचे निवृत्त न्यायमूर्ती जे चेलमेश्वर यांच्या अध्यक्षतेखाली एसआयटी स्थापन करण्याचे आदेश दिले. प्राण्यांची अवैध खरेदी, त्यांच्याशी गैरवर्तन, आर्थिक अनियमितता आणि मनी लाँड्रिंगच्या आरोपांवर दाखल याचिकांवर हा आदेश देण्यात आला.
मराठा समाजाला ओबीसी प्रवर्गात १० टक्के आरक्षण देण्याबाबत राज्य सरकारने दोन दिवसांत निर्णय घ्यावा, अन्यथा सरकार उलथवून टाकू, असा अल्टिमेटम मराठा आरक्षण कार्यकर्ते मनोज जरांगे यांनी सोमवारी दिला. आरक्षण आणि इतर मागण्यांसाठी मुंबईत २९ तारखेपासून आपण व मराठा कार्यकर्ते बेमुदत उपोषण करणार असल्याचेही त्यांनी सांगितले.
व्हेनेझुएला आणि अमेरिकेदरम्यान नवी आघाडी उघडली आहे. ७ ऑगस्टला ट्रम्प सरकारने व्हेनेझुएलाचे राष्ट्राध्यक्ष निकोलस मादुरोंवर ड्रग्ज कार्टेल चालवल्याचा आरोप लावत सुमारे ४१७ कोटी रुपयांचे बक्षीस जारी केले होते. आता स्थिती आणखी बिघडली आहे, जेव्हा अमेरिकेने कॅरेबियन समुद्रात ३ युद्धनौका उतरवल्या आहेत. हे गायडेड क्षेपणास्त्र विनाशक आहे. त्यात ४५०० नाविक आणि २,२०० मरीनचा समावेश आहे. एक पाणबुडीही तैनात केली जात आहे.
मुख्यमंत्री देवेंद्र फडणवीस हे उपमुख्यमंत्री एकनाथ शिंदे यांच्या नेतृत्वातील नगरविकास खात्यावर नाराज असल्याचा दावा केला जात आहे. पण उपमुख्यमंत्री अजित पवार यांनी सोमवारी हा दावा जोरकसपणे फेटाळून लावला आहे. मुख्यमंत्री नगरविकास खात्यावर नाराज असल्याची माहिती धांदात खोटी आहे, असे ते म्हणाले.
कुणी कितीही दबाव आणला तरी स्वावलंबी भारत झुकणार नाही, असे पंतप्रधान नरेंद्र मोदी यांनी जाहीर केले. सोमवारी अहमदाबादमध्ये एका रोड शो आणि जाहीर सभेत पंतप्रधान मोदी म्हणाले, देशातील लघु उद्योजक, शेतकरी किंवा पशुपालकांचे हित सर्वोपरी आहे. आजकाल जगभरात आर्थिक हिताच्या नावाखाली राजकारण केले जात आहे
काँग्रेस नेते राहुल गांधी आणि “मत चोर”, “निवडणूक आयोग भाजपच्या खिशात”, “मतदार वंचितीकरण” असे नवे नारे देत संस्थात्मक विश्वासार्हतेवर प्रश्नचिन्ह निर्माण करण्याचा प्रयत्न केला. अगदी “लहान मुले सुद्धा माझ्याकडे येऊन म्हणतात, ‘मत चोर गद्दी छोड’” अशा विधानांनीही त्यांनी वातावरण ढवळून काढले.या आरोपांना प्रत्युत्तर देताना निवडणूक आयोगाने १७ ऑगस्ट रोजी राहुल गांधींना सरळ शब्दात सांगितले होते की, “सात दिवसांत शपथपत्र द्या नाहीतर देशाची माफी मागा, अन्य पर्याय नाही”. २५ ऑगस्ट ही मुदत संपूनही राहुल गांधींनी शपथपत्र सादर केले नाही किंवा माफीही मागितली नाही.
राष्ट्रीय स्वयंसेवक संघाने शताब्दी वर्षात पंच परिवर्तनाचा सूत्रपात केला असला, तरी संघाने तेवढ्यापुरताच शताब्दी वर्षाचा उपक्रम मर्यादित ठेवलेला नाही.
राज्य सरकारी कर्मचारी आणि एसटी महामंडळाच्या कर्मचाऱ्यांचा पगार गणेशोत्सवापूर्वी होणार आहे. राज्य शासनाच्या इतर कर्मचाऱ्यांप्रमाणे एसटीच्या सुमारे 83000 कर्मचारी आणि अधिकाऱ्यांचे ऑगस्ट महिन्याचे वेतन गणेश उत्सवापूर्वी देण्यात येणार आहे. याबाबतचा शासन निर्णय निर्गमित करण्यात आला
५८ दिवसांनंतर, पोलिसांनी शनिवारी कोलकाता लॉ कॉलेज सामूहिक बलात्कार प्रकरणात ६५० पानांचे पहिले आरोपपत्र दाखल केले. त्यात मुख्य आरोपी मनोजित मिश्रा, त्याचे दोन साथीदार जैब अहमद आणि प्रमित मुखर्जी आणि कॉलेज सुरक्षा रक्षक पिनाकी बॅनर्जी यांची नावे आहेत.
