PoK : PoK मध्ये पुन्हा हिंसाचाराचा भडका; आरक्षणाच्या मुद्द्यावरून संघर्ष, 7 ठार तर 70 हून अधिक जखमी
पाकिस्तानव्याप्त काश्मीरमध्ये (PoK) आरक्षण आणि राजकीय प्रतिनिधित्वाच्या मुद्द्यावरून मोठा हिंसक संघर्ष उफाळून आला आहे. आंदोलक आणि सुरक्षा दलांमध्ये झालेल्या चकमकीत चार पोलीस अधिकारी आणि तीन आंदोलकांचा मृत्यू झाला असून 70 हून अधिक जण जखमी झाले आहेत. या घटनेमुळे संपूर्ण पाकिस्तानव्याप्त काश्मीरमध्ये तणावाचे वातावरण निर्माण झाले आहे.