लँड फॉर जॉब प्रकरणात लालू कुटुंबाच्या अडचणी वाढल्या आहेत. न्यायालयाने लालू कुटुंबावर आरोप निश्चित केले आहेत. 40 लोकांवर आरोप निश्चित झाले आहेत. या लोकांवर आता खटला चालेल. न्यायालयाने 52 लोकांना निर्दोष मुक्त केले आहे.
इराणचे लष्करी कमांडर मेजर जनरल अमीर हातमी यांनी परदेशी धमक्यांना प्रत्युत्तर म्हणून लष्करी कारवाईचा इशारा दिला आहे. ट्रम्प यांनी अलीकडेच म्हटले होते की, जर इराणच्या सैन्याने शांततापूर्ण निदर्शकांवर हिंसा केली किंवा त्यांना मारले, तर अमेरिका हस्तक्षेप करण्यास तयार आहे.
अंमलबजावणी संचालनालयाने (ED) गुरुवारी कोलकाता येथे राजकीय सल्लागार फर्म I-PAC च्या कार्यालयावर आणि त्याचे संचालक प्रतीक जैन यांच्या घरावर छापा टाकला. प्रतीक जैन हे ममता बॅनर्जी यांच्या टीएमसी पक्षाच्या आयटी सेलचे प्रमुख देखील आहेत. ही कारवाई मनी लॉन्ड्रिंग प्रकरणी केली जात आहे.
महाराष्ट्रात निवडणुका महापालिकांच्या; पण पवारांच्या पासून हिजाब पर्यंत पंतप्रधान पदाची चर्चा!!, असलाच प्रकार महाराष्ट्रातल्या महापालिका निवडणुकांच्या प्रचाराच्या निमित्ताने समोर आलाय. महापालिकांच्या निवडणुकात वेगवेगळ्या मुद्द्यांवर प्रचार केला जातोय. त्यात स्थानिक मुद्द्यांपासून ते नेत्यांच्या भ्रष्टाचारापर्यंत सगळे विषय चघळले जात आहेत. त्यातच काही नेत्यांनी शरद पवारांच्या पासून ते हिजाबवाल्या महिलेच्या पंतप्रधान पदापर्यंतची चर्चा या निवडणुकीत पुढे आणली. त्यामुळे ही निवडणूक जास्तच रंगतदार झाली.
अमेरिकेचे राष्ट्राध्यक्ष डोनाल्ड ट्रम्प यांनी बुधवारी 66 आंतरराष्ट्रीय संघटनांमधून अमेरिकेला अधिकृतपणे बाहेर काढण्याची घोषणा केली आहे. द गार्डियननुसार, यात 35 गैर-संयुक्त राष्ट्र (UN) संघटना आणि 31 संयुक्त राष्ट्र संस्थांचा समावेश आहे.
विलासराव देशमुख यांना मुख्यमंत्री केले काँग्रेसने; पण अजितदादांनी त्याचे श्रेय दिले शरद पवारांना!!, असे आज लातूरमध्ये घडले.
पाकिस्तान बांगलादेशला JF-17 थंडर फायटर जेट विकण्याच्या तयारीत आहे. या संदर्भात दोन्ही देशांच्या वायुसेना प्रमुखांमध्ये इस्लामाबादमध्ये चर्चा झाली आहे. पाकिस्तानी लष्कराने याची पुष्टी केली आहे.
अंबरनाथच्या नगर परिषदेत एकनाथ शिंदेंच्या शिवसेनेला सत्तेपासून दूर करण्यासाठी भाजपचे प्रदेशाध्यक्ष रवींद्र चव्हाण यांनी फार मोठी खेळी केली खरी, पण ती सुद्धा तोकडी ठरली. अंबरनाथ नगर परिषदेत बहुमताची बाजी एकनाथ शिंदे यांच्या शिवसेनेनेच मारली.
NHAI ने आंध्र प्रदेशमध्ये बंगळुरू-कडप्पा-विजयवाडा इकॉनॉमिक कॉरिडॉर (NH-544G) वर दोन गिनीज वर्ल्ड रेकॉर्ड्स केले आहेत. राजपथ इन्फ्राकॉन प्रायव्हेट लिमिटेडने 24 तासांत 28.95 (14.5 किमी दुहेरी लेन) किलोमीटर रस्ता तयार केला. यासोबतच 10,675 मेट्रिक टन बिटुमिनस काँक्रीट (डांबर) टाकले.
