भारताची लोकसंख्या वेगाने वृद्ध होत आहे. 2011 मध्ये देशात 60 वर्षांवरील लोकसंख्या 10.16 कोटी होती, जी 2036 पर्यंत वाढून 22.74 कोटी होईल. म्हणजेच, एकूण लोकसंख्येत वृद्धांच्या लोकसंख्येचा वाटा 8.4% वरून 14.9% पर्यंत वाढेल आणि प्रत्येक 7 पैकी 1 भारतीय ज्येष्ठ नागरिक असेल.
आंतरराष्ट्रीय नाणेनिधी (IMF) ने पाकिस्तानला आर्थिक संकटातून बाहेर काढण्यासाठी 1.2 अब्ज डॉलर (सुमारे 11 हजार कोटी रुपये) निधीला मंजुरी दिली आहे. यात 1 अब्ज डॉलरचे कर्ज आणि हवामान कार्यक्रमांतर्गत 200 दशलक्ष डॉलरच्या मदतीचा समावेश आहे.
दिल्लीत लाल किल्ल्याजवळ १० नोव्हेंबरला झालेल्या कार बॉम्बस्फोटाचा तपास करणाऱ्या राष्ट्रीय तपास यंत्रणेला मोठे यश मिळाले आहे. मंगळवारी सीआरपीएफ आणि जम्मू-काश्मीर पोलिसांच्या मदतीने एनआयएने अटक केलेले संशयित डॉ. आदिल राथेर आणि मदतगार जसीर बिलाल वानी यांना दक्षिण काश्मीरमधील ४ घनदाट जंगलात नेले. ही तीच ठिकाणे आहेत, जिथे दोघांनी कथितरित्या दहशतवाद्यांशी भेट घेतली होती आणि स्फोटापूर्वी दारूगोळ्याची चाचणी केली होती.
इंडोनेशियाची राजधानी जकार्ता येथे मंगळवारी एका 7 मजली इमारतीला भीषण आग लागली. स्थानिक चॅनल कोम्पास टीव्हीनुसार, या दुर्घटनेत आतापर्यंत 20 लोकांच्या मृत्यूची पुष्टी झाली आहे. यात 5 पुरुष आणि 15 महिलांचा समावेश आहे. यापैकी काहींचा मृत्यू गुदमरल्याने झाला.
युक्रेनचे राष्ट्राध्यक्ष वोलोदिमिर झेलेन्स्की यांनी मंगळवारी सांगितले की, या वर्षी अमेरिकन शस्त्रे खरेदी करण्यासाठी सुमारे 6,800 कोटी रुपये कमी पडत आहेत. झेलेन्स्की म्हणाले की, हा निधी युरोपीय देशांकडून येणार होता, परंतु वेळेवर पैसे मिळू शकले नाहीत. त्यामुळे शस्त्रांच्या पुरवठ्यात विलंब होऊ शकतो.
अमेरिकेचे राष्ट्राध्यक्ष डोनाल्ड ट्रम्प यांच्या दबावाखाली असूनही, मायक्रोसॉफ्ट भारतात 17.5 अब्ज डॉलर (सुमारे ₹1.57 लाख कोटी) गुंतवणूक करणार आहे. अमेरिकन टेक कंपनीची ही आतापर्यंतची सर्वात मोठी गुंतवणूक असेल. या निधीचा वापर AI, क्लाउड आणि डेटा सेंटर यांसारख्या पायाभूत सुविधा मजबूत करण्यासाठी केला जाईल.
सरकारी नोकरीत असूनही ९५२६ महिला कर्मचाऱ्यांनी लाडकी बहीण योजनेत नाव नोंदणी केली आणि वर्षभरात सुमारे १४ कोटी ५० लाख रुपये लाटले, अशी माहिती हिवाळी अधिवेशनात समोर आली. महिला व बालविकासमंत्री अदिती तटकरे यांनी विधान परिषदेत उपस्थित तारांकित प्रश्नाच्या उत्तरात म्हटले आहे की, १४,२९८ पुरुषांनीही बनावट कागदपत्रे सादर करून २१ कोटी ४४ लाख रुपये गिळंकृत केले आहेत.
गेल्या सहा महिन्यांत पुणे, नंदुरबार, जळगाव, नाशिक, अहिल्यानगरसह अनेक भागांत बिबट्याने धुमाकूळ घालत ३७ जणांचा बळी घेतला. या बिबट्यांना मानवी वसाहतीत प्रवेश करण्यापासून रोखण्यासाठी बिबट्यांचा अधिवास असलेल्या क्षेत्रात जंगलात १ कोटी रुपये किमतीच्या शेळ्या-मेंढ्या सोडा, असे आदेश वनमंत्री गणेश नाईक यांनी वन अधिकाऱ्यांना दिले आहेत.
