सरकारी नोकरीत असूनही ९५२६ महिला कर्मचाऱ्यांनी लाडकी बहीण योजनेत नाव नोंदणी केली आणि वर्षभरात सुमारे १४ कोटी ५० लाख रुपये लाटले, अशी माहिती हिवाळी अधिवेशनात समोर आली. महिला व बालविकासमंत्री अदिती तटकरे यांनी विधान परिषदेत उपस्थित तारांकित प्रश्नाच्या उत्तरात म्हटले आहे की, १४,२९८ पुरुषांनीही बनावट कागदपत्रे सादर करून २१ कोटी ४४ लाख रुपये गिळंकृत केले आहेत.
गेल्या सहा महिन्यांत पुणे, नंदुरबार, जळगाव, नाशिक, अहिल्यानगरसह अनेक भागांत बिबट्याने धुमाकूळ घालत ३७ जणांचा बळी घेतला. या बिबट्यांना मानवी वसाहतीत प्रवेश करण्यापासून रोखण्यासाठी बिबट्यांचा अधिवास असलेल्या क्षेत्रात जंगलात १ कोटी रुपये किमतीच्या शेळ्या-मेंढ्या सोडा, असे आदेश वनमंत्री गणेश नाईक यांनी वन अधिकाऱ्यांना दिले आहेत.
मुंबईसह राज्यातील सर्व महापालिका भाजप-शिंदेसेना एकत्र लढणार आहे. सोमवारी रात्री उशिरा मुख्यमंत्री देवेंद्र फडणवीस, उपमुख्यमंत्री एकनाथ शिंदे यांची बैठक झाली. त्यात स्थानिक पातळीवर जागावाटपाचे सूत्र ठरवावे, असेही निश्चित झाले. दरम्यान, २९ मनपातील मतदारांची अंतिम यादी २७ डिसेंबरला प्रसिद्ध करण्याचे आदेश मनपा आयुक्तांना देण्यात आले आहेत. त्यामुळे १५ ते २० जानेवारीदरम्यान निवडणूक होण्याची चिन्हे आहेत.
संसदेच्या हिवाळी अधिवेशनाच्या ७ व्या दिवशी मंगळवारी लोकसभेत निवडणूक सुधारणांवर चर्चा झाली. विरोधी पक्षनेते राहुल गांधी म्हणाले की, लोकशाहीला नुकसान पोहोचवण्यासाठी भाजप निवडणूक आयोगाला संचलित करून त्याचा वापर करत आहे. दोघे मिळून मत चोरी करत आहेत. ‘मत चोरी’ हे सर्वात मोठे राष्ट्रविरोधी कृत्य आहे. राहुल यांच्या आरोपांवर भाजप खासदार निशिकांत दुबे यांनी पलटवार केला. ते म्हणाले, आयोगात उच्च पदांवर राहिलेल्यांना बक्षीस देण्याचा इतिहास काँग्रेसचा आहे.
रशियाचे राष्ट्राध्यक्ष व्लादिमीर पुतिन यांच्या भारत भेटीदरम्यान दोन्ही देशांमध्ये चेन्नई-व्लादिवोस्तोक ईस्टर्न कॉरिडॉरबाबत चर्चा झाली. हा कॉरिडॉर फक्त 10,370 किमी लांब असेल, ज्यामुळे भारतीय जहाजे सरासरी 24 दिवसांत रशियाला पोहोचू शकतील.
देशातील 12 राज्ये आणि केंद्रशासित प्रदेशांमध्ये सुरू असलेल्या मतदार यादीच्या विशेष सखोल पुनरीक्षण (SIR) चे अर्ज 11 डिसेंबरपर्यंत जमा केले जातील. यादरम्यान, तामिळनाडूमध्ये आतापर्यंत मिळालेल्या आकडेवारीनुसार, मसुदा मतदार यादीतून 84 लाखांहून अधिक मतदारांची नावे वगळली जाऊ शकतात.
केरळमधील एर्नाकुलम सत्र न्यायालयाने सोमवारी मल्याळम अभिनेता दिलीपला २०१७ मध्ये दक्षिण भारतीय चित्रपट अभिनेत्रीवर झालेल्या सामूहिक बलात्कार प्रकरणातून निर्दोष मुक्त
तमिळनाडूतील करूर येथे झालेल्या चेंगराचेंगरीनंतर अभिनेता आणि TVK प्रमुख विजय पहिल्यांदाच रॅली घेणार आहेत. पोलिसांनी ९ डिसेंबर रोजी पुडुचेरीमध्ये कडक सुरक्षा नियमांसह रॅलीला परवानगी दिली आहे.
