भारताच्या रजिस्ट्रार जनरलने गुरुवारी २०२७ च्या जनगणनेच्या पूर्व-चाचणीच्या पहिल्या टप्प्याची घोषणा केली. ही चाचणी घरांची यादी आणि गृहसंख्या गणना यावर केंद्रित असेल. ही चाचणी देशातील सर्व राज्ये आणि केंद्रशासित प्रदेशांमध्ये १० ते ३० नोव्हेंबर दरम्यान चालेल.
महाविकास आघाडीच्या नेत्यांनी बुधवारी पत्रकार परिषद घेत मतदार यादी तसेच मतचोरीच्या मुद्द्यावरून सरकारवर तसेच निवडणूक आयोगावर टीका केली होती. यावेळी प्रथमच मनसे अध्यक्ष राज ठाकरे देखील महाविकास आघाडीच्या नेत्यांसोबत दिसले. त्यानंतर आज राष्ट्रवादी कॉंग्रेस शरद पवार गटाचे आमदार रोहित पवार यांनी पत्रकार परिषद घेत निवडणूक आयोगावर निशाणा साधला आहे. यावेळी त्यांनी स्क्रीनवर मतदारांची खोटी नावे टाकण्यात आल्याचे सांगत थेट अमेरिकेचे राष्ट्राध्यक्ष यांच्या नावे देखील आधार कार्ड असल्याचे दाखवले.
भारतीय परराष्ट्र मंत्रालयाचे (MEA) प्रवक्ते रणधीर जयस्वाल यांनी गुरुवारी सांगितले की, बुधवारी पंतप्रधान मोदी आणि राष्ट्राध्यक्ष ट्रम्प यांच्यात कोणताही संवाद झाला नाही.
राज्याचे उपमुख्यमंत्री तथा सत्ताधारी राष्ट्रवादी काँग्रेस पार्टीचे अध्यक्ष अजित पवार यांनी मनसे अध्यक्ष राज ठाकरे यांनी ‘मिमिक्री’द्वारे केलेली टीका धुडकवून लावली आहे. कुणी माझी मिमिक्री केल्यामुळे माझ्या अंगाला भोकं पडत नाही.
नको नको ते खाल्ले, म्हणून कंबरडे मोडले आणि आता हंबरडा फोडू लागले, अशा शब्दांमध्ये उपमुख्यमंत्री एकनाथ शिंदे यांनी उद्धव सेनेवर निशाणा साधला. शिवसेना सातारा जिल्हा शाखेच्या वतीने शहरातील जिल्हा परिषदेच्या स्वर्गीय यशवंतराव चव्हाण सभागृहात भव्य मेळाव्याचे आयोजन करण्यात आले. याप्रसंगी उपस्थित राहून मोठ्या संख्येने जमलेल्या शिवसैनिकांना संबोधित करताना आगामी स्थानिक स्वराज्य संस्थांच्या निवडणुकांमध्ये महायुतीचा भगवा फडकवण्यासाठी सज्ज राहण्याचे त्यांनी आवाहन केले.
बुधवारी सर्वोच्च न्यायालयाने दिल्ली-एनसीआरमध्ये हिरव्या फटाक्यांचा वापर करण्यास परवानगी दिली. मुख्य न्यायाधीश बी.आर. गवई म्हणाले, “आपण संतुलित दृष्टिकोन स्वीकारला पाहिजे, परंतु पर्यावरणाशी तडजोड करणार नाही. आम्ही काही अटींसह हिरव्या फटाक्यांचा वापर करण्यास परवानगी देत आहोत.”
पाकिस्तानचे पंतप्रधान शाहबाज शरीफ यांना त्यांच्याच देशात ट्रोल केले जात आहे, ते त्यांना अमेरिकेचे राष्ट्राध्यक्ष ट्रम्प यांचे चापलूस आणि खुशामत करणारे म्हणत आहेत. काही सोशल मीडिया वापरकर्त्यांनी म्हटले आहे की जर चापलूसीसाठी नोबेल पुरस्कार मिळाला असता तर शरीफ हे एक प्रमुख दावेदार असते.
सरकार आपल्या दारी ते शिवसेना घेऊन आली योजनांची शिदोरी, इथपर्यंत महायुतीचा राजकीय प्रवास झाल्याचे आज समोर आले. एकनाथ शिंदे मुख्यमंत्री असताना सरकार आपल्या दारी योजनेची अंमलबजावणी करून महायुती सरकारने मतदारांचा विश्वास जिंकला होता. त्या योजनेचा संपूर्ण महायुतीला राजकीय फायदा देखील झाला होता.
