सावरकर आणि नेहरूंच्या विचार भेदांची नेहमीच चर्चा, पण दोघांच्या विचारांमध्ये काही साम्य; पण सध्या नेहरूंचा शिक्का पुसून सावरकरांचा विचार ठळक!!
स्वातंत्र्यवीर विनायक दामोदर सावरकर आणि पंडित जवाहरलाल नेहरू यांना भारताच्या सध्याच्या राजकारणात दोन परस्पर विरोधी टोके मानले जातात. नेहरू विरोधी विचार म्हणजे सावरकर आणि सावरकर विरोधी विचार म्हणजे नेहरू, असे समीकरण या दोघांचेही अनुयायी मांडतात, पण प्रत्यक्षात सावरकर आणि नेहरू यांच्यात अनेक मुद्द्यांवर गंभीर मतभेद असले, तरी त्यांच्या काही विचारांमध्ये विलक्षण साम्य होते आणि स्वातंत्र्यपूर्व काळातील अनेक “गांधीय” नेत्यांपेक्षा नेहरू आणि सावरकर यांचे विचार अधिक आधुनिक आणि काळाशी सुसंगत होते.