Netanyahu : द फोकस एक्सप्लेनर : नेतान्याहूंचे ‘हेक्सागन अलायन्स’ आणि पीएम मोदींचा सहभाग: इस्रायलच्या नव्या खेळीने पाकिस्तानसह मुस्लिम देश का खवळले?
पंतप्रधान नरेंद्र मोदी इस्रायलच्या दोन दिवसीय दौऱ्यासाठी राजधानी तेल अवीव येथे पोहोचले आहेत. जागतिक राजकारणाच्या दृष्टीने हा दौरा अत्यंत महत्त्वपूर्ण मानला जात आहे. मात्र, पीएम मोदींच्या या इस्रायल दौऱ्याच्या पूर्वसंध्येला इस्रायलचे पंतप्रधान बेंजामिन नेतान्याहू यांनी एका नव्या जागतिक आघाडीची, म्हणजेच ‘हेक्सागन अलायन्स’ (Hexagon Alliance) ची मोठी घोषणा केली आहे. मध्य पूर्वेतील (Middle East) कट्टरपंथी आणि दहशतवादी ताकतींचा एकत्रित मुकाबला करण्यासाठी या नव्या आघाडीचा प्रस्ताव मांडण्यात आला आहे.