मुंबई ही केवळ महाराष्ट्राचीच नाही, तर भारताची आर्थिक नाडी आहे. कोट्यवधी लोकांच्या स्वप्नांना कवेत घेणाऱ्या या महानगराची ओळख ‘धावणारी मुंबई’ अशी आहे.
केंद्रीय गृह मंत्रालयाने (MHA) सांगितले की, देशात होणाऱ्या 2027 च्या जनगणनेचा पहिला टप्पा 1 एप्रिल ते 30 सप्टेंबर दरम्यान पार पडेल. याची सुरुवात घरांची यादी तयार करणे आणि घरांचा डेटा गोळा करण्यापासून होईल. प्रत्येक राज्य आणि केंद्रशासित प्रदेश त्यांच्या येथे 30 दिवसांत हे काम पूर्ण करतील.
लडाखचे कार्यकर्ते सोनम वांगचुक यांच्या पत्नी गीतांजली जे. अंगमो यांनी सर्वोच्च न्यायालयात सांगितले की, त्यांच्या पतीचे भाषण हिंसाचार पसरवण्यासाठी नव्हते, तर हिंसाचार रोखण्यासाठी होते. त्यांनी आरोप केला की, तथ्ये चुकीच्या पद्धतीने मांडण्यात आली आणि वांगचुक यांना गुन्हेगारासारखे दाखवण्याचा प्रयत्न केला जात आहे.
दिल्ली विधानसभेत आम आदमी पार्टी (आप) च्या आमदार आणि माजी मुख्यमंत्री आतिशी मार्लेना यांच्या विधानावरून पंजाबमध्ये गदारोळ सुरू झाला आहे. भाजप आणि अकाली दलाने म्हटले आहे की, आतिशी यांनी शीख गुरुंचा अपमान केला आहे.
बाहेरून आलेल्यांना मुंबई कळणार नाही अशी ओरड काही जण करतात, पण घरात बसून फेसबुक लाईव्ह करणाऱ्यांना मुंबईकरांच्या व्यथा समजतील का??, असा रोकडा सवाल उपमुख्यमंत्री एकनाथ शिंदे यांनी ठाकरे बंधूंना केला.
जबलपूर उच्च न्यायालयाकडून मध्य प्रदेशातील हजारो सरकारी कर्मचाऱ्यांना मोठा दिलासा मिळाला आहे. उच्च न्यायालयाने प्रोबेशन पीरियड वेतनात केलेली कपात अवैध ठरवत राज्य सरकारला निर्देश दिले आहेत की, ज्या कर्मचाऱ्यांकडून या कालावधीत वेतन कापले गेले आहे, त्यांना थकबाकीसह पूर्ण रक्कम परत करावी.
अमेरिकेचे राष्ट्राध्यक्ष डोनाल्ड ट्रम्प यांनी बुधवारी सांगितले की, अमेरिका आता व्हेनेझुएलाचे कामकाज चालवेल आणि त्याच्या प्रचंड तेलसाठ्यातून अनेक वर्षे तेल काढेल. न्यूयॉर्क टाइम्सला दिलेल्या मुलाखतीत ट्रम्प यांनी सांगितले की, व्हेनेझुएलाचे अंतरिम सरकार “जे काही आवश्यक आहे, ते सर्व देत आहे.”
ठाकरे बंधूंच्या मुलाखतींवर उतारा; देवेंद्र फडणवीसांचा तर्री पोहा!!, असेच चित्र माध्यमांमधून तरी समोर आले.
महापालिका निवडणुकांच्या पार्श्वभूमीवर ठाकरे बंधूंनी फक्त मुंबई आणि ठाणे या दोन शहरांवर लक्ष केंद्रित केले, पण तिथे सुद्धा ठाकरे बंधूंनी रस्त्यावर उतरून प्रचारात भाग घेतला, असे दिसले नाही. त्यांनी मुंबई परिसरात सहा सभांचे नियोजन केले. पण प्रत्यक्षात सभाच घेतल्या नाहीत. ठाकरे बंधू ठाण्यात आणि नाशिक मध्ये सुद्धा एकत्र सभा घेणार, असे जाहीर झाले. पण ते या दोन्ही शहरांमध्ये फिरकले नाहीत. दोघांनी मुंबईत आपापल्या पक्षांच्या काही शाखांना भेटी दिल्या.
अमेरिकेने बुधवारी पकडलेल्या रशियन जहाज मॅरिनेरावर तीन भारतीय नागरिकही होते. ही माहिती रशियन वृत्तसंस्था रशिया टुडेने सूत्रांच्या हवाल्याने दिली आहे.