तेलंगणा सरकार हैदराबादमधील एका मुख्य रस्त्याचे नाव डोनाल्ड ट्रम्प ॲव्हेन्यू ठेवण्याच्या तयारीत आहे. हा रस्ता हैदराबादमधील अमेरिकन दूतावासाशेजारून जातो. मुख्यमंत्री रेवंत रेड्डी यांनी अमेरिकेचे राष्ट्राध्यक्ष डोनाल्ड ट्रम्प यांच्या नावावर रस्त्याचे नवीन नाव निश्चित करण्याचा प्रस्ताव ठेवला आहे. जानेवारीमध्ये होणाऱ्या तेलंगणा रायझिंग ग्लोबल समिटपूर्वी जगाचे लक्ष वेधून घेण्याच्या रणनीतीचा हा एक भाग असल्याचे मानले जात आहे.
शिवसेना उद्धव बाळासाहेब ठाकरे पक्षाचे अर्ध्याहून अधिक आमदार आपल्या संपर्कात असल्याचा दावा सत्ताधारी शिवसेनेचे ज्येष्ठ नेते तथा मंत्री संजय शिरसाट यांनी केला आहे. हे आमदार ठाकरेंच्या कार्यपद्धतीला कंटाळले आहेत. त्यामुळे त्यांनी आमच्यासोबत येण्याचा मानस व्यक्त केला आहे, असे ते म्हणालेत. यावेळी त्यांनी आपल्याकडे या आमदारांची नावे असल्याचाही व प्रसंगी ते जाहीर करण्याचाही इ्शारा दिला.
सर्वोच्च न्यायालयाने उच्च न्यायालयाच्या वादग्रस्त टिप्पणीवर कठोर भूमिका घेतली आहे. सर्वोच्च न्यायालय आता देशभरातील उच्च न्यायालयांसाठी एक व्यापक मार्गदर्शक तत्त्वे (गाइडलाइन) तयार करणार आहे.
विधिमंडळाच्या हिवाळी अधिवेशनाच्या पहिल्याच दिवशी नागपुरात वेगळ्या विदर्भाचा मुद्दा पुन्हा एकदा ऐरणीवर आला आहे. काँग्रेसने उपस्थित केलेल्या प्रश्नाला उत्तर देताना, वेगळ्या विदर्भावर आम्ही काम करत असून आमची त्याबाबतची भूमिका कायम आहे, असे महत्त्वपूर्ण वक्तव्य राज्याचे महसूलमंत्री चंद्रशेखर बावनकुळे यांनी केले आहे.
विदर्भाचा वर्षानुवर्षांचा विकासाचा अनुशेष भरून काढायचा असेल, तर ‘वेगळा विदर्भ’ हाच एकमेव पर्याय आहे. जोपर्यंत सत्तेत योग्य वाटा मिळत नाही, तोपर्यंत विदर्भाला न्याय मिळणे कठीण आहे, अशी रोखठोक भूमिका काँग्रेस नेते विजय वडेट्टीवार यांनी मांडली. एका वृत्तवाहिनीच्या कार्यक्रमात ते बोलत होते. यावेळी त्यांनी राज्यातील कायदा-सुव्यवस्था, ओबीसी समाजावरील अन्याय आणि निधी वाटपातील तफावतीवरून सरकारवर जोरदार टीकास्त्र सोडले.
सोमवारी लोकसभेत वंदे मातरमच्या १५०व्या वर्धापन दिनानिमित्त झालेल्या चर्चेदरम्यान प्रियंका गांधी यांनी विचारले की, “हे गाणे १५० वर्षांपासून देशाच्या आत्म्याचा भाग आहे. ते ७५ वर्षांपासून लोकांच्या हृदयात आहे. मग आज त्यावर चर्चा का होत आहे? मी तुम्हाला सांगते, कारण मोदीजी, बंगालच्या निवडणुका येत आहेत. सरकार स्वातंत्र्यासाठी लढणाऱ्यांवर नवीन आरोप लावू इच्छिते. मी तुम्हाला सांगते की, मोदीजी आता पूर्वीसारखे पंतप्रधान राहिले नाहीत.”
पंतप्रधान मोदींनी सोमवारी लोकसभेत वंदे मातरम्ला १५० वर्षे पूर्ण झाल्यानिमित्त झालेल्या चर्चेची सुरुवात केली. त्यांनी एका तासाच्या भाषणात सांगितले की, ‘वंदे मातरम् ब्रिटिशांना सडेतोड उत्तर होते, ही घोषणा आजही प्रेरणा देत आहे. स्वातंत्र्याच्या वेळी महात्मा गांधींनाही ते आवडले होते. त्यांना हे गीत राष्ट्रगीत म्हणून दिसत होते.
