Mumbai Airport : मुंबई विमानतळावर सीमा शुल्क विभागाची मोठी कारवाई, 18 कोटींहून अधिक किमतीचे अंमली पदार्थ जप्त, 8 अटकेत
देशाची आर्थिक राजधानी असलेल्या मुंबईतील आंतरराष्ट्रीय विमानतळावर प्रवाशांच्या मोठ्या वर्दळीचा गैरफायदा घेत होणारी तस्करी रोखण्यासाठी सीमा शुल्क विभागाने 4 ते 11 फेब्रुवारी 2026 दरम्यान धडक कारवाई केली. या सात दिवसांच्या विशेष मोहिमेत कोट्यवधी रुपये किमतीचे सोने आणि अमली पदार्थ जप्त करण्यात आले असून, याप्रकरणी तस्करी करणाऱ्या 8 जणांना बेड्या ठोकण्यात आल्या आहेत. विमानतळावरील कडक सुरक्षा व्यवस्था आणि तपासणी यंत्रणेच्या सतर्कतेमुळे तस्करीचे हे मोठे रॅकेट उघडकीस आले असून, या कारवाईमुळे तस्करांचे धाबे दणाणले आहेत.