विकसित भारत गॅरंटी फॉर रोजगार अँड आजीविका मिशन (ग्रामीण) बिल म्हणजेच VB–G Ram G लोकसभेत आणि राज्यसभेत मंजूर झाल्यानंतर दोन दिवसांनी काँग्रेस नेत्या सोनिया गांधी यांनी यावर प्रतिक्रिया दिली आहे. त्या म्हणाल्या- सरकारने गरजू लोकांना रोजगार देणाऱ्या मनरेगावर बुलडोझर चालवला आहे.
परराष्ट्रमंत्री एस. जयशंकर यांनी शनिवारी पुण्यात सांगितले की, आज जग भारताकडे पूर्वीपेक्षा अधिक सकारात्मक दृष्टिकोनातून पाहते. ते म्हणाले की, भारताच्या प्रतिमेत आलेला हा बदल एक सत्य आहे, ज्याला नाकारता येणार नाही.
केंद्रीय औषध मानक नियंत्रण संघटना (CDSCO) च्या नोव्हेंबरमधील ड्रग अलर्टनुसार, देशात बनवलेल्या 205 औषधांचे नमुने निकृष्ट आढळले. यापैकी 47 औषधे हिमाचलमध्ये बनवलेली आहेत. ही औषधे ताप, मधुमेह, हृदयविकार, अपस्मार, संक्रमण आणि पोटाशी संबंधित आजारांवर उपचार करण्यासाठी वापरली जातात.
ओबीसी नेते नवनाथ वाघमारे यांनी शरद पवार व त्यांच्या कुटुंबीयांवर गंभीर आरोप केलेत. पवार कुटुंब जातीयवादी आहे. त्यांना दलित, मुस्लिम, ओबीसी व आदिवासी समाज चालत नाही. त्यांनीच छगन भुजबळांना तुरुंगात पाठवले. त्यांची धनंजय मुंडे यांनाही तुरुंगात पाठवण्याची इच्छा होती, असे ते म्हणालेत.
आगामी महानगरपालिका निवडणुकांचे पडघम वाजू लागताच राजकीय आखाड्यात मोठे भूकंप होण्यास सुरुवात झाली आहे. पुणे आणि पिंपरी-चिंचवडमधील राजकीय समीकरणे बदलणारी मोठी घडामोड आज मुंबईत पार पडली. भाजप नेते चंद्रशेखर बावनकुळे आणि केंद्रीय मंत्री मुरलीधर मोहोळ यांच्या उपस्थितीत पुणे आणि पिंपरीतील दोन्ही राष्ट्रवादी आणि ठाकरे गटातील अनेक बड्या नेत्यांनी भाजपमध्ये प्रवेश केला. विशेष म्हणजे, वडगाव शेरीचे राष्ट्रवादी शरद पवार गटाचे आमदार बापूसाहेब पठारे यांचे पुत्र सुरेंद्र पठारे यांनी पुन्हा भाजपचा झेंडा हाती घेतल्याने अनेकांच्या भुवया उंचावल्या आहेत. दुसरीकडे, अजित पवारांच्या बालेकिल्ल्यात म्हणजेच पिंपरी-चिंचवडमध्ये भाजपला मोठे यश मिळाले असून, अजित पवार गटाला मोठे खिंडार पडले आहे.
पंतप्रधान नरेंद्र मोदी यांनी शनिवारी गुवाहाटी येथे सांगितले की, काँग्रेसने नेहमीच आसामविरोधी काम केले. काँग्रेसने व्होट बँकेसाठी घुसखोरांना मोकळीक दिली आणि येथील लोकसंख्याशास्त्र (डेमोग्राफी) बदलले. यामुळे संपूर्ण आसामची सुरक्षा आणि ओळख धोक्यात आली.
पंतप्रधान नरेंद्र मोदी आणि ‘एपस्टीन फाईल्स’बाबत काँग्रेस नेते पृथ्वीराज चव्हाण यांनी केलेल्या दाव्यांचा उपमुख्यमंत्री एकनाथ शिंदे यांनी समाचार घेतला आहे. “पंतप्रधानांबद्दल काहीही बोलून चर्चेत राहण्याचा हा पृथ्वीराज चव्हाणांचा केविलवाणा प्रयत्न असून, त्यांचे वक्तव्य म्हणजे सूर्यावर थुंकण्याचा प्रकार आहे,” अशा शब्दांत शिंदेंनी चव्हाणांवर तोफ डागली.
अरुणाचल प्रदेशमध्ये हेरगिरी नेटवर्कच्या उघडकीस आलेल्या घटनेमुळे आणि सीमेवरील संबंधित घडामोडींमुळे सुरक्षा यंत्रणांची चिंता वाढली आहे. पोलिसांनी गेल्या 10 दिवसांत पाकिस्तानशी संबंधित हेरगिरी नेटवर्कच्या 4 संशयितांना अटक केली आहे.
