Pakistan Anger : ‘शहबाज-मुनीर यांनी त्यांच्या मालकाला खुश करण्यासाठी देश विकला’, ट्रम्प यांच्या नोबेलच्या शिफारशीवर पाकिस्तानी जनता संतापली
अमेरिकेचे अध्यक्ष डोनाल्ड ट्रम्प यांना नोबेल शांतता पुरस्कार देण्याची मागणी केल्याबद्दल पाकिस्तान सरकार आणि त्यांच्या सैन्यावर सोशल मीडियावर तीव्र टीका होत आहे. पाकिस्तानचे उपपंतप्रधान आणि परराष्ट्र मंत्री इशाक दार यांनी नॉर्वे येथील नोबेल शांतता पुरस्कार समितीला औपचारिकपणे पत्र पाठवले आहे, ज्यामध्ये अलिकडच्या भारत-पाकिस्तान संघर्षादरम्यान ‘निर्णायक राजनैतिक हस्तक्षेप’ केल्याबद्दल अमेरिकन अध्यक्ष ट्रम्प यांना नोबेल शांतता पुरस्काराची शिफारस करण्यात आली आहे.