गुजरात सरकारमधील सर्व मंत्र्यांनी गुरुवारी राजीनामा दिला. मुख्यमंत्री भूपेंद्र पटेल लवकरच राज्यपालांना मंत्र्यांचे राजीनामे सादर करतील. नवीन मंत्रिमंडळाचा शपथविधी समारंभ उद्या शुक्रवारी सकाळी ११:३० वाजता गांधीनगर येथे होणार आहे.
सर्वोच्च न्यायालयाने बुधवारी मृत्युदंडाच्या शिक्षेच्या अंमलबजावणीच्या पद्धतीबाबत केंद्राच्या भूमिकेवर नाराजी व्यक्त केली. मृत्युदंडाची शिक्षा झालेल्या कैद्यांना फाशी देण्याऐवजी प्राणघातक इंजेक्शनचा पर्याय देण्यात यावा, अशी सूचना सरकारने स्वीकारण्यास नकार दिला.
तामिळनाडू सरकार बुधवारी राज्य विधानसभेत हिंदी भाषेच्या वापरावर बंदी घालणारे विधेयक मांडेल अशी अपेक्षा होती, परंतु तसे झाले नाही. माध्यमांच्या वृत्तानुसार, सरकार संपूर्ण तामिळनाडूमध्ये हिंदी होर्डिंग्ज, बोर्ड, चित्रपट आणि गाण्यांवर बंदी घालू इच्छित आहे.
कॉमनवेल्थ गेम्स क्रीडा कार्यकारी मंडळाने २०३० च्या कॉमनवेल्थ गेम्स (CWG) चे यजमानपदासाठी अहमदाबादला नामांकन दिले आहे. २६ नोव्हेंबर रोजी ग्लासगो येथे होणाऱ्या कॉमनवेल्थ गेम्सच्या बैठकीत अंतिम निर्णय घेतला जाईल.
भाजपने बुधवारी १२ उमेदवारांची दुसरी यादी जाहीर केली. या यादीत दोन प्रसिद्ध चेहऱ्यांचा समावेश आहे. लोकगायिका मैथिली ठाकूरला अलीनगरमधून तिकीट देण्यात आले आहे. मैथिली ठाकूरने १४ ऑक्टोबर रोजी भाजपमध्ये प्रवेश केला होता.
उपमुख्यमंत्री एकनाथ शिंदेंच्या शिवसेनेची पक्ष संघटनेची रचना जरी मूळच्या शिवसेनेच्या धर्तीवर असली तरी आता स्थानिक स्वराज्य संस्थांच्या निवडणुकीची सूत्रे मात्र त्यांनी खासदार डॉक्टर श्रीकांत शिंदे यांच्याकडे सोपविल्याची चिन्हे दिसली आहेत.
महायुतीतले स्वबळ इतर पक्षांना “खाली” कर!!, असलाच राजकीय प्रकार महाराष्ट्रात समोर येऊन राहिलाय.
एसटी को-ऑपरेटिव बँक ही एसटी कर्मचाऱ्यांच्या घामाच्या पैशावर चालणारी आशिया खंडातील सगळ्यात मोठी को-ऑपरेटिव्ह बँक म्हणून ओळखली जात होती. परंतु सध्या ह्या बँके बाबत नेहमीच काही ना काही विचित्र ऐकायला येते. भ्रष्टाचाराच्या विळख्यात अडकलेले संचालक मंडळ कामगारांच्या मेहनतीच्या पैशांवर मौज करत आहे. याचे अनेक उदाहरणे आजवर आपण बघितलेत.
शेतकऱ्यांना परदेश दौऱ्यासाठी 2 लाख रुपयांचे अनुदान देण्याचा निर्णय राज्य शासनाने घेतला असल्याची माहिती कृषिमंत्री दत्तात्रय भरणे यांनी दिली आहे. या संदर्भात माहिती देताना भरणे म्हणाले, जगातील सर्वोत्तम शेती तंत्रज्ञान शेतकऱ्यांनी आपल्या शेतात वापरावे यासाठी परदेशी अभ्यास दौऱ्याचे कृषि विभागामार्फत आयोजन केले जाते, अशी माहिती भरणे यांनी दिली आहे.
