मध्यपूर्वेतील तणावाने आता उघड युद्धाचे रूप घेतले आहे. अमेरिका आणि इस्रायल यांनी संयुक्त लष्करी कारवाई करत इराणवर मोठ्या प्रमाणात हवाई आणि सागरी हल्ले चढवले. या कारवाईत ईरानचे अनेक वरिष्ठ लष्करी अधिकारी आणि कमांडर ठार झाल्याची माहिती समोर आली आहे. काही नौदल जहाजेही नष्ट झाल्याचे वृत्त आहे. या घडामोडींमुळे संपूर्ण मध्यपूर्वेत भीती आणि अनिश्चिततेचे वातावरण निर्माण झाले आहे.
इराणविरुद्ध अमेरिका-इस्रायलच्या संयुक्त लष्करी कारवाईनंतर नाटो देश अमेरिकेपेक्षा वेगळी भूमिका घेत असल्याचे दिसून येते. फ्रान्स, जर्मनी आणि ब्रिटनसारख्या प्रमुख नाटो देशांनी या हल्ल्यापासून स्वतःला दूर ठेवले. स्पेन व नॉर्वेनेही या कारवाईच्या वैधतेवर आक्षेप घेतला. तथापि, कॅनडा व ऑस्ट्रेलियाने पाठिंबा व्यक्त केला. इतिहासात प्रथमच इराण आणि इराक यांनी अमेरिकेविरुद्ध एकत्र आले आहेत.
इस्रायलचे पंतप्रधान बेंजामिन नेतान्याहू यांच्या पाठोपाठ आता अमेरिकेचे अध्यक्ष डोनाल्ड ट्रम्प यांनी इराणचे सर्वोच्च नेते अयातुल्ला खामेनी यांचा एका कारवाईत मृत्यू झाल्याचा दावा केला आहे. खामेनी यांच्या मृत्यूची पुष्टी करताना, ट्रम्प यांनी सोशल मीडियावर एक लांबलचक विधान जारी केले. त्यांनी खामेनी यांना इतिहासातील सर्वात क्रूर व्यक्तींपैकी एक म्हणून वर्णन केले आणि इराणी लोकांना रस्त्यावर उतरून त्यांचा देश परत घेण्याचे आवाहन केले.