Kolkata law college

कोलकात्यातील साउथ कोलकाता लॉ कॉलेजमध्ये घडलेल्या २४ वर्षीय विधी विद्यार्थिनीवरील कथित सामूहिक बलात्कार प्रकरणात गंभीर खुलासे समोर येत आहेत. या गुन्ह्याचा कट आरोपींनी दोन दिवस आधीपासूनच रचल्याचे तपासात निष्पन्न झाले आहे. मुख्य आरोपी मोनोजित मिश्रा (३१), जो कॉलेजचा माजी विद्यार्थी असून सध्या कर्मचारी आणि तृणमूल काँग्रेसचा विद्यार्थी शाखेचा सक्रिय नेता आहे, त्याच्यासोबत झैब अहमद आणि प्रमीत मुखर्जी या दोन सध्याच्या विद्यार्थ्यांनी हा घृणास्पद गुन्हा केला, असा आरोप आहे.

येथील लॉ कॉलेजच्या विद्यार्थिनीवर झालेल्या सामूहिक बलात्कार प्रकरणात पोलिसांनी आणखी एक अटक केली आहे. पोलिसांनी लॉ कॉलेजचा गार्ड पिनाकी बॅनर्जी (५५ वर्षे) याला अटक केली आहे. विद्यार्थिनीवर झालेल्या सामूहिक बलात्कार प्रकरणात ही चौथी अटक आहे. कोलकाता सामूहिक बलात्कार प्रकरणातील मुख्य आरोपीसह पोलिसांनी आणखी तीन जणांना अटक केली आहे.