राज्यसभेसाठी भाजपने आज उमेदवार यादी जाहीर केली. महाराष्ट्रातून विनोद तावडे, रामदास आठवले, रामराव वडकुते आणि माया इवनाते यांना उमेदवारी देण्यात आली आहे. महाराष्ट्रातील राज्यसभेच्या 7 जागांसाठी 16 मार्च रोजी मतदान होणार आहे.
केंद्रातले नरेंद्र मोदी सरकार संवेदनशील आहे. अतिशय विपरित परिस्थितीचा सामना करत लोकांना मायदेशी आणले जात आहे. महाराष्ट्रातील लोकांनाही परत आणले जात आहे. याची जबाबदारी मंत्री गिरीश महाजन यांना दिली आहे, अशी माहिती मुख्यमंत्री देवेंद्र फडणवीस यांनी बुधवारी विधान परिषदेत दिली.
पवारांच्या घरात दोन आमदार आणि तीन खासदार, तरीही राष्ट्रवादी अस्वस्थ आणि बेजार!!, हीच राजकीय वस्तुस्थिती आज महाराष्ट्रासमोर आहे. कारण पवारांच्या घरात दोन आमदार आणि तीन खासदार असले तरी त्यांनीच स्थापन केलेल्या राष्ट्रवादीची खरी राजकीय सूत्रे आज कुठल्याच पवारांच्या हातात खऱ्या अर्थाने उरलेली नाही त्या सूत्रांमध्ये एक तर भाजपने आणि दुसरा त्यांच्याच राष्ट्रवादीतल्या भाजपला अनुकूल असलेल्या नेत्यांनी पक्का शिरकाव केलाय.
राज्यसभेच्या आगामी निवडणुकीसाठी महाविकास आघाडीतर्फे शरद पवार यांच्या उमेदवारीवर अखेर शिक्कामोर्तब करण्यात आले असून, काँग्रेस प्रदेशाध्यक्ष हर्षवर्धन सपकाळ आणि खासदार सुप्रिया सुळे यांनी पत्रकार परिषदेद्वारे ही अधिकृत घोषणा केली आहे. शिवसेना नेते संजय राऊत यांनीही सोशल मीडियाद्वारे महाविकास आघाडीच्या एकजुटीचा पुनरुच्चार करत या उमेदवारीला पाठिंबा दिला आहे. विशेष म्हणजे, शरद पवार उद्या स्वतः अर्ज भरण्यासाठी विधानमंडळात जाण्याची शक्यता कमी असून, निवडणूक अधिकारी त्यांच्या सिल्व्हर ओक या निवासस्थानी जाऊन अर्जाची प्रक्रिया पूर्ण करणार असल्याची माहिती समोर आली आहे.
राज्यात महिला आणि अल्पवयीन मुली बेपत्ता होण्याच्या घटनांमध्ये झालेली वाढ लक्षात घेता, आता पोलिस प्रशासनाची कार्यक्षमता त्यांच्या शोधमोहिमेतील यशावरून मोजली जाणार आहे. बेपत्ता व्यक्तींचा शोध घेण्याच्या कामगिरीवरच आता पोलिस ठाण्यांचे ‘नामांकन’ ठरवण्यात येईल, अशी महत्त्वपूर्ण माहिती मुख्यमंत्री तथा गृहमंत्री देवेंद्र फडणवीस यांनी बुधवारी विधान परिषदेत दिली.
२०२६ च्या तामिळनाडू विधानसभा निवडणुकीसाठी द्रमुक सज्ज होत आहे. मुख्यमंत्री एम.के. स्टॅलिन यांच्या नेतृत्वाखाली द्रमुकने २१ पक्षांचा समावेश असलेली एक मोठी युती स्थापन केली आहे. काँग्रेस पुन्हा एकदा या युतीचा भाग बनली आहे आणि यावेळी २८ जागा लढवण्यास तयार आहे.