मुंबईसह राज्यातील सर्व महापालिका भाजप-शिंदेसेना एकत्र लढणार आहे. सोमवारी रात्री उशिरा मुख्यमंत्री देवेंद्र फडणवीस, उपमुख्यमंत्री एकनाथ शिंदे यांची बैठक झाली. त्यात स्थानिक पातळीवर जागावाटपाचे सूत्र ठरवावे, असेही निश्चित झाले. दरम्यान, २९ मनपातील मतदारांची अंतिम यादी २७ डिसेंबरला प्रसिद्ध करण्याचे आदेश मनपा आयुक्तांना देण्यात आले आहेत. त्यामुळे १५ ते २० जानेवारीदरम्यान निवडणूक होण्याची चिन्हे आहेत.
संसदेच्या हिवाळी अधिवेशनाच्या ७ व्या दिवशी मंगळवारी लोकसभेत निवडणूक सुधारणांवर चर्चा झाली. विरोधी पक्षनेते राहुल गांधी म्हणाले की, लोकशाहीला नुकसान पोहोचवण्यासाठी भाजप निवडणूक आयोगाला संचलित करून त्याचा वापर करत आहे. दोघे मिळून मत चोरी करत आहेत. ‘मत चोरी’ हे सर्वात मोठे राष्ट्रविरोधी कृत्य आहे. राहुल यांच्या आरोपांवर भाजप खासदार निशिकांत दुबे यांनी पलटवार केला. ते म्हणाले, आयोगात उच्च पदांवर राहिलेल्यांना बक्षीस देण्याचा इतिहास काँग्रेसचा आहे.
रशियाचे राष्ट्राध्यक्ष व्लादिमीर पुतिन यांच्या भारत भेटीदरम्यान दोन्ही देशांमध्ये चेन्नई-व्लादिवोस्तोक ईस्टर्न कॉरिडॉरबाबत चर्चा झाली. हा कॉरिडॉर फक्त 10,370 किमी लांब असेल, ज्यामुळे भारतीय जहाजे सरासरी 24 दिवसांत रशियाला पोहोचू शकतील.
देशातील 12 राज्ये आणि केंद्रशासित प्रदेशांमध्ये सुरू असलेल्या मतदार यादीच्या विशेष सखोल पुनरीक्षण (SIR) चे अर्ज 11 डिसेंबरपर्यंत जमा केले जातील. यादरम्यान, तामिळनाडूमध्ये आतापर्यंत मिळालेल्या आकडेवारीनुसार, मसुदा मतदार यादीतून 84 लाखांहून अधिक मतदारांची नावे वगळली जाऊ शकतात.
केरळमधील एर्नाकुलम सत्र न्यायालयाने सोमवारी मल्याळम अभिनेता दिलीपला २०१७ मध्ये दक्षिण भारतीय चित्रपट अभिनेत्रीवर झालेल्या सामूहिक बलात्कार प्रकरणातून निर्दोष मुक्त
तमिळनाडूतील करूर येथे झालेल्या चेंगराचेंगरीनंतर अभिनेता आणि TVK प्रमुख विजय पहिल्यांदाच रॅली घेणार आहेत. पोलिसांनी ९ डिसेंबर रोजी पुडुचेरीमध्ये कडक सुरक्षा नियमांसह रॅलीला परवानगी दिली आहे.
तेलंगणा सरकार हैदराबादमधील एका मुख्य रस्त्याचे नाव डोनाल्ड ट्रम्प ॲव्हेन्यू ठेवण्याच्या तयारीत आहे. हा रस्ता हैदराबादमधील अमेरिकन दूतावासाशेजारून जातो. मुख्यमंत्री रेवंत रेड्डी यांनी अमेरिकेचे राष्ट्राध्यक्ष डोनाल्ड ट्रम्प यांच्या नावावर रस्त्याचे नवीन नाव निश्चित करण्याचा प्रस्ताव ठेवला आहे. जानेवारीमध्ये होणाऱ्या तेलंगणा रायझिंग ग्लोबल समिटपूर्वी जगाचे लक्ष वेधून घेण्याच्या रणनीतीचा हा एक भाग असल्याचे मानले जात आहे.
शिवसेना उद्धव बाळासाहेब ठाकरे पक्षाचे अर्ध्याहून अधिक आमदार आपल्या संपर्कात असल्याचा दावा सत्ताधारी शिवसेनेचे ज्येष्ठ नेते तथा मंत्री संजय शिरसाट यांनी केला आहे. हे आमदार ठाकरेंच्या कार्यपद्धतीला कंटाळले आहेत. त्यामुळे त्यांनी आमच्यासोबत येण्याचा मानस व्यक्त केला आहे, असे ते म्हणालेत. यावेळी त्यांनी आपल्याकडे या आमदारांची नावे असल्याचाही व प्रसंगी ते जाहीर करण्याचाही इ्शारा दिला.
सर्वोच्च न्यायालयाने उच्च न्यायालयाच्या वादग्रस्त टिप्पणीवर कठोर भूमिका घेतली आहे. सर्वोच्च न्यायालय आता देशभरातील उच्च न्यायालयांसाठी एक व्यापक मार्गदर्शक तत्त्वे (गाइडलाइन) तयार करणार आहे.
