निवडणूक आयोगाने (ECI) शुक्रवारी गेल्या सहा वर्षांत कोणतीही निवडणूक न लढवलेल्या ४७४ नोंदणीकृत अमान्यताप्राप्त राजकीय पक्षांची यादी रद्द केली. या कारवाईनंतर, गेल्या दोन महिन्यांत ८०८ पक्षांना यादीतून काढून टाकण्यात आले आहे. आयोगाने असेही म्हटले आहे की, ९ ऑगस्ट रोजी ३३४ पक्षांची नोंदणी यापूर्वी रद्द करण्यात आली होती.
पाकिस्तान आणि सौदी अरेबियामध्ये 17 सप्टेंबरला एक महत्वपूर्ण सैन्य करार झाला. दोन्ही दोन्ही देशांनी स्ट्रॅटेजिक म्यूचुअल डिफेंस एग्रीमेंट (SMDA) असे या कराराला नाव दिले. हा करार म्हणजे इस्लामिक नाटोची सुरुवात असल्याचे बोलले गेले.
काँग्रेस नेते राहुल गांधी यांचे जवळचे सहकारी सॅम पित्रोदा यांच्या एका विधानामुळे आणखी एक वाद निर्माण झाला आहे. एका मुलाखतीत पित्रोदा म्हणाले, “मी पाकिस्तानला गेलो होतो आणि मी तुम्हाला सांगतो की, मला तिथे घरी असल्यासारखे वाटले.”
कर्नाटकचे मुख्यमंत्री सिद्धरामय्या यांनी राष्ट्रीय स्वयंसेवक संघ आणि बजरंग दल गुन्हे करतात या विधानाबद्दल दाखल केलेली फौजदारी तक्रार बंगळुरूच्या एका न्यायालयाने फेटाळून लावली आहे.
बलुचिस्तान लिबरेशन आर्मी (बीएलए) आणि त्यांच्या आत्मघाती युनिट, माजिद ब्रिगेडवर बंदी घालण्याचा संयुक्त राष्ट्रांमध्ये प्रस्ताव अमेरिकेने रोखला आहे.
पाकिस्तानचे दहशतवाद्यांशी संबंध असल्याचे सांगत सौदी अरेबिया पाकिस्तानशी असलेले संबंध सुधारेल अशी आशा भारताने शुक्रवारी व्यक्त केलीगेल्या काही वर्षांत भारत आणि सौदी अरेबियामधील धोरणात्मक भागीदारी लक्षणीयरीत्या वाढली आहे. आम्हाला आशा आहे की ही भागीदारी परस्पर हितसंबंध आणि संवेदनशीलता लक्षात घेईल.
वंचित बहुजन आघाडीचे अध्यक्ष प्रकाश आंबेडकर यांनी शुक्रवारी राज्यातील ओबीसी नेत्यांच्या धरसोड वृत्तीचा समाचार घेतला आहे. कोणतेही आंदोलन यशस्वी होण्यासाठी त्यात प्रामाणिकता असणे महत्त्वाचे आहे. त्यामुळे ओबीसी आरक्षणाच्या मुद्यावर माझी भूमिका धरसोड वृत्तीची आहे का? हा प्रश्न ओबीसीच्या सर्वच नेत्यांनी स्वतःला विचारला पाहिजे, असे ते म्हणालेत.
नागपूर येथे चिंतन शिबिरात बोलताना अजित पवार म्हणाले, राज्याचे हित डोळ्यासमोर ठेऊन काम करताना कोणावर अन्याय होऊ देणार नाही. सारथी बार्टी सगळ्या संस्थांना मदत केली जाईल, असे त्यांनी म्हटले आहे. मागील दोन महिन्यापासून समाजा समाजात तेढ निर्माण केली जातेय, ही पुरोगामी महाराष्ट्राला परवडणारी नाही, असेही यावेळी अजित पवार म्हणाले.
भाजप आमदार गोपीचंद पडळकर यांनी राष्ट्रवादी काँग्रेस पार्टी शरदचंद्र पवार पक्षाचे माजी प्रदेशाध्यक्ष जयंत पाटील यांच्याविषयी केलेल्या एका वादग्रस्त विधानाचे राज्यभरात तीव्र पडसाद उमटत आहेत. अनेक राजकीय नेत्यांनी या प्रकरणी पडळकरांच्या विधानाचा निषेध केला आहे. स्वतः शरद पवारांनी याविषयी मुख्यमंत्री देवेंद्र फडणवीस यांना फोन करून आपली नाराजी कळवली. त्यानंतर फडणवीसांनी पडळकरांना फैलावर घेत बोलताना भान राखण्याचा सल्ला दिला. गोपीचंद पडळकर यांनी केलेल्या विधानाचे आम्ही केव्हाच समर्थन करणार नाहीत, असे ते म्हणालेत.