भाजपच्या सत्तेच्या वळचणीला पवारांना आणि त्यांच्या अनुयायांना काही फायदा जरूर झाला, पण क्रीडा क्षेत्रातल्या पवारांच्या सत्तेला मात्र कायमचा फटका बसला. पवारांची महाराष्ट्राच्या क्रीडा क्षेत्रावर एकहाती सत्ता होती, तिला भाजपने टप्प्याटप्प्याने सुरुंग लावला. क्रिकेट पासून कुस्तीपर्यंत वेगवेगळ्या क्रीडा संघटनांचे अध्यक्ष पवारच राहिले. शरद पवार अजित पवार रोहित पवारांनी वेगवेगळ्या क्रीडा संघटनांचे अध्यक्षपद कायम आपल्या ताब्यात ठेवले.
देशाचे पहिले पंतप्रधान पंडित जवाहरलाल नेहरू यांच्याबाबत भाजपच्या भूमिकेवर भाष्य करताना काँग्रेसचे खासदार आणि ज्येष्ठ नेते शशी थरूर यांनी सविस्तर आणि संतुलित भूमिका मांडली आहे. “मी नेहरूंचा चाहता आहे, मात्र अंध किंवा टीकाविरहित समर्थक नाही,” असे स्पष्ट शब्दांत सांगत थरूर यांनी नेहरूंच्या योगदानाचे कौतुक केले, तसेच त्यांच्या काही निर्णयांवर टीका करायलाही मागेपुढे पाहिले नाही.
मुख्यमंत्री देवेंद्र फडणवीस सध्या महापालिका निवडणुकीच्या पार्श्वभूमीवर संपूर्ण महाराष्ट्राच्या दौऱ्यावर आहेत. नागपूर येथे गेले असताना एका मुलाखतीत त्यांना त्यांच्या नगरसेवकाच्या काळातला किस्सा विचारण्यात आला, यावर फडणवीसांनी एक मजेशीर किस्सा सांगितला. तसेच महापौर आणि नगरसेवकाचा जॉब एकदम टफ असल्याचे त्यांनी यावेळी सांगितले. ज्याने मागच्या जन्मी पाप केले तो नगरसेवक होतो आणि ज्याने महापाप केले तो महापौर होतो, असेही फडणवीस यांनी गंमतीने विधान केले.
मुंबई महापालिका निवडणुकीच्या तोंडावर ठाकरे बंधू आणि शिंदे-फडणवीस सरकार यांच्यातील राजकीय संघर्ष अधिक तीव्र झाला असून, ‘दै. सामना’साठी दिलेल्या ठाकरे बंधूंच्या संयुक्त मुलाखतीतून शिवसेना शिंदे गट आणि भाजपवर जोरदार टीका करण्यात आली. याच पार्श्वभूमीवर शिवसेना शिंदे गटात गेलेले नेते प्रकाश महाजन यांनी थेट राज ठाकरेंवर बोचरी टीका केली आहे.
कोरेगाव भीमा हिंसाचार प्रकरणाची चौकशीची मागणी करण्यासाठी ज्येष्ठ नेते शरद पवार यांनी पाठवलेले पत्र सध्याच्या मुख्यमंत्री कार्यालयाकडे असणे आवश्यक आहे, असे प्रतिज्ञापत्र तत्कालीन मुख्यमंत्री उद्धव ठाकरे यांनी कोरेगाव भीमा चौकशी आयोगासमोर सादर केले. आपण आता मुख्यमंत्रिपदावर नाहीत. त्यामुळे प्रकाश आंबेडकर किंवा आयोगाने या पत्राची मागणी सध्याचे मुख्यमंत्री देवेंद्र फडणवीस आणि त्यांच्या कार्यालयाकडे करणे योग्य ठरेल, असेही त्यांनी नमूद केले.
काँग्रेस खासदार शशी थरूर म्हणाले की, नेहरूंच्या चुका मान्य करणे आवश्यक आहे, परंतु देशातील प्रत्येक समस्येसाठी त्यांना एकटेच दोषी ठरवणे पूर्णपणे चुकीचे आणि अनुचित आहे.
इराणमध्ये महागाईविरोधात गेल्या 10 दिवसांपासून सुरू असलेल्या निदर्शनांदरम्यान गुरुवारी रात्री परिस्थिती आणखी बिघडली. सीएनएनच्या वृत्तानुसार, देशभरातील 100 हून अधिक शहरांमध्ये निदर्शने पसरली आहेत.