Intelligence Report : गुप्तचर अहवालात दावा; इराणची क्षेपणास्त्र क्षमता कायम, 70%साठा अन् 90% भूमिगत नेटवर्क सुरक्षित, ट्रम्प यांचा दावा चुकीचा
इराणची लष्करी क्षमता उद्ध्वस्त झाल्याचा दावा अमेरिकेचे राष्ट्राध्यक्ष डोनाल्ड ट्रम्प करत असले तरी, अमेरिकन गुप्तचर अहवाल याच्या उलट चित्र दर्शवत आहे. अहवालानुसार, इराणने अद्यापही युद्धापूर्वीच्या क्षेपणास्त्र साठ्यापैकी ७०% साठा सुरक्षित ठेवला आहे. त्यांची ९०% भूमिगत क्षेपणास्त्र साठवणूक व प्रक्षेपण क्षमता कार्यान्वित आहे. तसेच, होर्मुझ मार्गाजवळ इराणने ३३ पैकी ३० क्षेपणास्त्र स्थळांवर ताबा मिळवला आहे. ही ठिकाणे अमेरिकन युद्धनौका व तेलवाहू जहाजांसाठी धोकादायक ठरू शकतात. इराणचे ७०% मोबाईल लाँचर्स सुरक्षित आहेत.