लोकसभेतील विरोधी पक्षनेते राहुल गांधी यांनी एका पोस्टमध्ये म्हटले आहे की, “निवडणूक चौकीदार जागा राहिला, चोरी पाहत राहिला आणि चोरांना वाचवले.” त्यांनी ३७ सेकंदांची व्हिडिओ क्लिप शेअर केली आणि त्याला कॅप्शन दिले: “पहाटे ४ वाजता उठला, ३६ सेकंदात दोन मतदारांना हटवले, नंतर पुन्हा झोपला – अशा प्रकारे मतांची चोरी होते!”
शुक्रवारी संध्याकाळी मणिपूरच्या बिष्णुपूर जिल्ह्यात अज्ञात हल्लेखोरांनी आसाम रायफल्सच्या वाहनावर हल्ला केला. या हल्ल्यात दोन जवान शहीद झाले, तर चार जण जखमी झाले. जखमींना पोलिस आणि स्थानिक नागरिकांनी रिम्स रुग्णालयात नेले. घटनेनंतर परिसरात शोध मोहीम सुरू करण्यात आली आहे.
राज्य सरकारने सरकारी योजनांतील बोगस लाभार्थ्यांचा मुद्दा कायमस्वरुपी निकाली काढण्यासाठी एक गोल्डन डेटा तयार केला आहे. या डेटामध्ये राज्यातील सर्वच नागरिकांची इत्यंभूत माहिती अवघ्या एका क्लिकवर उपलब्ध होणार आहे. त्यामुळे सरकारला भविष्यातील कोणत्याही योजनेसाठी वेगळा सर्व्हे करण्याची काहीच गरज उरणार नाही.
मुख्यमंत्री देवेंद्र फडणवीस यांच्या प्रमुख उपस्थितीत आज केंद्रीय मंत्री प्रल्हाद जोशी यांनी ‘एआयआयएफए स्टीलेक्स 2025 – अ स्टील महाकुंभ’ कार्यक्रम
राहुल गांधींनी मत चोरीचा केलेला आरोप दिल्ली विद्यापीठातल्या विद्यार्थ्यांना नाही पटला; बॅलेट पेपरवर झालेल्या निवडणुकीत NSUI ला दिला दणका!!, ही महत्वपूर्ण घडामोड आज घडली.
पश्चिम आशिया आणि दक्षिण आशियाच्या राजकारणावर परिणाम होऊ पाहणारा एक मोठा करार झाला आहे. पाकिस्तान आणि सौदी अरबने सैन्य करार केला आहे. दोन्ही देशांच्या संयुक्त स्पष्टीकरणानुसार, आता दोन्ही देश कोणत्याही आक्रमकतेविरुद्ध सोबत मिळून काम करतील. दोन्हीपैकी एका देशावर हल्ला झाल्यास तो दोन्ही देशांवरील हल्ला मानला जाईल. या सैन्य करारावर प्रतिक्रिया देताना गुरुवारी भारताच्या परराष्ट्र मंत्रालयाचे प्रवक्ते रणधीर जायस्वाल म्हणाले की, आम्हाला याची माहिती आधीपासून होती. आम्ही प्रादेशिक आणि जागतिक सुरक्षा डोळ्यासमोर ठेवून या सैन्य कराराचे आकलन करत आहोत. ते म्हणाले, भारत स्वत:चे संरक्षण करण्यास पूर्णपणे सक्षम आहे.
सर्वोच्च न्यायालयाने गुरुवारी १७ राज्ये आणि सात केंद्रशासित प्रदेशांना १९०९ च्या आनंद विवाह कायद्याअंतर्गत शीख विवाहांसाठी (आनंद कारज) नोंदणी प्रणाली चार महिन्यांत लागू करण्याचे निर्देश दिले.
अजितदादांच्या राष्ट्रवादीने भाजपच्या सत्तेच्या वळचणीला राहून जी स्वबळाची उबळ आणली, तिच्या मागे ताकद नाही, त्या नागपुरात हव्यात जास्त जागा, पण पुण्यात त्यांना भाजपशी घ्यायचा आहे संघर्षाचा पवित्रा!!, हीच दोन प्रमुख कारणे दिसतायेत. बाकी मराठवाड्यात अजितदादांच्या पक्षाला फारशी संधी नाही. पश्चिम महाराष्ट्रात कोल्हापूर वगळता इतर महापालिकांमध्ये फारसे अस्तित्व नाही. जे थोडेफार राजकीय अस्तित्व उरले आहे, ते जिल्हा परिषदांमध्ये, निवडक कारखान्यांमध्येच!!
