कॉर्डेलिया क्रूझवरील ड्रग्ज प्रकरणामुळे चर्चेत आलेले एनसीबीचे माजी अधिकारी समीर वानखेडे आणि अभिनेता शाहरुख खानचा मुलगा आर्यन खान यांच्यातील वाद पुन्हा एकदा पेटला आहे. आर्यन खानने दिग्दर्शित केलेल्या “बॅड्स ऑफ बॉलिवूड’ या वेब सीरिजविरोधात वानखेडेंनी थेट दिल्ली उच्च न्यायालयात धाव घेतली आहे. या सिरीजमध्ये आपली बदनामी केल्याचा आरोप त्यांनी केला.
अमेरिकेचे ऊर्जा सचिव क्रिस राईट यांनी भारताला रशियाकडून कच्चे तेल आयात करण्याबाबत पुनर्विचार करण्याचे आवाहन केले आहे. न्यू यॉर्कमध्ये पत्रकार परिषदेत बोलताना राईट म्हणाले, तुम्ही जगातील कोणत्याही देशाकडून तेल खरेदी करू शकता, फक्त रशियाकडून नाही. अमेरिका तेल विकते आणि इतर देशही ते विकतात. आम्हाला भारताला शिक्षा करायची नाही, तर आम्हाला युद्ध संपवायचे आहे आणि भारताशी असलेले आपले संबंध मजबूत करायचे आहेत.
लडाख या केंद्रशासित प्रदेशाला पूर्ण राज्याचा दर्जा मिळावा या मागणीसाठी बुधवारी लेहमध्ये हिंसक निदर्शने झाली. विद्यार्थ्यांची पोलिस आणि सुरक्षा दलांशी चकमक झाली, ज्यामध्ये चार जणांचा मृत्यू झाला आणि ७० हून अधिक जण जखमी झाले.
नाव महागठबंधन, यात्रा मात्र वेगवेगळ्या; तरीही बिहारमध्ये बळकट भाजपला हरविण्याचा दावा!!, असला प्रकार राज्यात सुरू आहे. बिहारमध्ये राहुल गांधींनी सुरुवातीला मतदार अधिकार यात्रा काढली. त्या यात्रेमधून त्यांनी कन्हैया कुमारला बिहारचे नवीन नेतृत्व म्हणून पुढे आणायचा प्रयत्न केला परंतु तो फारसा यशस्वी झाला नाही हे लक्षात येताच त्यांनी तेजस्वी यादवला बरोबर घेतले. 50 पैकी 20 मतदारसंघांमध्ये तेजस्वी यादव बरोबर यात्रा काढली. त्यानंतर राहुल गांधींनी ब्रेक घेतला आणि ते मलेशियाला निघून गेले तिथे त्यांनी जाकीर नाईकची भेट घेतली असे सांगितले गेले.
पूरग्रस्तांसाठी राष्ट्रीय स्वयंसेवक संघाचे मदतकार्य सुरू केले असून अहिल्यानगर जिल्ह्यातील जामखेड तालुक्यात अवकाळी पावसामुळे जनजीवन विस्कळीत झाले. अनेक घरांमध्ये पाणी शिरले. अशा परिस्थितीत राष्ट्रीय स्वयंसेवक संघाच्या स्वयंसेवकांनी पूरग्रस्त भागातील नागरिकांना फूड पॅकेट्स व किराणा सामान किट वितरित केले. जामखेड तालुक्यातील दिघोळ येथे पूरग्रस्त नागरिकांना जीवनावश्यक वस्तूंची मदत करण्यात आली तसेच खर्डा इथे सुद्धा मदत कार्य आणि धान्यवाटप करण्यात आले.
मंगळवारी पाकिस्तानच्या बलुचिस्तान प्रांतात जाफर एक्सप्रेस ट्रेनवर झालेल्या बॉम्ब हल्ल्यात किमान १२ जण जखमी झाले. मीडिया रिपोर्ट्सनुसार, क्वेट्टाला जाणारी ट्रेन मास्तुंग जिल्ह्यातील स्पिजेंड भागातून जात असताना हा हल्ला झाला.
फिनलंडचे अध्यक्ष अलेक्झांडर स्टब यांनी म्हटले आहे की भारत ही एक उदयोन्मुख महासत्ता आहे आणि त्याला रशिया आणि चीनसारखे समजले जाऊ शकत नाही. हेलसिंकी सुरक्षा मंच २०२५ च्या बैठकीत बोलताना स्टब यांनी पाश्चात्य देशांना दिल्लीशी अधिक खोलवर संबंध विकसित करण्याचे आवाहन केले.
केंद्र सरकारने रेल्वे कर्मचाऱ्यांसाठी दिवाळी बोनस जाहीर केला. आज, २४ सप्टेंबर रोजी झालेल्या मंत्रिमंडळाच्या बैठकीत रेल्वे कर्मचाऱ्यांसाठी ७८ दिवसांच्या उत्पादकता-लिंक्ड बोनस (PLB) ला मान्यता देण्यात आली. यासाठी १,८६६ कोटी रुपयांचे बजेट देण्यात आले, ज्याचा फायदा १०.९१ लाख रेल्वे कर्मचाऱ्यांना होईल.
