जुलै २०२५ मध्ये भारताने युक्रेनला सर्वाधिक डिझेल पुरवले. युक्रेनच्या तेल बाजार विश्लेषण फर्म नाफ्टोरिनोकने ही माहिती दिली आहे. डिझेल पुरवठ्यात ही वाढ अशा वेळी झाली आहे जेव्हा अमेरिकेने रशियाकडून तेल आयात केल्याबद्दल भारतावर ५०% दंडात्मक कर लादला आहे.
अमेरिकेचे राष्ट्राध्यक्ष ट्रम्प जपानवर अमेरिकन तांदळासाठी बाजारपेठ खुली करण्यासाठी दबाव आणत आहेत. यामुळे, जपानचे मुख्य वाटाघाटीकार रयोसेई अकाजावा यांनी त्यांचा अमेरिका दौरा रद्द केला आहे.निक्केई एशियाच्या वृत्तानुसार, अकाजावा २८ ऑगस्ट रोजी वॉशिंग्टन डीसीला भेट देणार होते. परंतु ट्रम्प यांनी अमेरिकन तांदूळ खरेदी करण्यासाठी दबाव आणल्यानंतर त्यांना हा दौरा रद्द करावा लागला.
राहुल गांधींचे नाव न घेता, केंद्रीय संसदीय कामकाज मंत्री किरेन रिजिजू म्हणाले की, जर एखाद्या पक्षाच्या नेत्याला वादविवाद किंवा चर्चेत रस नसेल आणि तो फक्त राजकीय नाटक करू इच्छित असेल, तर सरकारला नाही तर विरोधकांना त्रास होत आहे.
अमेरिकेच्या ५० टक्के टॅरिफ वॉरमुळे पंजाबच्या उद्योगाला ३०,००० कोटी रुपयांचे नुकसान होणार आहे. त्याचा परिणामही दिसू लागला आहे. अनेक उद्योगपतींचे ऑर्डर थांबले आहेत. टॅरिफमुळे एकट्या पंजाबच्या ७ औद्योगिक क्षेत्रांना २०,००० कोटी रुपयांचे नुकसान झाले आहे.
अमेरिकेने भारतीय कापड वस्तूंवर ५०% कर लादला आहे, जो २७ ऑगस्टपासून लागू होत आहे. याचा परिणाम भारताच्या कापड आणि कपड्यांच्या निर्यातीवर होऊ शकतो. तथापि, चांगली बातमी अशी आहे की भारत-ब्रिटन मुक्त व्यापार करार (FTA) मुळे ब्रिटनला होणाऱ्या निर्यातीत वाढ होऊन हे नुकसान भरून काढले जाऊ शकते. केअरएज रेटिंग्जच्या अहवालात हे समोर आले आहे.
रविवारी होणाऱ्या विधानसभेच्या अधिवेशनापूर्वी, भजनलाल मंत्रिमंडळाने काही सुधारणांसह राजस्थान बेकायदेशीर धार्मिक धर्मांतर प्रतिबंधक विधेयकाला मंजुरी दिली आहे. विधेयकाच्या नवीन मसुद्यात, जबरदस्तीने धर्मांतर केल्यास जन्मठेपेपर्यंतच्या शिक्षेसह कठोर तरतुदी करण्यात आल्या आहेत.
इंडोनेशियाची राजधानी जकार्ताच्या अनेक भागात खासदारांच्या पगारवाढीविरोधात हिंसक निदर्शने तीव्र झाली आहेत. शुक्रवारी रात्री मकासर शहरातील प्रादेशिक संसदेला निदर्शकांनी आग लावली.
चीनमधील तियानजिनमध्ये पंतप्रधान मोदींना प्रवासासाठी ‘होंगकी एल५’ ही खास कार देण्यात आली आहे. या कारला चीनची रोल्स रॉयस म्हणतात. पंतप्रधान शी जिनपिंग स्वतः ही कार वापरतात. एससीओ शिखर परिषदेत सहभागी होण्यासाठी मोदी सोमवारी या कारमधून पोहोचले.
मराठा आरक्षणाच्या चर्चेत ऐतिहासिक पुराव्यांबाबत प्रश्न निर्माण होत असताना, ज्येष्ठ लेखक विश्वास पाटील यांनी महत्त्वाचा मुद्दा उपस्थित केला आहे. त्यांनी सांगितले की, मराठवाड्यातील सलग 40 वर्षांची ब्रिटिशकालीन जनगणना नोंदी उपलब्ध आहेत आणि त्या नोंदी कायदेशीरदृष्ट्या ग्राह्य धरल्या गेल्या आहेत. मग अशा नोंदींकडे दुर्लक्ष का केले जाते, असा थेट सवाल त्यांनी उपस्थित केला आहे.
