Vishwas Nangare Patil : माझी कटिबद्धता संविधानाशी, ‘कंडक्ट रुल्स’चा कोणताही भंग केलेला नाही; RSSच्या कार्यक्रमाला हजेरी लावण्यावर नागपूरचे नवे पोलिस आयुक्त विश्वास नांगरे पाटलांचे उत्तर
वरिष्ठ आयपीएस (IPS) अधिकारी विश्वास नांगरे पाटील यांनी नुकताच नागपूरचे नवनियुक्त पोलीस आयुक्त म्हणून पदभार स्वीकारला. पदभार स्वीकारल्यानंतर आयोजित करण्यात आलेल्या पहिल्याच पत्रकार परिषदेत त्यांनी अलीकडेच राष्ट्रीय स्वयंसेवक संघाच्या (RSS) एका कार्यक्रमाला लावलेल्या हजेरीवरून सुरू असलेल्या वादावर मौन सोडले. “माझी कटिबद्धता केवळ भारतीय संविधानाशी असून, त्या कार्यक्रमात मी कोणत्याही ‘कंडक्ट रुल्स’चा (सेवा नियमांचा) भंग केलेला नाही,” असे स्पष्टीकरण नांगरे पाटील यांनी दिले आहे.