बांगलादेशची राजधानी ढाका येथे तीन दिवसांपासून सुरू असलेल्या जाळपोळ आणि हिंसाचारानंतर सुरक्षा व्यवस्था कडक करण्यात आली आहे. माजी पंतप्रधान शेख हसीना यांच्या समर्थकांनी ढाकासह पाच जिल्ह्यांमध्ये महामार्ग रोखले आहेत.
मुख्यमंत्री देवेंद्र फडणवीस यांनी भाजपवर पैसे वाटून बिहार निवडणूक जिंकल्याचा आरोप करणाऱ्या शरद पवारांची टीका जोरकसपणे फेटाळून लावली आहे. विरोधी पक्षांनी त्यांचे सरकार होते तेव्हा कोणत्याही नव्या योजना आणल्या नाही. आता आमच्या योजना लोकांना आवडत आहेत. ते आम्हाला मतदान करत आहेत. त्यामुळे लोकांना दोष देण्याची काहीच कारण नाही. जो जीता वही सिकंदर, असे ते म्हणालेत.
आगामी मुंबई महापालिका निवडणुकीच्या तोंडावर महाविकास आघाडीमध्ये अचानक मोठा अडथळा निर्माण झाला आहे. मुंबई काँग्रेसचे प्रभारी रमेश चेन्निथाला आणि अध्यक्षा वर्षा गायकवाड यांनी निवडणूक स्वबळावर लढवण्याची एकतर्फी घोषणा करून महाविकास आघाडीतील समन्वयाचा भंग केल्याचा आरोप राष्ट्रवादी काँग्रेस शरदचंद्र पवार पक्षाने केला आहे. काँग्रेसच्या या भूमिकेमुळे मुंबईतील राजकीय समीकरणे अनपेक्षितपणे बदलण्याची शक्यता निर्माण झाली असून, याचा थेट फायदा भाजपला होईल, असा इशारा राष्ट्रवादी काँग्रेसने दिला आहे. शरदचंद्र पवार प्रदेश प्रवक्ते आणि युवक मुंबई अध्यक्ष ॲड. अमोल मातेले यांनी काँग्रेसच्या या निर्णयावर तीव्र नाराजी व्यक्त केली आहे.
जयपूरमध्ये मोहन भागवत म्हणाले, “जगातील ४% लोक ८०% संसाधनांचा वापर करतात, तर ९६% लोक त्यापासून वंचित आहेत. विकास होत आहे, परंतु ज्यांच्यासाठी ते घडत आहे ते खूप कमी आहेत. त्यांच्यासाठी निर्माण होणारी संसाधने विकासापासून वंचित राहिलेल्या लोकांकडून घेतली जात आहेत.”
भाजप आमदार तथा मंत्री नीतेश राणे यांनी मनसेवर टीका करत मुंबई महापालिका स्वबळावर लढण्याची घोषणा करणाऱ्या काँग्रेसला खोचक टोला हाणला आहे. काँग्रेस व मनसे एकमेकांचा दर्जा ठरवायला लागलेत. त्यामुळे आपण लांबूनच हसलेले बरे, असे ते म्हणालेत. काँग्रेसची बीएमसी स्वबळावर लढवण्याची भूमिका पोकळ असल्याचेही ते म्हणालेत.
राज्यात स्थानिक स्वराज्य संस्थांच्या निवडणुकांचे वारे वाहत असताना आणि प्रचाराला वेग येत असतानाच, ठाकरे गटाचे नेते चंद्रकांत खैरे यांनी ठाकरे बंधुंच्या एकत्र येण्यावर मोठे विधान केले आहे. दोघे भाऊ एकत्र आले, तर मुंबई महापालिका आपल्या ताब्यात येईल, असे खैरे म्हणालेत. यासोबतच त्यांनी काँग्रेसला फटकारत, आघाडी धर्म पाळण्याचे आवाहन केले आहे. बिहार विधानसभा निवडणुकीच्या निकालानंतर, आगामी मुंबई महापालिका निवडणुकीच्या पार्श्वभूमीवर चंद्रकांत खैरे यांच्या विधानाला महत्त्व प्राप्त झाले आहे.
काँग्रेसने मुंबई महापालिकेची निवडणूक स्वबळावर लढवण्याची घोषणा केल्यानंतर शिवसेना उद्धव बाळासाहेब ठाकरे पक्षाच्या नेत्या किशोरी पेडणेकर यांनी काँग्रेसवर निशाणा साधला आहे.
भारतीय लष्कराच्या गजराज कॉर्प्सने एक इन-हाऊस हाय-अल्टिट्यूड मोनोरेल सिस्टम विकसित केली आहे. हे स्मार्ट इनोव्हेशन अरुणाचल प्रदेशच्या खडकाळ पर्वतीय प्रदेशात, १६,००० फूट उंचीवर चालण्यासाठी डिझाइन केले आहे, ज्यामुळे सैनिकांना आवश्यक वस्तू जलद पोहोचवता येतात.