विधिमंडळाच्या हिवाळी अधिवेशनाच्या पहिल्याच दिवशी नागपुरात वेगळ्या विदर्भाचा मुद्दा पुन्हा एकदा ऐरणीवर आला आहे. काँग्रेसने उपस्थित केलेल्या प्रश्नाला उत्तर देताना, वेगळ्या विदर्भावर आम्ही काम करत असून आमची त्याबाबतची भूमिका कायम आहे, असे महत्त्वपूर्ण वक्तव्य राज्याचे महसूलमंत्री चंद्रशेखर बावनकुळे यांनी केले आहे.
विदर्भाचा वर्षानुवर्षांचा विकासाचा अनुशेष भरून काढायचा असेल, तर ‘वेगळा विदर्भ’ हाच एकमेव पर्याय आहे. जोपर्यंत सत्तेत योग्य वाटा मिळत नाही, तोपर्यंत विदर्भाला न्याय मिळणे कठीण आहे, अशी रोखठोक भूमिका काँग्रेस नेते विजय वडेट्टीवार यांनी मांडली. एका वृत्तवाहिनीच्या कार्यक्रमात ते बोलत होते. यावेळी त्यांनी राज्यातील कायदा-सुव्यवस्था, ओबीसी समाजावरील अन्याय आणि निधी वाटपातील तफावतीवरून सरकारवर जोरदार टीकास्त्र सोडले.
सोमवारी लोकसभेत वंदे मातरमच्या १५०व्या वर्धापन दिनानिमित्त झालेल्या चर्चेदरम्यान प्रियंका गांधी यांनी विचारले की, “हे गाणे १५० वर्षांपासून देशाच्या आत्म्याचा भाग आहे. ते ७५ वर्षांपासून लोकांच्या हृदयात आहे. मग आज त्यावर चर्चा का होत आहे? मी तुम्हाला सांगते, कारण मोदीजी, बंगालच्या निवडणुका येत आहेत. सरकार स्वातंत्र्यासाठी लढणाऱ्यांवर नवीन आरोप लावू इच्छिते. मी तुम्हाला सांगते की, मोदीजी आता पूर्वीसारखे पंतप्रधान राहिले नाहीत.”
पंतप्रधान मोदींनी सोमवारी लोकसभेत वंदे मातरम्ला १५० वर्षे पूर्ण झाल्यानिमित्त झालेल्या चर्चेची सुरुवात केली. त्यांनी एका तासाच्या भाषणात सांगितले की, ‘वंदे मातरम् ब्रिटिशांना सडेतोड उत्तर होते, ही घोषणा आजही प्रेरणा देत आहे. स्वातंत्र्याच्या वेळी महात्मा गांधींनाही ते आवडले होते. त्यांना हे गीत राष्ट्रगीत म्हणून दिसत होते.
नागपूर येथे हिवाळी अधिवेशनाला आजपासून सुरुवात झाली आहे. या अधिवेशनात विरोधी पक्षांनी विरोधी पक्ष नेत्यावर सरकारने अद्याप कोणताही निर्णय घेतला नसल्याने टीका केली आहे. तसेच शिवसेना ठाकरे गटाचे नेते भास्कर जाधव यांनी सरकारवर जोरदार टीका केली आहे. सत्ताधाऱ्यांना विरोधी पक्षनेत्याची भीती वाटते, विरोधी पक्षनेता दिला तर सरकारमधील सहकारी त्याला माहिती देऊन आपल्याला अडचणीत आणतील अशी भीती त्यांना वाटत आहे. त्यामुळे सरकार विरोधी पक्षनेत्यावर कोणताही निर्णय घेत नाही, अशी टीका जाधव यांनी केली आहे.
जपानमध्ये आओमोरी प्रांताजवळ 7.6 तीव्रतेचा भूकंप झाला आहे. देशाच्या हवामानशास्त्र एजन्सीने आओमोरी, इवाते आणि होक्काइडो प्रांतांसाठी त्सुनामीचा इशारा जारी केला आहे.
मध्य प्रदेशातील सिवनी जिल्ह्यातील आमगाव येथे एक प्रशिक्षणार्थी विमान 33 केव्ही उच्च दाबाच्या वीज वाहिनीला धडकून कोसळले. हा अपघात सायंकाळी साडेसहाच्या सुमारास झाला. प्रशिक्षक पायलट अजित अँथनी आणि प्रशिक्षणार्थी पायलट अशोक छावडा जखमी झाले आहेत. तथापि, दोघेही धोक्याबाहेर असल्याचे सांगण्यात येत आहे.
ब्रिटन सरकारने दहशतवादविरोधी कायद्याचा वापर करून ब्रिटिश शीख व्यावसायिक गुरप्रीत सिंग रेहल यांची सर्व बँक खाती गोठवली आहेत. त्यांना कोणत्याही कंपनीचे संचालक म्हणून काम करण्यापासून रोखण्यात आले आहे.