NCP म्हणजे दमबाजी – दमदाटी हे समीकरणच जणू बनले की काय, असे वाटण्यासारखी परिस्थिती महाराष्ट्रात असताना महाराष्ट्र सोडून वेगळेच ते समीकरण उदयाला आलेले दिसले.
स्वातंत्र्यानंतर पहिल्यांदाच, काँग्रेस कार्यकारिणी समिती (CWC) ची बैठक २४ सप्टेंबर रोजी पाटणा येथे झाली. काँग्रेस अध्यक्ष मल्लिकार्जुन खरगे आणि राहुल गांधी यांच्यासह ज्येष्ठ काँग्रेस नेते उपस्थित होते. ही बैठक सुमारे साडेचार तास चालली.
युक्रेनचे अध्यक्ष वोलोदिमिर झेलेन्स्की यांनी बुधवारी संयुक्त राष्ट्रांच्या महासभेत (UNGA) भाषण केले आणि जागतिक नेत्यांना सांगितले की, पुतिन यांना आता थांबवणे हे नंतर सागरी ड्रोन हल्ल्यांपासून बंदरे आणि जहाजांचे संरक्षण करण्यापेक्षा स्वस्त आहे.
बुधवारी सर्वोच्च न्यायालयाने भारतीय लष्कराच्या शॉर्ट सर्व्हिस कमिशन (एसएससी) च्या १३ महिला अधिकाऱ्यांच्या आरोपांवर सुनावणी केली. न्यायालयाने म्हटले की, स्थायी कमिशन धोरणात काही त्रुटी आहेत. उदाहरणार्थ, एका बॅचमध्ये ८० गुण असलेली व्यक्ती अधिकारी बनते, तर दुसऱ्या बॅचमध्ये ६५ गुण असलेली व्यक्ती देखील संधी मिळवू शकते
केंद्रीय मंत्री धर्मेंद्र प्रधान, भूपेंद्र यादव आणि मुरलीधर मोहोळ यांच्याकडे भाजपने आज दीनदयाळ उपाध्याय जयंतीच्या राजकीय मुहूर्तावर तगड्या जबाबदाऱ्या सोपविल्या.
ट्रम्प प्रशासनाने मंगळवारी एच-१बी व्हिसा निवड प्रक्रियेत मोठा बदल प्रस्तावित केला. या प्रस्तावाअंतर्गत, अमेरिकेत एच-१बी व्हिसा मिळविण्याचे नियम बदलू शकतात. सध्या, हे व्हिसा लॉटरी पद्धतीने दिले जातात, परंतु नवीन योजनेनुसार, आता जास्त पगाराच्या नोकऱ्यांना प्राधान्य दिले जाईल. याचा अर्थ असा की जर अर्ज एका वर्षात ८५,००० पेक्षा जास्त असतील, तर जास्त पगाराच्या नोकऱ्या असलेल्यांची निवड होण्याची शक्यता जास्त असेल.
बिहार निवडणुकीपूर्वी, काँग्रेस पक्षाने बुधवारी पाटणा येथे “अति पिछडा न्याय संकल्प योजना” सुरू केली. राहुल गांधी, विरोधी पक्षनेते तेजस्वी यादव, व्हीआयपी प्रमुख मुकेश साहनी आणि प्रमुख डावे नेते उपस्थित होते.
तुर्कीचे अध्यक्ष रेसेप तय्यिप एर्दोगान यांनी मंगळवारी न्यूयॉर्कमध्ये झालेल्या संयुक्त राष्ट्रांच्या महासभेच्या (UNGA) ८० व्या अधिवेशनात जम्मू आणि काश्मीरचा मुद्दा पुन्हा उपस्थित केला. त्यांनी काश्मीर प्रश्न सोडवण्यासाठी भारत आणि पाकिस्तानमध्ये संवाद व्हावा अशी मागणी केली.
राज्यातील सहा जहाल माओवाद्यांनी 24 सप्टेंबरला पोलिस महासंचालक रश्मी शुक्ला यांच्यापुढे आत्मसमर्पण केले आहे. त्यांच्यावर तब्बल 62 लाख रुपयांचा इनाम होता. यात तीन महिला व तीन पुरुषांचा समावेश आहे. यातील दोघे विभागीय समिती सदस्य, एक कमांडर, दोन पीपीसीएम व एक एसीएस असून या सर्वांना आता शासनाकडूनच 52 लाख रुपये देण्यात येणार आहे. यावेळी रश्मी शुकला यांच्या हस्ते या माओवाद्यांच्या हाती संविधान सोपवण्यात आले.