फेब्रुवारी २०२६ च्या अखेरीस अमेरिका आणि इस्रायलने इराणवर केलेल्या भीषण लष्करी कारवाईने संपूर्ण मध्यपूर्वेचा (Middle East) भूगोल आणि राजकारण हादरवून सोडले आहे. या संघर्षात केवळ बॉम्ब आणि क्षेपणास्त्रेच पडली नाहीत, तर जागतिक स्तरावर वारंवार दिला जाणारा ‘मुस्लिम उम्माह’ (जागतिक मुस्लिम भाईचारा) आणि ‘मुस्लिम ब्रदरहुड’ या संकल्पनांचा बुरखाही फाटला आहे.
राज्यात 2024 च्या तुलनेत 2025 मध्ये महिला आणि अल्पवयीन मुलींच्या बेपत्ता होण्याच्या घटनेत वाढ झाल्याची माहिती सरकारी आकडेवारीतून समाेर आली आहे. या प्रकरणाचा तपास आणि शोधमोहीम अधिक तीव्र करण्याचे आश्वासन मुख्यमंत्री देवेंद्र फडणवीस यांनी दिले आहे.
मध्यपूर्वेतील वाढत्या युद्धसदृश परिस्थितीचा परिणाम आता थेट भारतावर दिसू लागला आहे. जगातील सर्वात मोठ्या एलएनजी (Liquefied Natural Gas) निर्यातदार देशांपैकी एक असलेल्या Qatarने भारताला होणाऱ्या गॅस पुरवठ्यात मोठी कपात केली आहे. खाडीतील तणाव, इराण-इस्रायल-अमेरिका संघर्ष आणि होर्मुज सामुद्रधुनीवरील धोका यामुळे ही परिस्थिती निर्माण झाली आहे. भारतासारख्या ऊर्जा आयातीवर अवलंबून असलेल्या देशासाठी ही बातमी अत्यंत गंभीर मानली जात आहे. या संपूर्ण घडामोडींचा सामान्य नागरिकांवर, उद्योगांवर आणि अर्थव्यवस्थेवर नेमका काय परिणाम होऊ शकतो, याचा सविस्तर आढावा घेऊया.
इराणचे सर्वोच्च नेते आयतुल्लाह अली खामेनी यांचा शनिवारी इस्रायलच्या हवाई हल्ल्यात मृत्यू झाला. हा हल्ला तेहरानमधील पास्चर स्ट्रीटजवळील त्यांच्या कार्यालयावर झाला, जिथे ते अनेक मोठ्या इराणी नेत्यांसोबत बैठक करत होते. या हल्ल्यात इस्रायलने कार्यालयावर 30 क्षेपणास्त्रे टाकली होती, ज्यात खामेनेई यांच्यासोबत 40 अधिकारीही मारले गेले.
शरद पवारांसारख्या ज्येष्ठ नेत्याला ताटकाळत ठेवत काँग्रेस आणि शिवसेना यांनी अखेरच्या दिवशी त्यांना महाविकास आघाडीची राज्यसभा उमेदवार द्यायचे मान्य केले. एकेकाळी पंतप्रधानपदाच्या शर्यतीत असलेल्या शरद पवारांसारख्या ज्येष्ठ नेत्याला राज्यसभा उमेदवारीसाठी शिवसेना आणि काँग्रेस अशा दोन्ही पक्षांच्या नेत्यांच्या नाकदुऱ्या काढाव्या लागल्या, तेव्हा कुठे काँग्रेस हायकमांडने आणि उद्धव ठाकरे यांनी त्याच्या उमेदवारीला मान्यता दिल्याची बातमी आली.
सर्वोच्च न्यायालयाच्या न्यायमूर्ती बी.व्ही. नागरत्ना म्हणाल्या की, न्यायाधीशांनी आपले निर्णय देताना त्यांच्या कारकिर्दीवर होणाऱ्या परिणामांची चिंता करू नये. जरी अलोकप्रिय निर्णयांचा पदोन्नती किंवा कार्यकाळ वाढवण्यावर परिणाम होत असला तरी, त्यांनी आपल्या पदाची शपथ आणि न्यायिक धर्माचे पालन केले पाहिजे.