कर्नाटकातील बागलकोटमध्ये, ऊसाच्या किमती वाढवण्याच्या मागणीसाठी शेतकऱ्यांच्या निदर्शनांना हिंसक वळण लागले. रबकावी-बनहट्टी तालुक्यातील गोदावरी साखर कारखान्यात ऊसाने भरलेले १०० हून अधिक ट्रॅक्टर जाळण्यात आले.
ब्रिटनमधील आघाडीची मीडिया संस्था बीबीसीने गुरुवारी अमेरिकेचे अध्यक्ष डोनाल्ड ट्रम्प यांनी ६ जानेवारी २०२१ रोजी केलेल्या भाषणाचे चुकीचे संपादन केल्याबद्दल त्यांची माफी मागितली.
पाकिस्तानचे लष्करप्रमुख असीम मुनीर यांच्याविरुद्ध सर्वोच्च न्यायालयाने बंड केले आहे. मन्सूर अली शाह आणि अतहर मिनाल्लाह या दोन वरिष्ठ न्यायाधीशांनी राजीनामा दिला आहे.
कर्नाटक सरकारने राज्यात पीरियड लीव्ह पॉलिसी 2025″ लागू करणारा अधिकृत आदेश जारी केला आहे. यामुळे सरकारी कार्यालये, खासगी कंपन्या आणि औद्योगिक क्षेत्रात काम करणाऱ्या महिलांना दरवर्षी १२ पगारी सुट्ट्या किंवा महिन्याला एक पगारी मासिक पाळीची रजा मिळेल.
माजी पंतप्रधान शेख हसीना यांच्याविरुद्ध न्यायालयाच्या निकालापूर्वी बांगलादेशात हिंसाचार वाढला आहे, त्याच्या निषेधार्थ त्यांच्या अवामी लीग पक्षाने देशव्यापी लॉकडाऊनची हाक दिली आहे.
जपानच्या नवीन पंतप्रधान साने ताकाइची यांनी पहाटे ३ वाजता बैठक बोलावल्यानंतर जपानमध्ये काम आणि जीवनातील संतुलनावर पुन्हा एकदा चर्चा सुरू झाली आहे. पहिल्या दिवसापासूनच ताकाइची या त्यांच्या “काम, काम, काम आणि फक्त काम” या वृत्तीमुळे चर्चेत आहेत. त्यांनी तर असे म्हटले आहे की, त्या १८ तास काम करतात आणि काम आणि जीवनातील संतुलनावर विश्वास ठेवत नाहीत. त्यांना लोकांनी “घोड्यांसारखे काम करावे” असे वाटते.
जम्मू – काश्मीरमधील श्रीनगरमधील नौगाम पोलिस स्टेशनमध्ये गुरुवारी रात्री ११:२० वाजता मोठा स्फोट झाला. यात सात जणांचा मृत्यू झाला तर २७ जण जखमी झाले. मृतांचा आकडा वाढण्याची शक्यता आहे. जखमींपैकी बहुतेक पोलिस अधिकारी आहेत. त्यांच्यावर ९२ आर्मी बेस आणि एसकेआयएमएस सौरा रुग्णालयात उपचार सुरू आहेत.
शुक्रवारी संध्याकाळी, बिहारमध्ये एनडीएच्या विजयावर पंतप्रधान मोदी म्हणाले की, बिहारच्या लोकांनी खळबळ उडवून दिली आहे. आता कट्टा सरकार कधीही परत येणार नाही. त्यांनी छठी मैय्याचा जय जयकारही केला. ते म्हणाले की, जे लोक छठपूजेला नाटक म्हणू शकतात, ते बिहारचा आदर कसा करतील.
दिल्ली बॉम्बस्फोटात सहभागी असलेले “व्हाइट कॉलर मॉड्यूल” सुमारे पाच वर्षांपूर्वीचे आहे. प्रत्येक सदस्य त्यांच्या स्वतःच्या गटाचा नेता होता, परंतु खरा नेता, डॉ. मुजफ्फर अली राथेर अजूनही फरार आहे आणि तो यूएईमध्ये असल्याचा संशय आहे. दरम्यान, सूत्रांनी उघड केले की मॉड्यूलमध्ये सहभागी डॉक्टर सुमारे तीन वर्षांपासून स्फोटके गोळा करत होते. त्यांनी दर महिन्याला एक नवीन चॅट ग्रुप तयार केला. ते बांगलादेश, अफगाणिस्तान, दुबई आणि सौदी अरेबियामध्ये भेटत होते. तेथे पाकिस्तानी हँडलरदेखील त्यांच्या संपर्कात होते.
