निवडणूक सुधारणांसाठी काम करणाऱ्या असोसिएशन फॉर डेमोक्रॅटिक रिफॉर्म्स (ADR) चे सह-संस्थापक आणि निवडणूक सुधारणांचे कट्टर समर्थक असलेले प्रो. जगदीप एस. छोकर यांचे शुक्रवारी सकाळी दिल्लीत हृदयविकाराच्या झटक्याने निधन झाले. ते ८१ वर्षांचे होते. प्रो. छोकर यांच्या इच्छेनुसार, त्यांचे शरीर संशोधनासाठी लेडी हार्डिंग मेडिकल कॉलेजला दान करण्यात आले आहे.
राज्याचे अन्न व नागरी पुरवठा मंत्री तथा बडे ओबीसी नेते छगन भुजबळ यांनी शुक्रवारी मराठा आरक्षणाच्या मुद्यावरून पुन्हा एकदा आपला संताप व्यक्त केला. आम्ही लहान समाजात जन्मलो हे आमचे पाप आहे का? आमच्या लेकराबाळांनी शिक्षण व नोकऱ्या करायच्या नाही का? असे उद्विग्न प्रश्न त्यांनी यासंबंधी उपस्थित केले. आरक्षणाच्या लढ्यात अगोदर आम्ही संपू, त्यानंतर तुम्हाला काय करायचे ते करा. पण आता कुणीही आत्महत्या करू नका, असेही ते यावेळी ओबीसी तरुणांना उद्देशून म्हणाले.
गणेशोत्सवाच्या उत्साहातच मुंबईतून एक दुर्दैवी घटना समोर आली आहे. लालबाग च्या राजाच्या विसर्जन मिरवणूकी दरम्यान एका अज्ञात वाहनाने दोन चिमुकल्यांना चिरडले. या अपघातात चंद्रा वजणदार (वय 2) या बालिकेचा मृत्यू झाला, तर तिचा भाऊ शैलू वजणदार (वय 11) गंभीर जखमी झाला आहे. त्याच्यावर परळ येथील केईएम रुग्णालयात उपचार सुरू आहेत.
रविवारी मध्यरात्री ११:४७ वाजता (स्थानिक वेळेनुसार) अफगाणिस्तानमध्ये ६ तीव्रतेचा भूकंप झाला. आतापर्यंत ८०० लोकांचा यात मृत्यू झाला आहे, तर २५०० हून अधिक लोक जखमी झाले आहेत.
जम्मू आणि काश्मीरमधील बांदीपोरा जिल्ह्यातील गुरेझ सेक्टरमध्ये नियंत्रण रेषेजवळ (एलओसी) सुरक्षा दलांनी दहशतवादी बागू खान, ज्याला ह्यूमन जीपीएस म्हणून ओळखले जाते, त्याला ठार मारले आहे. बागू खानला समंदर चाचा म्हणूनही ओळखले जात असे. सुरक्षा एजन्सींच्या यादीत तो हिजबुल मुजाहिदीनचा मोस्ट वॉन्टेड दहशतवादी होता.
येमेनची राजधानी सना येथे इस्रायलने केलेल्या हवाई हल्ल्यात हुथी बंडखोरांचे पंतप्रधान अहमद अल-राहवी यांचा मृत्यू झाला आहे. मीडिया रिपोर्ट्सनुसार, या हल्ल्यांमध्ये हुथी संरक्षण मंत्री मोहम्मद अल-अती आणि चीफ ऑफ स्टाफ मोहम्मद अब्द अल-करीम अल-घमारी यांनाही लक्ष्य करण्यात आले होते, ज्यांचा मृत्यु झाल्याची भीती आहे.
गेल्या दोन दिवसांपासून जम्मू-काश्मीरमध्ये पाऊस व पुरामुळे प्रचंड नुकसान झाले आहे. पावसासंबंधी दुर्घटनांमुळे मृतांचा आकडा ४१ वर पोहोचला आहे. त्यापैकी ३४ भाविक वैष्णोदेवीच्या दर्शनासाठी जात होते. त्यांचा वाटेत भूस्खलन झाल्याने मृत्यू झाला.
