Monsoon Break : मराठवाडा-विदर्भात उष्णतेचा इशारा; 20 जूनपर्यंत मान्सूनला ब्रेक, शेतकऱ्यांची प्रतीक्षा वाढली
राज्यात मान्सूनच्या आगमनाची आतुरतेने वाट पाहणाऱ्या नागरिक आणि शेतकऱ्यांसाठी सध्या निराशाजनक चित्र आहे. केरळमध्ये वेळेवर दाखल होऊन वेगाने पुढे सरकलेल्या मान्सूनची महाराष्ट्रातील वाटचाल गेल्या काही दिवसांपासून पूर्णपणे ठप्प झाली आहे. परिणामी मराठवाडा, विदर्भासह राज्यातील अनेक भागांमध्ये उकाडा आणि दमट हवामानाचा त्रास कायम राहणार असल्याचा इशारा हवामान विभागाने दिला आहे.