Nashik TCS Case : नाशिक टीसीएस प्रकरणात धक्कादायक आरोप, झाकीर नाईकचे व्हिडिओ दाखवून ‘ब्रेनवॉश’ केल्याचा दावा
नाशिकमधील गाजलेल्या टीसीएस-संबंधित महिला शोषण आणि कथित धर्मांतर प्रकरणात नवे धक्कादायक तपशील समोर आले आहेत. विशेष तपास पथकाने न्यायालयात दाखल केलेल्या आरोपपत्रात पीडित महिलेने गंभीर आरोप केले असून, तिला विशिष्ट धर्म स्वीकारण्यासाठी मानसिकरीत्या प्रभावित करण्याचा प्रयत्न करण्यात आल्याचा दावा करण्यात आला आहे. या प्रक्रियेत वादग्रस्त इस्लामिक प्रचारक झाकीर नाईक यांच्यासह इतर धर्मप्रचारकांचे व्हिडिओ दाखवले जात असल्याचेही आरोपपत्रात नमूद करण्यात आले आहे.