सात वर्षांनी चीनला पोहोचलेले पंतप्रधान नरेंद्र मोदी यांनी आज राष्ट्राध्यक्ष शी जिनपिंग यांची भेट घेतली. दोघांमध्ये ५० मिनिटे चर्चा झाली. संभाषणादरम्यान मोदी म्हणाले- गेल्या वर्षी कझानमध्ये आमच्यात खूप उपयुक्त चर्चा झाली, ज्यामुळे आमचे संबंध सुधारले. सीमेवरून सैन्य मागे घेतल्यानंतर शांतता आणि स्थिरतेचे वातावरण निर्माण झाले आहे. विशेष प्रतिनिधींनी सीमा प्रश्नावर एक करार केला आहे. कैलास मानसरोवर यात्रा पुन्हा सुरू झाली आहे आणि दोन्ही देशांमधील थेट उड्डाणे देखील पुन्हा सुरू होत आहेत.
आमचा सुप्रिया सुळे यांना सवाल आहे त्या जरांगेंच्या स्टेजवर गेल्याच कशाला? त्यांच्या वडिलांनी देशात पहिल्यांदा ओबीसी समाजाला मंडल आयोग लागू करून आरक्षण दिले आणि त्याच आज जरांगेना पाठिंबा द्यायला स्टेजवर जातात? याला शरद पवारांचा पाठिंबा आहे का? असा सवाल ओबीसी नेते प्रकाश शेंडगे यांनी केला आहे. सुप्रिया सुळे यांनी आज मनोज जरांगे यांची आझाद मैदानात जाऊन भेट घेतली, यावरून शेंडगे यांनी टीका केली आहे.
विशेष प्रतिनिधी मुंबई : Supriya Sule राष्ट्रवादी कॉंग्रेस शरद पवार गटाच्या खासदार सुप्रिया सुळे यांनी मनोज जरांगे पाटील यांची आझाद मैदानावर जात भेट घेतली. यावेळी […]
सुप्रिया सुळे यांच्या गाडीवर हल्ला केल्यानंतर मनोज जरांगे पाटील यांनी मराठा आंदोलकांना खडसावले आहे. यावेळी बोलताना जरांगे यांनी म्हटले की सन्मान दिला नाही तर नेते आंदोलनस्थळी यायला घाबरतील. सन्मानाने येऊ द्या आणि सन्मानाने पाठवा, ही जबाबदारी तुमच्यावर आहे. यावेळी बोलताना मनोज जरांगे पाटील यांनी महायुती सरकार तसेच मुख्यमंत्री देवेंद्र फडणवीस यांच्यावर पुन्हा एकदा हल्लाबोल केला आहे. एकतर विजयी यात्रा नाहीतर माझी अंत्ययात्रा निघेल, असेही यावेळी जरांगे म्हणाले.
ऑपरेशन सिंदूरच्या तीन महिन्यांनंतर, हवाई दलाच्या उपप्रमुखांनी एक नवीन खुलासा केला आहे. एअर मार्शल नर्मदेश्वर तिवारी म्हणाले की, पाकिस्तानला युद्धबंदीच्या टेबलावर आणण्यासाठी भारतीय हवाई दलाने ५० पेक्षा कमी शस्त्रे डागले.
फिनलंडच्या परराष्ट्रमंत्र्यांशी फोनवरून झालेल्या संभाषणात परराष्ट्र मंत्री एस जयशंकर म्हणाले की, रशिया-युक्रेन युद्धावरून भारताला अन्याय्यपणे लक्ष्य केले जाऊ नये. भारताने नेहमीच शांतता आणि संवादाचा पुरस्कार केला आहे.
मुंबईतील मराठा आंदाेलनाला शह देत ओबीसी आरक्षणाचे संरक्षण करण्यासाठी संघर्ष यात्रा काढण्याचा निर्णय पुण्यातील बैठकीत घेण्यात आला. वंशावळ समितीला मुदतवाढ जरांगे यांच्या दबावाखाली दिली गेली, अशी टीका करीत सरकार बेजबाबदार वागत आहे, असा संताप लक्ष्मण हाके यांच्यासह ओबीसी नेत्यांनी व्यक्त झाला.
न्यूयॉर्क टाईम्सच्या वृत्तानुसार, भारत आणि अमेरिकेतील तणावामागील खरे कारण ट्रम्प यांची नोबेल पुरस्काराची इच्छा आहे. अहवालात म्हटले आहे की, ट्रम्प यांनी १७ जून रोजी पंतप्रधान मोदींशी फोनवर चर्चा केली होती. यादरम्यान, ट्रम्प यांनी भारत आणि पाकिस्तानमध्ये युद्धबंदी आणल्याबद्दल त्यांना किती अभिमान आहे असे म्हटले होते.
