लोकप्रिय यूट्यूबर म्हणून जगभरात प्रवासविषयक व्हिडिओंमुळे चर्चेत असलेली ज्योती मल्होत्रा उर्फ Travel With Jo आता गंभीर आरोपांमुळे तुरुंगात आहे.
पाकिस्तानसाठी हेरगिरी केल्याच्या आरोपाखाली अटक करण्यात आलेली युट्यूबर ज्योती मल्होत्रा आज व्हिडिओ कॉन्फरन्सिंगद्वारे (व्हीसी) हिसार न्यायालयात हजर झाली. सुनावणीनंतर न्यायालयाने ज्योतीला १४ दिवसांची न्यायालयीन कोठडी सुनावली आहे. आता या प्रकरणाची पुढील सुनावणी ७ जुलै रोजी होणार आहे.
ज्योती मल्होत्रा नंतर आणखी एक युट्यूबरला देशद्रोह केल्याच्या आरोपाखाली अटक करण्यात आली आहे. त्याच्यावर पाकिस्तानसाठी हेरगिरी केल्याचा संशय आहे. पोलिसांनी त्याला पंजाबमधील रूपनगर येथून अटक केली आहे.
पाकिस्तानसाठी हेरगिरी केल्याच्या आरोपाखाली पकडलेल्या हरियाणाच्या युट्यूबर ज्योती मल्होत्राचा एक नवीन व्हिडिओ समोर आला आहे. पाकिस्तानात ती AK-47 घेतलेल्या ६ रक्षकांसह बाजारात फिरताना दिसत आहे. हा व्हिडिओ स्कॉटिश युट्यूबर कॅलम मिल यांनी केला आहे. व्हिडिओमध्ये, ज्योती कॅलमला विचारते की ही त्याची पहिलीच पाकिस्तान भेट आहे का? यावर कॅलम म्हणतो की मी पाचव्यांदा आलो आहे.