नागपूर येथे हिवाळी अधिवेशनाला आजपासून सुरुवात झाली आहे. या अधिवेशनात विरोधी पक्षांनी विरोधी पक्ष नेत्यावर सरकारने अद्याप कोणताही निर्णय घेतला नसल्याने टीका केली आहे. तसेच शिवसेना ठाकरे गटाचे नेते भास्कर जाधव यांनी सरकारवर जोरदार टीका केली आहे. सत्ताधाऱ्यांना विरोधी पक्षनेत्याची भीती वाटते, विरोधी पक्षनेता दिला तर सरकारमधील सहकारी त्याला माहिती देऊन आपल्याला अडचणीत आणतील अशी भीती त्यांना वाटत आहे. त्यामुळे सरकार विरोधी पक्षनेत्यावर कोणताही निर्णय घेत नाही, अशी टीका जाधव यांनी केली आहे.
जपानमध्ये आओमोरी प्रांताजवळ 7.6 तीव्रतेचा भूकंप झाला आहे. देशाच्या हवामानशास्त्र एजन्सीने आओमोरी, इवाते आणि होक्काइडो प्रांतांसाठी त्सुनामीचा इशारा जारी केला आहे.
मध्य प्रदेशातील सिवनी जिल्ह्यातील आमगाव येथे एक प्रशिक्षणार्थी विमान 33 केव्ही उच्च दाबाच्या वीज वाहिनीला धडकून कोसळले. हा अपघात सायंकाळी साडेसहाच्या सुमारास झाला. प्रशिक्षक पायलट अजित अँथनी आणि प्रशिक्षणार्थी पायलट अशोक छावडा जखमी झाले आहेत. तथापि, दोघेही धोक्याबाहेर असल्याचे सांगण्यात येत आहे.
ब्रिटन सरकारने दहशतवादविरोधी कायद्याचा वापर करून ब्रिटिश शीख व्यावसायिक गुरप्रीत सिंग रेहल यांची सर्व बँक खाती गोठवली आहेत. त्यांना कोणत्याही कंपनीचे संचालक म्हणून काम करण्यापासून रोखण्यात आले आहे.
आसाम पोलिस गायक जुबीन गर्ग यांच्या मृत्यू प्रकरणी 12 डिसेंबर रोजी आरोपपत्र दाखल करेल. प्रकरणाचा तपास करणारे सीआयडीचे विशेष डीजी मुन्ना प्रसाद गुप्ता यांनी शनिवारी सांगितले की, या प्रकरणाचा तपास पूर्ण झाला आहे. या प्रकरणात आतापर्यंत सात जणांना अटक करण्यात आली आहे. 300 हून अधिक साक्षीदारांची चौकशी करण्यात आली आहे.
पाकिस्तान आणि अफगाणिस्तानच्या चमन-स्पिन बोल्डक सीमेवर शुक्रवारी पुन्हा एकदा जोरदार गोळीबार झाला. गोळीबार रात्री सुमारे 10 वाजता सुरू झाला आणि मध्यरात्रीपर्यंत सुरू राहिला. दोन्ही देश एकमेकांवर हल्ला सुरू केल्याचा आरोप करत आहेत. गोळीबारात 4 अफगाणी ठार झाले आणि 4 जखमी झाले आहेत.
अंमलबजावणी संचालनालयाने (ED) अनिल अंबानींच्या रिलायन्स पॉवर लिमिटेड आणि इतर 10 जणांविरुद्ध मनी लॉन्ड्रिंगचा गुन्हा दाखल करत एक आरोपपत्र दाखल केले आहे. 2024 मधील हे प्रकरण एका बनावट बँक गॅरंटीशी संबंधित आहे, ज्याची किंमत 68.2 कोटी रुपये होती.
दक्षिण आफ्रिकेतील प्रिटोरियाजवळील एका वसतिगृहात झालेल्या गोळीबारात अकरा जण ठार तर १४ जण जखमी झाले आहेत. पोलिसांनी सांगितले की एकूण २५ जणांना गोळ्या घातल्या गेल्या आहेत.
लोकसभेत शुक्रवारी काँग्रेस खासदार शशी थरूर यांनी तीन खासगी सदस्य विधेयकं सादर केली. एका विधेयकात वैवाहिक बलात्काराला गुन्हा घोषित करण्याची मागणी करण्यात आली आहे. तर इतर दोन विधेयकं राज्यांची पुनर्रचना, काम करणाऱ्या लोकांचे कामाचे तास आणि मानसिक आरोग्याशी संबंधित आहेत.
पंतप्रधान नरेंद्र मोदी यांनी शनिवारी सांगितले की, जेव्हा भारताचा विकास दर 2-3% होता, तेव्हा काही विचारवंतांनी याला ‘हिंदू रेट ऑफ ग्रोथ’ म्हटले आणि देशाच्या मंद अर्थव्यवस्थेचे कारण हिंदू संस्कृतीला दिले. मोदी म्हणाले, आज भारत जगातील सर्वात वेगाने वाढणारी अर्थव्यवस्था आहे, पण तेच लोक आता या शब्दाचा उल्लेख करत नाहीत.