अमेरिकेने लावलेले शुल्क असूनही, यावर्षी भारताची निर्यात गेल्या वर्षीपेक्षा जास्त असेल, असा दावा केंद्रीय मंत्री पीयूष गोयल यांनी केला आहे. दिल्लीतील एका कार्यक्रमात पीयूष गोयल यांनी हे सांगितले.
अमेरिकेच्या टॅरिफ वादाच्या पार्श्वभूमीवर संरक्षण मंत्री राजनाथ सिंह म्हणाले की, कोणताही देश कायमचा मित्र किंवा शत्रू नसतो. फक्त कायमचे हित असते. शनिवारी एनडीटीव्ही संरक्षण शिखर परिषदेत राजनाथ सिंह यांनी हे विधान केले.
मनोज जरांगे यांनी मराठा समाजाला ओबीसीतून आरक्षण देण्याची मागणी केली आहे. यासाठी त्यांनी मुंबईतील आझाद मैदानावर उपोषण सुरू केले आहे. या प्रकरणी तोडगा काढण्यासाठी सरकारवरील दबाव वाढला आहे.
मराठा आरक्षण आणि मनोज जरांगे यांच्या मुंबईतील आंदोलनावरून राज्यात राजकीय वातावरण तापलेले असताना, राष्ट्रवादी काँग्रेसचे अध्यक्ष शरद पवार आणि उपमुख्यमंत्री अजित पवार यांच्यात शाब्दिक चकमक सुरू झाली आहे. मराठा आरक्षणासाठी राष्ट्रीय स्तरावर धोरणात्मक बदल करण्याची गरज आहे, असे शरद पवारांनी म्हटले होते. यावर प्रतिक्रिया देताना अजित पवारांनी, ‘ते पुजणीय,आदरणीय, वंदनीय’ असे म्हणत “मला जास्त बोलायला लावू नका,” असा टोला शरद पवारांना लगावला. यामुळे मराठा आरक्षणावरून काका-पुतणे भिडल्याचे पाहायला मिळाले.
मराठा आरक्षणासाठी उपोषणाला बसलेले मनोज जरांगे आणि मुंबई पोलिसांमध्ये आता नव्या वादाला तोंड फुटले आहे. मुंबई पोलिसांनी जरांगे यांना आंदोलनासाठी परवानगी दिली असली, तरी रोज नवीन अर्ज दाखल करण्याची अट घातली आहे. या अटीमुळे संतप्त झालेल्या जरांगे यांनी थेट पोलिसांना परवानगीसाठी अर्ज करताना काही कठोर प्रश्न विचारले आहेत.
मराठा आरक्षणाच्या आंदोलनावर वकील गुणरत्न सदावर्ते यांनी तीव्र टीका केली आहे. त्यांनी मनोज जरांगेला कायद्यापेक्षा मोठे समजू नये, असे म्हटले आहे. जरांगेचे आंदोलन आटोपते घेऊन त्याला त्याच्या गावी धाडावे, असेही गुणरत्न सदावर्ते म्हणालेत.
मुख्यमंत्री देवेंद्र फडणवीस यांनी शिंदे समितीला चर्चेसाठी पाठवून राज्याच्या राज्य सरकारसह राज्याच्या राजभवनाचा व दोन्ही कायदेमंडळांचा अपमान केल्याचा आरोप मराठा आंदोलक मनोज जरांगे यांनी शनिवारी केला. सरकारने आमच्याशी चर्चा करण्यासाठी राज्य मंत्रिमंडळाला पाठवण्याची गरज होती. पण त्यांनी शिंदे समितीला पाठवले. हे साफ चूक आहे. असे करून फडणवीसांनी राज्याचा अपमान केला, असे ते म्हणाले. दरम्यान, न्या. संदीप शिंदे समितीने यावेळी मराठवाड्यातील मराठा समाज हा कुणबी असल्याचे तत्वतः मान्य केले. हा मराठा समाजासाठी एक मोठा दिलासा असल्याचा दावा केला जात आहे.
दोन समाजात तेढ निर्माण करणे आमच्या तत्त्वात बसत नाही, असे मुख्यमंत्री देवेंद्र फडणवीस यांनी स्पष्ट केले. एका समाजाला संतुष्ट करण्यासाठी दुसऱ्या समाजाला असंतुष्ट करणे सरकारला मान्य नसल्याचेही ते म्हणालेत. सगळ्याचे समाधान काढण्यावर आमचा प्रयत्न असल्याचेही त्यांनी म्हटले. राज्यात युती आणि महायुतीच्या सरकारनेच मराठा समाजासाठी चांगले निर्णय घेतल्याचेही मुख्यमंत्री देवेंद्र फडणवीस यांनी सांगितले.