बांगलादेशच्या माजी पंतप्रधान शेख हसीना यांनी देशात वाढत्या भारतविरोधी भावनेसाठी अंतरिम सरकारचे प्रमुख मोहम्मद युनूस यांना जबाबदार धरले आहे. एएनआय वृत्तसंस्थेशी बोलताना हसीना यांनी भारताला बांगलादेशचा सर्वात विश्वासार्ह मित्र म्हटले.
भारत आणि बांग्लादेश यांच्यातील संबंधांमध्ये तणाव वाढत असताना बांग्लादेशने प्रत्युत्तरात्मक पाऊल उचलले आहे. नवी दिल्लीतील बांग्लादेश उच्चायोगाने सोमवारी भारतातील नागरिकांसाठी कांसुलर तसेच व्हिसा सेवा तात्पुरत्या स्वरूपात स्थगित केल्या आहेत. आजतकशी संबंधित सूत्रांच्या माहितीनुसार, बांग्लादेशचे विद्यार्थी नेते शरीफ उस्मान हादी यांच्या मृत्यूनंतर दोन्ही देशांतील संबंधांमध्ये मोठी तणावपूर्ण परिस्थिती निर्माण झाली असून, त्याच पार्श्वभूमीवर हा निर्णय घेण्यात आला आहे.
काँग्रेस खासदार शशी थरूर यांच्या अध्यक्षतेखालील परराष्ट्र व्यवहार संसदीय समितीने बांगलादेशातील सद्यस्थितीला भारतासाठी 1971 च्या मुक्तिसंग्रामानंतरचे सर्वात मोठे धोरणात्मक आव्हान म्हटले आहे.