मराठी आणि हिंदी चित्रपटसृष्टीतील ज्येष्ठ अभिनेते अच्युत पोतदार यांचे निधन झाले आहे. ते 91 वर्षांचे होते. ठाण्यातील ज्युपिटर हॉस्पिटलमध्ये त्यांनी आज अखेरचा श्वास घेतला. त्यांच्या जाण्याने मराठी रंगभूमी, हिंदी सिने सृष्टी आणि मालिकांच्या जगतातील एक अत्यंत प्रगल्भ, अनुभवी व लोकप्रिय कलाकार हरपला आहे.
मराठी रंगभूमी आणि चित्रपटसृष्टीतील ज्येष्ठ अभिनेत्री ज्योती चांदेकर यांचे शनिवारी (१६ ऑगस्ट) दुःखद निधन झाले. पुण्यातील एका खासगी रुग्णालयात त्यांच्यावर उपचार सुरू असताना दुपारी चार वाजता त्यांनी अखेरचा श्वास घेतला. त्यांच्या पार्थिवावर रविवारी सकाळी अकरा वाजता पुण्यातील वैकुंठ स्मशानभूमीत अंत्यसंस्कार करण्यात येणार आहेत. त्यांच्या जाण्याने संपूर्ण कलाविश्वात हळहळ व्यक्त होत आहे. ज्योती चांदेकर या सुप्रसिद्ध अभिनेत्री तेजस्विनी पंडित यांच्या आई होत.
अमेझॉनचे संस्थापक जेफ बेझोस यांच्या आई जॅकलिन गाईज बेझोस यांचे काल वयाच्या ७८ व्या वर्षी निधन झाले. बेझोस फॅमिली फाउंडेशनने एक निवेदन जारी करून ही बातमी दिली आहे.
दिल्लीतील हुमायूनच्या थडग्याच्या परिसरात एका खोलीचे छत कोसळले. आग्नेय दिल्लीचे डीएम डॉ. श्रवण बगडिया यांच्या मते, सुमारे १० जणांना वाचवण्यात आले. त्यापैकी ६ जणांचा मृत्यू झाला.
मुंबई उच्च न्यायालयाच्या औरंगाबाद खंडपीठाने गुरूवारी सोमनाथ सूर्यवंशी यांच्या कोठडीत झालेल्या मृत्यूप्रकरणी राज्याच्या पोलिस महासंचालकांना एका आठवड्याच्या आत विशेष तपास पथक अर्थात एसआयटी स्थापन करण्याचे निर्देश दिलेत. कोर्टाने या प्रकरणी राज्य सरकारने नियुक्त केलेली चौकशी समिती बरखास्त केली आहे. हा सरकारसाठी एक झटका मानला जात आहे.
जिल्ह्यातील राजगुरूनगर तालुक्यातील कुंडेश्वर येथे आज दुपारी एक भीषण अपघात झाला. महादेवाच्या दर्शनासाठी निघालेली भाविकांची पिकअप व्हॅन भरधाव वेगात दरीत कोसळली. या अपघातात 9 महिला भाविकांचा मृत्यू झाला असून 35 हून अधिक जण जखमी झाले आहेत. मृतांपैकी 7 जणींचा घटनास्थळीच मृत्यू झाला, तर दोन महिलांनी रुग्णालयात नेताना प्राण सोडले.
जम्मू – काश्मीरचे माजी राज्यपाल सत्यपाल मलिक यांचे मंगळवारी दिल्लीतील राम मनोहर लोहिया रुग्णालयात दीर्घ आजाराने निधन झाले. दुपारी 1:12 वाजता त्यांनी अखेरचा श्वास घेतला.
मंगळवारी दुपारी १.४५ वाजता उत्तरकाशीतील धाराली गावात ढगफुटीमुळे मोठे नुकसान झाले. यामध्ये ४ जणांचा मृत्यू झाला, तर 100 हून अधिक लोक बेपत्ता आहेत.प्रशासनाचे म्हणणे आहे की मृतांचा आकडा वाढू शकतो. एसडीआरएफ, एनडीआरएफ, आयटीबीपी आणि लष्कराच्या पथके बचाव कार्यात गुंतली आहेत. आतापर्यंत १३० हून अधिक लोकांना वाचवण्यात आले आहे.
कॅलिफोर्नियामध्ये राहणारे आणि खलिस्तानी विचारसरणीचे विरोधक असलेले भारतीय-अमेरिकन व्यावसायिक सुखी चहल यांचा गूढ परिस्थितीत मृत्यू झाला आहे.त्यांच्या जवळचे मित्र जसपाल सिंग यांनी शनिवारी सांगितले की, ३१ जुलै रोजी सुखीला एका ओळखीच्या घरी जेवणासाठी आमंत्रित करण्यात आले होते. जेवणानंतर अचानक त्यांची तब्येत बिघडली आणि त्यांचा जागीच मृत्यू झाला.