भारतीय बॅडमिंटन स्टार पीव्ही सिंधू सुरक्षित भारतात परतली आहे. इराणच्या ड्रोन हल्ल्यामुळे सिंधू दोन दिवसांपूर्वी दुबई आंतरराष्ट्रीय विमानतळावर अडकली होती. ती ऑल इंग्लंड ओपन खेळण्यासाठी बर्मिंगहॅमला जात होती. दुबईतून सिंधूची कनेक्टिंग फ्लाइट होती.
इस्रायल-इराण युद्धादरम्यान, पंतप्रधान नरेंद्र मोदी यांनी बहरीनचे राजा आणि सौदी अरेबियाचे क्राउन प्रिन्स यांच्याशी फोनवरून चर्चा केली. पंतप्रधानांनी दोन्ही देशांच्या नेत्यांसोबत भारतीय समुदायाच्या सुरक्षेबाबत चर्चा केली. भारताने बहरीनमध्ये व्हिसा आणि पासपोर्ट सेवा देखील निलंबित केल्या आहेत.
सत्ताधारी राष्ट्रवादी काँग्रेसचे ज्येष्ठ नेते तथा राज्याचे अन्न व नागरी पुरवठा मंत्री छगन भुजबळ यांनीही अजित पवारांच्या विमान अपघाताविषयी एएआयबीने जाहीर केलेल्या अहवालावर आश्चर्य व्यक्त केले आहे. अजित पवारांचे विमान खाली कोसळण्यापूर्वी झाडाला धडकले असते तर त्या झाडाचे नुकसान दिसले असते, असे त्यांनी म्हटले आहे. या विधानाद्वारे एकप्रकारे त्यांनी या अहवालावरच प्रश्नचिन्ह उपस्थित केले आहे.
दोन्ही राष्ट्रवादींच्या विहिरीने करण्याची चर्चा थांबविण्याचा जयंत पाटलांनी लॉलीपॉप दिला आणि त्यातून शरद पवारांच्या उमेदवारीतला अडथळा दूर करायचा “डाव” खेळला, हीच राजाकीय वस्तुस्थिती आज राज्यसभा निवडणुकीचे फॉर्म भरायच्या आदल्या दिवशी म्हणजेच 4 मार्च 2026 रोजी समोर आली.
मुंबई महानगरपालिकेतील प्रभाग समिती अध्यक्षपदाच्या निवडणुकीपूर्वी राजकीय वातावरण तापले आहे. 2026 च्या निवडणुकीच्या पार्श्वभूमीवर या लढतीकडे मोठ्या चाचणीच्या रूपात पाहिले जात आहे. अशा वेळी महाराष्ट्र नवनिर्माण सेनेने तटस्थ राहण्याची भूमिका घेण्याची तयारी केल्याची चर्चा रंगली आहे. त्यामुळे ठाकरेंच्या शिवसेनेच्या गोटात अस्वस्थता निर्माण झाली आहे. मनसेने स्वीकृत नगरसेवकपदाबाबत अपेक्षा व्यक्त केली होती; मात्र ती पूर्ण न झाल्यानेच हा निर्णय घेतला जात असल्याची माहिती समोर येत आहे.
राज्यसभेच्या उमेदवारीसाठी शरद पवारांचा गट भाजपच्या अदृश्य शक्तींच्या मागल्या दारी??, असा सवाल ऐन मोक्याच्या क्षणी समोर आलाय.
राज्यसभेच्या जागेसाठी आज मविआतील 3 पक्षांची बैठक होणार आहे. ती माहिती आम्ही दिल्लीला पाठवू. आज कोणत्याही परिस्थितीमध्ये मविआचा राज्यसभेचा उमेदवार निश्चित होईल. अद्याप कोणतेही नाव अंतिम झालेले नाही, आमचा राष्ट्रीय पक्ष आहे तर आम्हाला राज्यसभा आणि उद्धव ठाकरेंनी विधान परिषदेची जागा घ्यावी, असा आमचा आग्रह होता, असे काँग्रेस नेते विजय वडेट्टीवार यांनी म्हटले आहे.