अमेरिकेचे राष्ट्राध्यक्ष ट्रम्प यांनी ब्रिटनचे पंतप्रधान केयर स्टार्मर यांना बेकायदेशीर स्थलांतर रोखण्यासाठी लष्कराचा वापर करण्यास सांगितले आहे. गुरुवारी लंडनमध्ये संयुक्त पत्रकार परिषदेत ट्रम्प म्हणाले की, बेकायदेशीर स्थलांतरित देशाला आतून उद्ध्वस्त करतात.
ऑगस्टमध्ये भारताची अमेरिकेतील निर्यात सलग तिसऱ्या महिन्यात घसरली. जुलैच्या तुलनेत ऑगस्टमध्ये निर्यात १६.३% कमी होऊन ६.७ अब्ज डॉलर्स किंवा ₹५८,८१६ कोटी झाली. २०२५ मधील ही आतापर्यंतची सर्वात मोठी मासिक घसरण आहे.
भाजपच्या सत्तेच्या वळसणीला राहून अजितदादांच्या राष्ट्रवादीला स्वबळाची खुमखुमी आली असल्याचे आज दिसून आले. पण त्याच वेळी मागच्या दाराने शरद पवार यांच्या राष्ट्रवादीशी गुळपीठ जमवायची तयारी केल्याचा डावही समोर आला.
सिक्युरिटीज अँड एक्सचेंज बोर्ड ऑफ इंडिया (SEBI) ने गुरुवार, १८ सप्टेंबर रोजी हिंडेनबर्ग रिसर्चच्या आरोपांमधून अदानी समूहाला मुक्त केले, ज्यांनी गौतम अदानी आणि त्यांच्या कंपन्यांवर (जसे की अदानी पोर्ट्स आणि अदानी पॉवर) शेअर बाजारातील हेराफेरीचा आरोप केला होता.
देवेंद्र फडणवीस यांच्या गोपीचंद पडळकर यांना कानपिचक्या; पण ते मोठे नेते व्हायचाही दिला दाखला!!, असे आज गोपीचंद पडळकर विरुद्ध जयंत पाटील अशा रंगलेल्या सामन्यात घडले.
येस बँक फसवणूक प्रकरणात सीबीआयने गुरुवार, १८ सप्टेंबर रोजी अनिल अंबानी आणि इतरांविरुद्ध दोन स्वतंत्र आरोपपत्रे दाखल केली. त्यात अंबानींच्या समूहाच्या कंपन्या आणि येस बँकेचे माजी सीईओ राणा कपूर यांच्या कुटुंबाच्या मालकीच्या कंपन्यांमध्ये फसव्या व्यवहारांचा आरोप आहे, ज्यामुळे बँकेला २,७९६ कोटी रुपयांचे नुकसान झाले.
आयटी मंत्री अश्विनी वैष्णव यांनी गुरुवारी सांगितले की, ऑनलाइन गेमिंग कायदा २०२५ हा १ ऑक्टोबरपासून लागू होईल. कायदा लागू करण्यापूर्वी सरकारने गेमिंग कंपन्या, बँका आणि इतर भागधारकांशी अनेक चर्चा केल्या. केंद्रीय मंत्री म्हणाले, सरकार संवाद आणि सल्लामसलत करण्यास पूर्णपणे तयार आहे. नियम लागू करण्यापूर्वी गेमिंग उद्योगासोबत आणखी एक बैठक घेतली जाईल. आवश्यक असल्यास, अंमलबजावणीसाठी अधिक वेळ दिला जाऊ शकतो.
संरक्षण प्रमुख (सीडीएस) जनरल अनिल चौहान यांनी गुरुवारी सांगितले की, सैन्य ही एकमेव अशी जागा आहे जिथे घराणेशाही नाही, पक्षपात नाही किंवा शिफारसही होत नाही.रांची येथील विद्यार्थ्यांशी बोलताना चौहान यांनी त्यांना सैन्यात सामील होण्याचे स्वप्न पाहण्याचे आवाहन केले, कारण देशाची सेवा करण्याची आणि जग पाहण्याची ही सर्वोत्तम संधी आहे. सीडीएसने स्पष्ट केले की, “ऑपरेशन सिंदूरमध्ये, भारताने ७ मे रोजी पहाटे १ वाजता पाकिस्तानवर पहिला हल्ला केला, जेणेकरून नागरिकांना इजा होऊ नये.”