मिडल ईस्टमध्ये सुरू असलेल्या इस्रायल-इराण युद्धामुळे कच्च्या तेलाची पुरवठा साखळी मोठ्या प्रमाणात बाधित झाली आहे. या संकटातून बाहेर पडण्यासाठी भारतीय रिफायनर्सनी रशियाकडून मोठ्या प्रमाणात तेल खरेदी करण्याचा निर्णय घेतला आहे.
अमेरिकेच्या टेक्सास येथून लिक्विफाइड पेट्रोलियम गॅस (LPG) घेऊन एक मालवाहू जहाज रविवारी मंगळुरू बंदरात पोहोचले आहे. तर, रशियातून एक जहाज कच्चे तेल घेऊन भारतात आले. गेल्या 7 दिवसांत सुमारे पाच जहाजे गॅस-कच्चे तेल घेऊन समुद्राच्या मार्गाने भारतात पोहोचली.
भारत सरकारच्या परराष्ट्र, जहाजबांधणी, पेट्रोलियम, माहिती आणि प्रसारण मंत्रालयाने गुरुवारी देशातील कच्च्या तेलाच्या आणि वायूच्या तुटवड्याबाबत संयुक्त पत्रकार परिषद घेतली. सरकारने सांगितले की, भारत आपल्या गरजेच्या सुमारे 60% एलपीजी आयात करतो, ज्यापैकी जवळपास 90% पुरवठा स्ट्रेट ऑफ होर्मुझमधून येतो.