पंतप्रधानांनी बिहारमधील एक कार्यकर्ते ओम प्रकाश यांना विचारले, “तुम्ही जंगल राजवरील प्रदर्शन पाहिले आहे का? ते तुमच्या जिल्ह्यात आहे का?” त्यांनी उत्तर दिले, “हो, ते आमच्या जिल्ह्यातही आहे.” पंतप्रधान म्हणाले, “१८ ते ४५ वयोगटातील लोकांना जंगल राजबद्दल सविस्तरपणे सांगा. वृद्ध लोकांना त्यांना कथा सांगायला सांगा.”
पंतप्रधान नरेंद्र मोदी यांनी बुधवारी ‘मेरा बूथ, सबसे मजबूत’ मोहिमेअंतर्गत बिहारमधील कार्यकर्त्यांशी व्हर्चुअली संवाद साधला.
मुख्यमंत्री देवेंद्र फडणवीस यांनी महाविकास आघाडीच्या नेत्यांनी राज्य निवडणूक आयोगाच्या अधिकाऱ्यांच्या घेतलेल्या भेटीवर निशाणा साधला. एवढे गोंधळलेले विरोधक मी केव्हाच पाहिले नाहीत. कोणत्या मुद्यावर कुठे जावे हे ही या लोकांना माहिती नाही, असे ते विरोधकांची खिल्ली उडवताना म्हणाले. यावेळी त्यांनी सरकारने पाऊस आणल्याची टीका करणाऱ्या काँग्रेस खासदार प्रणिती शिंदेंचाही समाचार घेतला.
पंतप्रधान नरेंद्र मोदी अमेरिकेचे राष्ट्राध्यक्ष डोनाल्ड ट्रम्प यांना घाबरतात, अशी 5 उदाहरणे देत राहुल गांधींनी 5 दावे केले. परंतु, त्या दाव्यांना मोदींनी शाब्दिक उत्तरे न देता कृतीतून उत्तरे कशी दिली?? हे लक्षात घ्यायला हवे.
राज्यात आगामी निवडणुकांच्या पार्श्वभूमीवर विरोधी पक्षांनी निवडणूक आयोगाकडे केलेल्या मागण्यांवर आणि त्यांच्या एकत्रित भूमिकेवर उपमुख्यमंत्री एकनाथ शिंदे यांनी तीव्र टीका केली आहे. विरोधकांनी आपला पराभव मान्य केल्याचे आणि त्यांचे अवसान गळाल्याचे दिसत असल्यामुळेच ते एकत्र आले, असे शिंदे म्हणाले. तसेच सन्नाटा कोणाकडे होता? आमच्याकडे की त्यांच्याकडे? असे म्हणत राज ठाकरेंना टोला लगावला.
बुधवारी संध्याकाळी पाकिस्तानने अफगाणिस्तानवर हवाई हल्ले केले. अफगाणिस्तानातील माध्यमांनुसार, पाकिस्तानी लढाऊ विमानांनी राजधानी काबूल आणि स्पिन बोल्दाक येथे बॉम्बहल्ला केला. या हल्ल्यांमध्ये डझनभर लोक मारले गेल्याचे वृत्त आहे.
काँग्रेसचे ज्येष्ठ नेते बाळासाहेब थोरात यांनी राज्य निवडणूक आयोगासोबत झालेल्या बैठकीत आपले कोणतेही समाधान झाले नसल्याचे मत व्यक्त केले आहे. आम्ही राज्य निवडणूक आयोगाची भेट घेतली. पण त्याने आमचे कोणतेही समाधान झाले नाही. आगामी निवडणुका चुकीच्या मतदार याद्यांसह निवडणूक होणार असतील, तर ते निकोप लोकशाहीसाठी घातक आहे, असे ते म्हणालेत.
पश्चिम बंगालच्या दुर्गापूरमधील खासगी वैद्यकीय महाविद्यालयातील विद्यार्थिनीवरील कथित सामूहिक बलात्कार प्रकरणात तृणमूल काँग्रेसने निर्लज्ज आणि धक्कादायक दावा केला आहे.
भारताच्या क्रीडा क्षेत्रासाठी आजचा दिवस ऐतिहासिक ठरला आहे. २०३० च्या शताब्दी राष्ट्रकुल क्रीडा स्पर्धांचे आयोजन भारतातील अहमदाबाद शहरात होणार असल्याची शिफारस कॉमनवेल्थ स्पोर्टच्या कार्यकारी मंडळाने केली आहे. यामुळे भारत पुन्हा एकदा जागतिक क्रीडा नकाशावर तेजाने झळकणार आहे.