भाजपने महाराष्ट्रातल्या मराठी माध्यमांना पुन्हा एकदा चकवा दिला राज्यसभेसाठी दोन सरप्राईज नावे आणून भाजपच्या श्रेष्ठींनी मराठी माध्यमवीरांना पुन्हा एकदा तोंडावर पाडले.
इराण विरुद्ध अमेरिका – इस्त्रायल युद्धामुळे आखाती देशांत अडकलेल्या महाराष्ट्रातील नागरिकांना मायदेशी आणण्यासाठी राज्य सरकार सक्रिय झाले आहे. मुख्यमंत्री देवेंद्र फडणवीस या प्रकरणी विविध यंत्रणांच्या संपर्कात आहेत. उपमुख्यमंत्री एकनाथ शिंदे व सुनेत्रा पवार यांनीही या प्रकरणी आपल्या पातळीवर विशेष प्रयत्न सुरू केलेत.
शरद पवारांची राज्यसभा खासदारकी; सुप्रिया सुळे, जयंत पाटील मातोश्रीच्या दारापाशी!!, अशी राजकीय घडामोड रात्री घडली. शरद पवारांना राज्यसभेचे खासदारकी द्या, अशी मागणी सुप्रिया सुळे आणि जयंत पाटील यांना उद्धव ठाकरे यांच्याकडे मातोश्री बंगल्यावर जाऊन करावी लागली. पण उद्धव ठाकरे यांनी या दोन्ही नेत्यांना लगेच सकारात्मक प्रतिसाद दिल्याची अधिकृत बातमी नाही. उलट काँग्रेसने शरद पवारांच्या उमेदवारीला पाठिंबा दिला, तर विचार करता येईल, असे उत्तर त्यांनी या दोन्ही नेत्यांना दिल्याचे बातम्यांमधून दिसून आले.
अमेरिका-इराण युद्धाच्या चौथ्या दिवशी दोन्ही बाजूंनी हल्ले झाले. अमेरिका-इस्त्रायलच्या जेट्सने तेहरानमध्ये सुमारे १३० किमी दक्षिणेला पवित्र शहर कोममधील मजलिस ए खोबरेगॉनची इमारत उद््ध्वस्त केली. या ठिकाणी ८८ धर्मगुरू खामेनीई यांचा उत्तराधिकारी असलेल्या सर्वोच्च नेत्याच्या निवडीसाठी जमले होते. मात्र हल्ल्यावेळी इमारतीत एकही धर्मगुरू नव्हता. मात्र यात काही धर्मगुरूंचा मृत्यू झाल्याची अनधिकृत सुत्रांची माहिती आहे.
पुरी येथील श्री जगन्नाथ मंदिराच्या रत्न भंडाराची बहुप्रतीक्षित मोजदाद आणि यादी बनवण्यासाठी प्रक्रिया अखेर लवकरच सुरू होणार आहे. ओडिशा सरकारने चैत्र शुक्ल सप्तमीला (25 मार्च, बुधवार) दुपारी 12:12 पासून ते 1:45 पर्यंतचा शुभ मुहूर्त त्यासाठी निश्चित केला आहे. यापूर्वी 1978 मध्ये रत्न भंडारातील आभूषणांची गणती झाली होती. ती तब्बल 72 दिवस चालली होती.
काँग्रेसच्या राज्यसभा खासदार सोनिया गांधी यांनी इराणचे सर्वोच्च नेते खामेनी यांच्या मृत्यूवर भारत सरकारच्या शांततेबद्दल तीव्र प्रश्न उपस्थित केला आहे. त्यांनी म्हटले – ही शांतता तटस्थता नाही, तर जबाबदारीपासून पळ काढणे आहे. सोनिया गांधींचा संपादकीय लेख आज इंडियन एक्सप्रेसमध्ये प्रसिद्ध झाला आहे.