Chandigarh : चंदीगडमध्ये भाजप मुख्यालयाबाहेर स्फोट; व्हिडिओ व्हायरल, खलिस्तानी संघटनेने घेतली जबाबदारी
शहरातील भाजपच्या पंजाब मुख्यालयाबाहेर बुधवारी संध्याकाळी स्फोटाची घटना घडल्याने खळबळ उडाली. सायंकाळी सुमारे पाच वाजण्याच्या सुमारास झालेल्या या स्फोटामुळे परिसरात भीतीचे वातावरण निर्माण झाले. स्फोटानंतर कार्यालयाबाहेर उभ्या असलेल्या अनेक वाहनांच्या काचा फुटल्या, तर इमारतीच्या भिंतीवर मोठ्या प्रमाणात तुकड्यांचे खुणा उमटल्याचे दिसून आले.