लोकसभेतले विरोधी पक्ष नेते राहुल गांधी यांना नेपाळ मधल्या Gen Z चे अचानक कौतुक वाटायला लागले. भारतात तशीच “क्रांती” घडवावीशी वाटली. पण मुख्यमंत्री देवेंद्र फडणवीस यांनी राहुल गांधींच्या दाव्यातील हवा काढून टाकली.
पहलगाम हल्ल्यात सहभागी असलेल्या दहशतवाद्यांच्या एका साथीदाराला अटक करण्यात आल्याची घोषणा जम्मू आणि काश्मीर पोलिसांनी बुधवारी संध्याकाळी केली. पोलिसांनी दिलेल्या माहितीनुसार, आरोपीचे नाव युसूफ कटारिया आहे. २६ वर्षीय हा तरुण कुलगामचा रहिवासी आहे.
मुख्यमंत्री देवेंद्र फडणवीस यांनी एका मुलाखतीत अनेक महत्त्वाच्या मुद्द्यांवर त्यांची भूमिका स्पष्ट केली. गेल्या काही दिवसांपासून ठाकरे बंधू एकत्र येणार की नाही, यावर चर्चांना उधाण आले असताना फडणवीस यांनी यावर भाष्य करताच चर्चांना नवा आयाम मिळाला आहे. माझ्यावर पक्ष फोडल्याचे आरोप केले जातात. पण जर कोणी म्हटले की, मी ठाकरे बंधूंना एकत्र केले, तर त्याचे श्रेय घेण्यास मला आनंदच वाटेल. राज ठाकरे आणि उद्धव ठाकरे यांच्या संभाव्य एकत्रीकरणाबद्दल मुख्यमंत्र्यांनी सकारात्मक भूमिका मांडली.
कर्नाटक उच्च न्यायालयाने बुधवारी एलॉन मस्क यांच्या कंपनी एक्सने केंद्र सरकारविरुद्ध दाखल केलेली याचिका फेटाळून लावली. न्यायमूर्ती एम. नागाप्रसन्ना म्हणाले की, सोशल मीडिया कंटेंटचे नियमन करणे अत्यंत महत्त्वाचे आहे, विशेषतः महिलांवरील गुन्ह्यांशी संबंधित प्रकरणांमध्ये.
महाराष्ट्रात अतिवृष्टीने हाहाकार माजवला आहे. अनेकांचे घर उद्ध्वस्त झाले आहेत. शेतकऱ्यांच्या पिकांचे नुकसान झाले आहे. अशा परिस्थितीत सरकारने शेतकऱ्यांच्या बांधावर जाऊन नुकसानग्रस्त शेतकऱ्यांची पाहणी केली आहे. मुख्यमंत्री देवेंद्र फडणवीस आज सोलापूरसह धाराशिव व लातूरच्या दौऱ्यावर होते. तसेच त्यांनी शेतकऱ्यांना नुकसानभरपाईसाठी निर्देश जारी केले आहेत. महाराष्ट्र नवनिर्माण सेनेचे अध्यक्ष राज ठाकरे यांनी मुख्यमंत्र्यांना पत्र पाठवले आहे.
महाराष्ट्रात अतिवृष्टीमुळे सर्वत्र पूरपरिस्थिती निर्माण झाली आहे. दुष्काळी भाग समजला जाणारा मराठवाडा देखील पुराच्या विळख्यात अडकला आहे. अनेकांच्या घरात पाणी शिरल्याने संसार उघड्यावर पडले आहेत. तसेच शेतांमध्ये पुराचे पाणी गेल्याने पिकांची नासाडी झाली असून शेतकऱ्यांवर मोठे आर्थिक संकट ओढावले आहे. अशात आता सरकारने पुढाकार घेतला असून नुकसानग्रस्त भागांची पाहणी सुरू करण्यात आली आहे. तसेच पूरग्रस्त बाधित प्रत्येक कुटुंबाला 10 किलो गहू-तांदूळ देण्यात येत आहे.
महाराष्ट्रात गत काही दिवसांपासून झालेल्या अतिवृष्टीमुळे शेतीचे अमाप नुकसान झाले आहे. त्यामुळे मुख्यमंत्री देवेंद्र फडणवीस यांच्यासह त्यांचे जवळपास संपूर्ण मंत्रिमंडळ आजपासून अतिवृष्टीग्रस्तांच्या भेटीसाठी राज्याच्या राजधानीबाहेर पडले आहे.
पहलगाम हल्ल्यात सहभागी असलेल्या दहशतवाद्यांच्या एका साथीदाराला अटक करण्यात आल्याची माहिती जम्मू आणि काश्मीर पोलिसांनी बुधवारी संध्याकाळी केली. हा आरोपी शिक्षक असून काही दिवसांपूर्वीच दहशतवायांच्या संपर्कात आला होता. पोलिसांनी दिलेल्या माहितीनुसार, आरोपीचे नाव युसूफ कटारिया आहे. २६ वर्षीय हा तरुण कुलगामचा रहिवासी आहे.