राज्यसभा खासदार आणि झारखंडचे माजी मुख्यमंत्री शिबू सोरेन (गुरुजी) यांचे सोमवारी निधन झाले. त्यांनी दिल्लीतील सर गंगाराम रुग्णालयात अखेरचा श्वास घेतला.गेल्या काही दिवसांपासून ते तिथेच दाखल होते. न्यूरोलॉजी, कार्डिओलॉजी आणि नेफ्रोलॉजीमधील तज्ज्ञ डॉक्टरांची टीम त्यांच्यावर उपचार करत होती.
उत्तर प्रदेशातील बाराबंकीतील औसनेश्वर महादेव मंदिरात श्रावण महिन्याच्या सोमवारी चेंगराचेंगरी झाली. या अपघातात दोन भाविकांचा जागीच मृत्यू झाला, तर महिला आणि मुलांसह २९ जण जखमी झाले. रविवारी रात्री २ वाजता जलाभिषेक दरम्यान मंदिर परिसरात अचानक वीज पसरल्याने हा अपघात झाल्याचे सांगण्यात येत आहे.
सन ऑफ सत्यमूर्ती, टेम्पर, येवाडू यांसारख्या प्रसिद्ध चित्रपटांमध्ये खलनायकाची भूमिका साकारणारे दक्षिणेतील लोकप्रिय खलनायक कोटा श्रीनिवास यांचे १३ जुलै रोजी निधन झाले. हे अभिनेते ८३ वर्षांचे होते. त्यांनी १० जुलै रोजी त्यांचा ८३ वा वाढदिवस साजरा केला. हे अभिनेते बऱ्याच काळापासून आजारी होते.
आंध्र प्रदेशचे माजी मुख्यमंत्री जगन मोहन रेड्डी यांच्याविरुद्ध हिट अँड रनचा गुन्हा दाखल करण्यात आला आहे. १८ जून रोजी गुंटूर येथे त्यांच्या दौऱ्यादरम्यान ही घटना घडली. या प्रकरणात जिल्हा पोलिस अधीक्षक (एसपी) एस सतीश कुमार यांनी रविवारी पत्रकार परिषद घेतली.
अहमदाबाद विमान अपघातात प्राण गमावलेले गुजरातचे माजी मुख्यमंत्री विजय रुपाणी यांचे डीएनए जुळले आहेत. त्यांचा मृतदेह त्यांच्या कुटुंबियांना सोपवण्यात येईल आणि राजकोटमध्ये त्यांच्यावर अंत्यसंस्कार केले जातील.
बालाघाटमध्ये पोलिसांनी चकमकीत तीन महिलांसह चार नक्षलवाद्यांना ठार केले. शनिवारी दुपारी बिथली पोलिस चौकी परिसरातील पचामा दादरच्या जंगलात ही चकमक झाली.
अहमदाबादमध्ये एअर इंडियाच्या विमान एआय-१७१ अपघाताच्या २७ तासांनंतर, शुक्रवारी विमान अपघात तपास ब्युरो (एएआयबी) ने ब्लॅक बॉक्स जप्त केला. ते वसतिगृहाच्या छतावर सापडले. याद्वारे आपल्याला अपघातापूर्वीच्या शेवटच्या क्षणांमध्ये काय घडले हे कळू शकेल.
शुक्रवारी सकाळी इस्रायलने २०० लढाऊ विमानांचा वापर करून ४ अणु क्षेपणास्त्रे आणि इराणच्या २ लष्करी तळांवर हल्ला केला. या हल्ल्यात इराणचे लष्करप्रमुख, विशेष दल प्रमुख, २ अव्वल अणुशास्त्रज्ञांसह ५ उच्च अधिकारी ठार झाले.
गुजरातचे माजी मुख्यमंत्री विजय रुपाणी यांचे अहमदाबाद विमानतळाजवळ विमान अपघातात निधन झाले. प्रवाशांच्या यादीत ते १२ व्या क्रमांकाचे प्रवासी होते. रुपाणी त्यांच्या मुलीला भेटण्यासाठी लंडनला जात होते. त्यांची मुलगी विवाहित आहे आणि ती तिच्या कुटुंबासह लंडनमध्ये राहते.