इराणचे माजी सर्वोच्च नेते अयातुल्ला अली खामेनी यांना अखेरचा निरोप देण्यासाठी शनिवारी तेहरानच्या ग्रँड मोसल्ला येथे लाखो लोक जमले होते. शिया परंपरेनुसार काळे कपडे घातलेल्या लोकांनी छाती बडवून शोक व्यक्त केला. या सोहळ्यादरम्यान, त्यांनी “रक्त सांडेल,” “अमेरिकेचा नाश होवो,” आणि “बदला, बदला” अशा घोषणा दिल्या.
इराणचे राष्ट्राध्यक्ष मसूद पेजेश्कियान यांनी पंतप्रधान नरेंद्र मोदी यांना माजी सर्वोच्च नेते अयातुल्ला अली खामेनी यांच्या शासकीय अंत्यसंस्कारात सहभागी होण्यासाठी निमंत्रण पाठवले आहे. अयातुल्ला खामेनी यांचा २८ फेब्रुवारी रोजी इस्रायल-अमेरिकेच्या हल्ल्यात मृत्यू झाला होता. यानंतर ४ मार्च रोजी त्यांचे अंत्यसंस्कार होणार होते, परंतु युद्धाच्या कारणामुळे ते पुढे ढकलण्यात आले होते.
इराणचे माजी सर्वोच्च नेते अयातुल्ला अली खामेनी यांच्या अंत्यसंस्काराची तयारी अंतिम टप्प्यात पोहोचली असून या कार्यक्रमाला अभूतपूर्व गर्दी होण्याची शक्यता व्यक्त केली जात आहे. इराणी प्रशासनाच्या अंदाजानुसार, राजधानी तेहरानमध्येच सुमारे २ कोटी लोक उपस्थित राहू शकतात. त्यामुळे हा कार्यक्रम जगातील सर्वात मोठ्या अंत्ययात्रांपैकी एक ठरू शकतो.
इराणचे सर्वोच्च नेते अयातुल्लाह खामेनी हे इस्त्रायलच्या हल्ल्यात ठार झाले. अमेरिकेचे राष्ट्राध्यक्ष डोनाल्ड ट्रम्प यांनी त्याला दुजोरा दिला आहे. तर इराणच्या सरकारी वाहिनीने सुद्धा त्यावर शिक्कामोर्तब केले. त्या देशात 40 दिवसांचा दुखवटा जाहीर करण्यात आला, तर 7 दिवसांची सुट्टी जाहीर करण्यात आली. इस्त्रायल आणि अमेरिकेच्या हल्ल्यात खामेनींचे कुटुंब ठार झाले. जगातील एक क्रूर नेता ठार झाल्याचे वक्तव्य ट्रम्प यांनी केले, पण खामेनी हे मूळचे इराणी नव्हते, तर त्यांचे पूर्वज भारतीय आहेत. उत्तर प्रदेशातील किन्तूर या गावाचे खामेनी कुटुंब आहे.