विशेष प्रतिनिधी
लंडन – तालिबानी सत्तेला मान्यता द्यायचीच असेल तर ती आंतरराष्ट्रीय पातळीवरून दिली जाईल, कोणत्याही देशाने एकतर्फी मान्यता देऊ नये, असे आवाहन ब्रिटनचे पंतप्रधान बोरीस जॉन्सन यांनी केले आहे. Britan warns world about Taliban
जॉन्सन यांनी अफगाणिस्तानच्या मुद्द्यावर पाकिस्तानचे पंतप्रधान इम्रान खान यांच्यासह अमेरिकेचे अध्यक्ष ज्यो बायडेन यांच्याशीही चर्चा केली.
इम्रान खान यांच्याबरोबर बोलताना जॉन्सन यांनी, तालिबानी सत्तेला कोणत्याही देशाने परस्पर मान्यता न देता आंतरराष्ट्रीय पातळीवर चर्चा करून एकमताने योग्य तो निर्णय घेण्याची आवश्यतकता व्यक्त केली. तालिबानी सत्तेने सर्व जगाला मान्य असलेल्या नियमांचे आणि मानवाधिकारांचे पालन केले तरच भविष्यात त्यांच्या सरकारला मान्यता मिळण्याची शक्यता आहे, असेही त्यांनी सांगितले.
अफगाणिस्तानमधील नागरिकांसाठी ब्रिटन सरकारने पुनर्वसन योजना जाहीर केली आहे. गेली वीस वर्षे आमच्याबरोबर अफगाणिस्तानात काम केलेल्यांचे आम्ही ऋणी आहोत, असे पंतप्रधान बोरीस जॉन्सन यांनी योजना जाहीर करताना सांगितले.
पुनर्वसन करताना महिला, मुली आणि अल्पसंख्याकांना अधिक प्राधान्य देणार असल्याचे ते म्हणाले. या योजनेचा तपशील जाहीर झाला नसला तरी, येत्या काही वर्षांत वीस हजार अफगाणींना ब्रिटनमध्ये आश्रय दिला जाणार असून या वर्षभरात पाच हजार जणांना या योजनेचा फायदा होईल.
Britan warns world about Taliban
महत्वाच्या बातम्या
- अफगणिस्थानमधील पराभवाचे खापर ज्यो बायडेन यांच्यावर, अमेरिकेतील लोकप्रियता सात टक्यांनी घटली
- मुलगा व्हावा म्हणून पत्नीचा आठ वेळा गर्भपात, स्टेरॉईडसची दीड हजार इंजेक्शन, निवृत्त न्यायाधिशांच्या मुलीने केली पोलीसांत तक्रार
- नागरी विमान वाहतूक मंत्री ज्योतिरादित्य शिंदे यांची मध्य प्रदेशला भेट, ३५ दिवसांत नवीन उड्डाणे सुरू
- हरियाणा सरकारने घातली गौरखधंदा शब्दावर बंदी, संत गोरखनाथ यांच्या अनुयायांच्या भावना दुखू नये म्हणून निर्णय