केंद्रीय तपास ब्युरो (CBI) ने शनिवारी संरक्षण मंत्रालयात कार्यरत एका लष्करी अधिकाऱ्याला लाचखोरीच्या आरोपाखाली अटक केली आहे. उत्पादन विभागात तैनात लेफ्टनंट कर्नल दीपक कुमार शर्मा यांच्यावर बेंगळुरू येथील एका कंपनीकडून 3 लाख रुपयांची लाच घेतल्याचा आरोप आहे.
छत्तीसगडमधील एका स्थलांतरित मजुराला केरळमध्ये 17 डिसेंबर रोजी जमावाने बांगलादेशी समजून मारहाण करून ठार केले. जमाव त्या मजुराला तो मरेपर्यंत मारत राहिला. त्याच्या शरीरावर असा कोणताही भाग नव्हता, जिथे जखमांचे निशाण नव्हते. शवविच्छेदन अहवालात 80 हून अधिक जखमा आढळून आल्या आहेत.
बिहारमध्ये एका महिला डॉक्टरचा हिजाब काढल्याबद्दल मुख्यमंत्री नितीश कुमार यांच्यावर इतर राज्यांमध्येही टीका होत आहे. जम्मू-काश्मीरच्या माजी मुख्यमंत्री मेहबूबा मुफ्ती यांची कन्या आणि पीपल्स डेमोक्रॅटिक पार्टी (PDP) नेत्या इल्तिजा मुफ्ती यांनी शुक्रवारी बिहारच्या मुख्यमंत्र्यांविरोधात श्रीनगरमध्ये एफआयआर (FIR) दाखल केली.
नुकताच संसदेत परराष्ट्र मंत्रालयाच्या स्थायी समितीने एक अहवाल सादर केला. त्यानुसार बांगलादेशच्या वायुसेनेच्या लालमोनिरहाट एअरबेसची धावपट्टी चीन बांधत आहे. यासोबतच चीन बांगलादेशच्या पेकुआ येथे 8 पाणबुड्यांसाठी तळही बांधत आहे.
शरीफ हादीच्या मृत्यूच्या निषेधार्थ इन्कलाब मंच आणि जमातच्या कट्टरपंथीयांनी बेनापोलपासून भारतीय सीमेपर्यंत मोर्चा काढला. त्यांनी माजी पंतप्रधान शेख हसीना यांना बांगलादेशकडे देण्याची मागणी केली. दरम्यान, चट्टोग्राममध्ये, कट्टरपंथीयांनी चंद्रनाथ मंदिराबाहेर धार्मिक घोषणा दिल्या. ढाक्यामधील प्रतिष्ठित ढाकेश्वरी मंदिराच्या संरक्षणासाठी अतिरिक्त पोलिस दल तैनात करण्यात आले आहे. कट्टरपंथीयांनी ढाक्यामधील तोफखाना रोडवरील शिल्पी गोष्ठी सांस्कृतिक केंद्रालाही घेराव घालत घोषणाबाजी केली. दरम्यान, शुक्रवारी संध्याकाळी हादीचा मृतदेह सिंगापूरहून ढाका येथे आणण्यात आला. युनूस सरकारने शनिवारी राष्ट्रीय शोक जाहीर केला आहे. शनिवारी हादीवर अंत्यसंस्कार केले जातील.
रशियाचे अध्यक्ष व्लादिमीर पुतिन यांची शुक्रवारी दुपारी वार्षिक ऑनलाइन पत्रकार परिषद सुरू झाली आहे. हा पुतिन यांचा 22वा वार्षिक संवाद आहे. यावेळी ते सामान्य नागरिक आणि माध्यमांच्या प्रश्नांची उत्तरे देत आहेत. तसेच, 2025 मधील सरकारच्या कामकाजावर आणि देशाशी संबंधित मोठ्या मुद्द्यांवर ते आपले मत मांडत आहेत.
अमेरिकेने शुक्रवारी ग्रीन कार्ड लॉटरी किंवा डायव्हर्सिटी व्हिसा (DV1) कार्यक्रम रद्द केला आहे. याच्या माध्यमातून अमेरिकेत कमी प्रतिनिधित्व असलेल्या देशांतील लोकांना ग्रीन कार्ड दिले जात असे.
पैसे घेऊन संसदेत प्रश्न विचारल्याच्या प्रकरणात CBI सध्या TMC खासदार महुआ मोइत्रा यांच्या विरोधात आरोपपत्र दाखल करणार नाही. दिल्ली उच्च न्यायालयाने शुक्रवारी लोकपालने आरोपपत्र दाखल करण्यास दिलेली मंजुरी रद्द केली आहे.
पंतप्रधान नरेंद्र मोदी आज पश्चिम बंगाल आणि आसामच्या दोन दिवसांच्या दौऱ्यावर जाणार आहेत. त्यापूर्वी त्यांनी बंगालमधील ममता सरकारवर निशाणा साधला आहे. त्यांनी X वर लिहिले – पश्चिम बंगालमधील लोकांना केंद्र सरकारच्या अनेक योजनांचा लाभ मिळत आहे, परंतु ते तृणमूल काँग्रेसच्या गैरव्यवस्थापनामुळे त्रस्त आहेत.