बिहारच्या निवडणुकीत भाजप व एनडीए आघाडीवर असून जवळपास विजय हा निश्चितच झाल्याचे दिसत आहे. यावर प्रतिक्रिया देताना कॉंग्रेस पक्ष आणि राहुल गांधी यांनी देशात जो विषारी प्रचार चालवला आहे, त्याला जनतेने उत्तर दिल्याची टीका मुख्यमंत्री देवेंद्र फडणवीस यांनी केली आहे. देवेंद्र फडणवीस हे राजधानी दिल्ली येथे असून पत्रकारांशी संवाद साधताना बिहार निवडणुकीवर प्रतिक्रिया दिली आहे.
बिहार विधानसभा निवडणुकीचे निकाल लागले आहेत. एनडीएने २०२ जागांसह प्रचंड विजय मिळवला आहे. महाआघाडी ३५ जागांवर आली आहे. यावेळी बिहारमध्ये महाआघाडीला मोठा धक्का बसला आणि राजद-काँग्रेस युतीने २०१० नंतरची सर्वात वाईट कामगिरी नोंदवली. यामागील पाच प्रमुख कारणे कोणती होती? समजून घेऊया.
शिवसेना ठाकरे गटाचे नेते अंबादास दानवे हे सुरक्षित घर शोधण्याच्या प्रयत्नात असल्याचे विधान शिवसेना शिंदे गटाचे खासदार नरेश म्हस्के यांनी केले आहे. तसेच सुरक्षित घर मिळत असेल तर त्यांनी त्या सुरक्षित घरात राहावे, असा सल्ला देखील म्हस्के यांनी दानवे यांना दिला आहे. इतकेच नव्हे तर अंबादास दानवे यांना आम्ही आमंत्रण देतो, ते देखील योग्यच विचार करत आहेत, असे सूचक वक्तव्य देखील म्हस्के यांनी केले आहे.
दिल्ली बॉम्बस्फोटांचा तपास करणाऱ्या एजन्सींना एक मोठा सुगावा लागला आहे. पोलिस सूत्रांचा हवाला देत वृत्तसंस्था पीटीआयने वृत्त दिले आहे की, अटक केलेल्या संशयितांचे तुर्कीची राजधानी अंकारा येथील एका परदेशी हँडलरशी थेट संबंध होते.
१४,५९९ कोटींच्या कथित घोटाळ्याशी संबंधित मनी लाँड्रिंग प्रकरणात ईडीने रिअल इस्टेट कंपनी जेपी इन्फ्राटेक लिमिटेडचे माजी व्यवस्थापकीय संचालक मनोज गौर यांना अटक केली. न्यायालयाने त्यांना ५ दिवसांची ईडी काेठडी सुनावली. जेपी समुहातील कंपन्या जेएएल, जेआयएल यांनी घर खरेदीदारांकडून १४,५९९ कोटी रुपये वसूल केले. यातील मोठी रक्कम बांधकामाऐवजी जेपी सेवा संस्थान ट्रस्ट, जेपी हेल्थकेअर लिमिटेड व जेपी स्पोर्ट्स इंटरनॅशनल लिमिटेड सारख्या इतर समूह कंपन्या आणि ट्रस्टमध्ये वळवण्यात आली. मनोज गौर हे जेएसएसचे व्यवस्थापकीय विश्वस्त आहेत. यामुळे अपूर्ण प्रकल्प आणि गुंतवणूकदारांचे नुकसान झाले.
पाकिस्तानच्या संसदेने बुधवारी २७ व्या घटनादुरुस्तीला मंजुरी दिली, ज्यामुळे लष्करप्रमुख असीम मुनीर यांचे अधिकार वाढतात आणि सर्वोच्च न्यायालयाचे अधिकार कमी होतात. या दुरुस्तीत ४८ कलमांमध्ये बदल प्रस्तावित आहेत, असे पाकिस्तान ऑब्झर्व्हरने वृत्त दिले आहे.
पाकिस्तानसोबतच्या तणावाच्या पार्श्वभूमीवर, अफगाणिस्तानातील तालिबान सरकारने व्यापारी आणि उद्योगपतींना पर्यायी व्यवसाय मार्ग शोधण्याचे आवाहन केले आहे. अफगाणिस्तानचे उपपंतप्रधान मुल्ला अब्दुल गनी बरादर म्हणाले की, पाकिस्तानसोबतची सीमा बंद केल्याने व्यापार थांबला आहे.
बुधवारी लडाखमधील न्योमा येथील मुध हवाई तळावर ऑपरेशन्स सुरू झाले. भारतीय हवाई दलाचे प्रमुख एअर चीफ मार्शल एपी सिंग यांनी काल त्याचे उद्घाटन केले. त्यांनी नोएडा येथील हिंडन हवाई तळावरून सी-१३०जे सुपर हरक्यूलिस विमान उडवले आणि ते न्योमा हवाई तळावर पोहोचले.