Morgan Stanley

जगभरातील अनेक अर्थव्यवस्था सध्या मंदीच्या छायेखाली असताना भारतासाठी मात्र दिलासादायक बातमी आली आहे. मॉर्गन स्टॅनलीच्या जागतिक गुंतवणूक समितीने (Global Investment Committee – GIC) आपल्या अहवालात स्पष्ट म्हटले आहे की भारत ही जगातील सर्वात वेगाने वाढणारी मोठी अर्थव्यवस्था राहणार आहे. यामुळे भारतावर आंतरराष्ट्रीय गुंतवणूकदारांचा विश्वास अधिक बळकट होणार आहे.

जागतिक वित्तीय सेवा कंपनी मॉर्गन स्टॅनलीने बुधवारी भारताचा विकासदर आर्थिक वर्ष २०२६ साठी ६.२ टक्के आणि आर्थिक वर्ष २७ साठी ६.५ टक्के असा अंदाज वर्तवला. बाह्य अनिश्चिततेमध्येही मजबूत देशांतर्गत अर्थव्यवस्थेमुळे देश जलद आर्थिक विकास अनुभवत असल्याचे वित्तीय संस्थेने म्हटले आहे.