पंतप्रधान नरेंद्र मोदी यांच्या अहमदाबाद, गुजरात दौऱ्यापूर्वी, गुन्हे शाखेने शनिवारी एलिसब्रिज रीगल हॉटेलमधून एका सीरियन नागरिकाला अटक केली. त्याचे नाव २३ वर्षीय अली मेघाट अल-अझहर असे आहे.
भारतानंतर, अनेक युरोपीय देशांनीही अमेरिकेला जाणारी टपाल सेवा बंद केली आहे. यामध्ये भारत, इटली, ब्रिटन, फ्रान्स, जर्मनी, नेदरलँड्स, ऑस्ट्रिया आणि इतर अनेक देशांचा समावेश आहे. सेवा ठप्प करण्याचे कारण अमेरिकेचे अध्यक्ष डोनाल्ड ट्रम्प यांचे नवीन टॅरिफ नियम आहेत.
ED ने छापा टाकताच पळून जाण्यासाठी आमदाराची कुंपणावरून उडी; याला म्हणतात शूर ममतांच्या पक्षाची लढाईची तयारी!!, असे म्हणायची वेळ ममता बॅनर्जींच्या तृणमूल काँग्रेसच्या आमदाराच्या कृत्याने आणली. Jeevan Krishna Sah
अमेरिकन लैंगिक गुन्हेगार जेफ्री एपस्टाईनच्या प्रकरणात आता ब्रिटनच्या दिवंगत राजकुमारी डायना यांचे नाव जोडले गेले आहे. खरं तर, जेफ्री एपस्टाईनची सहकारी मॅक्सवेलने दावा केला आहे की, लंडनमधील एका कार्यक्रमात राजकुमारी डायनाची एपस्टाईनशी ओळख करून देण्याचा प्रयत्न करण्यात आला होता. मॅक्सवेल म्हणाले की, हा कार्यक्रम डायनाची जवळची मैत्रीण रोझा मोंकटनने आयोजित केला होता.
पाकिस्तान आणि बांगलादेशने रविवारी सहा करारांवर स्वाक्षरी केली. यामध्ये व्यापार, अर्थव्यवस्था, राजनैतिक प्रशिक्षण, शिक्षण, माध्यमे आणि संस्कृती या क्षेत्रात सहकार्य मजबूत करणे समाविष्ट आहे.पाकिस्तानचे उपपंतप्रधान आणि परराष्ट्र मंत्री मुहम्मद इशाक डार आणि बांगलादेशचे परराष्ट्र सल्लागार मोहम्मद तौहिद हुसेन यांच्यात झालेल्या प्रतिनिधीमंडळ पातळीवरील चर्चेनंतर हे करार झाले.
रशियन माध्यमांनुसार, शनिवारी रात्री उशिरा रशियाच्या कुर्स्क प्रदेशातील अणुऊर्जा प्रकल्पावर युक्रेनने ड्रोन हल्ला केला. युक्रेन आपला ३४ वा स्वातंत्र्य दिन साजरा करत असताना ही घटना घडली. रशियाने आरोप केला आहे की, या हल्ल्यामुळे अणुऊर्जा प्रकल्पात आग लागली.
ऐन गणेशोत्सवात मराठा आरक्षणाचा मुद्दा तापवून थेट मुंबई गाठायचा बेत केलेल्या मनोज जरांगे यांनी आज अंतरवली सराटीत पत्रकार परिषद घेऊन महाराष्ट्रातले फडणवीस सरकार उलथवण्याची भाषा केली.
रविवारी दिल्ली विधानसभेत अखिल भारतीय सभापती परिषदेचे उद्घाटन गृहमंत्री अमित शहा यांनी केले. ही परिषद दोन दिवस चालेल. २९ राज्यांच्या विधानसभांचे सभापती आणि सहा राज्यांच्या विधानपरिषदांचे अध्यक्ष आणि उपसभापती यात सहभागी झाले आहेत.
भारत सरकारने हवाई दल आणि नौदलाची ताकद वाढवण्यासाठी दोन मोठे करार करण्यास सहमती दर्शविली आहे. पहिला करार संरक्षण मंत्रालय आणि माझगाव डॉकयार्ड्स लिमिटेड यांनी जर्मनीकडून ६ पाणबुड्या खरेदी करण्याचा आहे. प्रोजेक्ट 75 इंडिया अंतर्गत भारतात बांधल्या जाणाऱ्या या पाणबुड्यांच्या खरेदीसाठी वाटाघाटी सुरू करण्यास सरकारने मान्यता दिली आहे. हा करार ७० हजार कोटी रुपयांमध्ये होऊ शकतो.