गेल्या 30 दिवसांत भारतात X (पूर्वीचे ट्विटर) वर सर्वाधिक लाईक केलेल्या 10 ट्वीट्सपैकी 8 पंतप्रधान नरेंद्र मोदी यांच्या खात्यातून आहेत. यात तो फोटो देखील समाविष्ट आहे, ज्यात मोदी आणि रशियाचे राष्ट्राध्यक्ष व्लादिमीर पुतिन दिल्ली विमानतळावरून एकाच गाडीतून जाताना दिसत आहेत. X च्या नवीन “सर्वाधिक लाईक केलेल्या” वैशिष्ट्यानुसार, टॉप 10 मध्ये इतर कोणत्याही राजकारण्याची कोणतीही पोस्ट समाविष्ट नाही. मोदींच्या आठ पोस्टना एकूण 1,60,700 रीपोस्ट आणि 14.76 लाख लाईक्स मिळाले आहेत.
ऑपरेशन सिंदूरमध्ये पहिल्याच दिवशी भारताचा पराभव झाल्याचा दावा करणाऱ्या पृथ्वीराज चव्हाणांचा व्हिडिओ पाकिस्तानी माध्यमांनी उचलून धरला आहे. त्यात चव्हाणांच्या दाव्याची री ओढत पाकने भारताला अर्ध्या तासातच पाणी पाजल्याचा दावा केला जात आहे. भाजपने पाक माध्यमांचा हा व्हिडिओ पोस्ट करत काँग्रेसवर निशाणा साधला आहे. काँग्रेस नेते बोलतात पाकिस्तानची भाषा आणि काँग्रेसला पाकच्या मदतीची आशा, असे भाजपने म्हटले आहे.
बीड जिल्ह्यातील मस्साजोग गावाचे सरपंच संतोष देशमुख हत्या प्रकरणाची सुनावणी सुरू झाली असून सहकारी सरकारी वकील बाळासाहेब कोल्हे यांच्याकडून या सुनावणीच्या वेळी युक्तिवाद करण्यात आला. सुनावणीसाठी संतोष देशमुख यांचे बंधू धनंजय देशमुख उपस्थित होते.
सतेज पाटील आणि आमच्यातील दोरी तुटली असल्याचे विधान राष्ट्रवादी कॉंग्रेस अजित पवार गटाचे नेते व वैद्यकीय शिक्षण मंत्री हसन मुश्रीफ यांनी केले आहे. तसेच पाच वर्षे आमदारकी शिल्लक असताना प्रज्ञा सातव यांनी राजीनामा दिला यावरूनच कळते कॉंग्रेसवर त्यांच्याच लोकांचा विश्वास राहिलेला नाही. माझे मित्र विरोधी पक्षनेता होणार म्हणून बसले होते. मात्र, बिचाऱ्यांचे दुर्दैव असल्याचा खोचक टोला मुश्रीफ यांनी लगावला आहे.
महानगरपालिका निवडणुकीसाठी शिवसेना ठाकरे गट आणि महाराष्ट्र नवनिर्माण सेना यांच्यात संभाव्य युतीचे संकेत मिळत असतानाच, भाजपने यावर जोरदार प्रहार केला आहे. भाजप नेते आणि मंत्री आशिष शेलार यांनी या युतीचा उल्लेख ‘दोन शून्यांची बेरीज’ असा केला आहे. युतीचा नारळ फुटण्यापूर्वीच दोन्ही बाजूंचे कार्यकर्ते एकमेकांचे डोके फोडतील अशी सद्यस्थिती आहे, असा खोचक टोला लगावत शेलार यांनी या युतीच्या यशावर प्रश्नचिन्ह उपस्थित केले आहे.
अमेरिकेच्या न्याय विभागाने जेफ्री एपस्टीनशी संबंधित चौकशीच्या अंतर्गत शुक्रवारी रात्री अडीच वाजता (भारतीय वेळेनुसार) तीन लाख दस्तऐवज जारी केले आहेत. यामध्ये अमेरिकेचे माजी राष्ट्राध्यक्ष बिल क्लिंटन, पॉप गायक मायकल जॅक्सन, हॉलिवूड अभिनेता ख्रिस टकर, ब्रिटिश प्रिन्स अँड्र्यू यांसारख्या दिग्गजांची छायाचित्रे समोर आली आहेत.
अंमलबजावणी संचालनालयाने (ED) शुक्रवारी सट्टेबाजी प्रकरणात माजी क्रिकेटपटू युवराज सिंग, बॉलिवूड अभिनेता सोनू सूद, अभिनेत्री नेहा शर्मा यांच्यासह अनेक सेलिब्रिटींची मालमत्ता जप्त केली आहे.
अजित पवारांच्या राष्ट्रवादी कॉंग्रेसचे माजी मंत्री माणिकराव कोकाटे यांच्याकडून त्यांचे क्रीडा खाते काढून घेण्यात आले असून आता त्यांचा राजीनामा देखील स्वीकारण्यात आला आहे. माणिकराव कोकाटे यांच्या प्रकरणावर मुंबई उच्च न्यायालयात सुनावणी पार पडली. त्यात त्यांना एक लाखाच्या जातमुचलक्यावर जामीन मंजूर करण्यात आला.