Aadhaar App : नवे आधार अ‍ॅप; फेशियल रिकग्निशन, क्यूआरद्वारे केवायसी; आता फक्त आवश्यक डेटा शेअर करा
भारतीय विशिष्ट ओळख प्राधिकरणाने (यूआयडीएआय) नवीन आधार अ‍ॅप लाँच केले आहे. सध्या आधार आणि जुने अ‍ॅप एमआधार दोन्ही काम करतील. नवीन अ‍ॅपमध्ये चेहऱ्याची ओळख, बायोमेट्रिक लॉक आणि क्यूआर कोड-आधारित शेअरिंगसारखी सुरक्षा वैशिष्ट्ये आहेत. ते कुठेही केवायसी पडताळणीची परवानगी देते. पूर्वी वापरकर्त्यांना त्यांचे संपूर्ण आधार कार्ड दाखवावे लागत असे. परंतु या अ‍ॅपमध्ये वापरकर्ते कोणती माहिती दाखवायची आणि कोणती लपवायची हे निवडू शकतात. यामुळे आधार कार्डची फिजिकल कॉपी बाळगण्याची गरज भासणार नाही. ते अँड्रॉइड आणि आयआेएस दोन्हीसाठी उपलब्ध आहे.