Vizag Steel Plant : विझाग स्टील प्लांटमध्ये भीषण दुर्घटना; 8 कामगारांचा होरपळून मृत्यू, द्रवरूप पोलादाचा स्फोट ठरला घातक
देशातील सर्वात मोठ्या सार्वजनिक क्षेत्रातील पोलाद उद्योगांपैकी एक असलेल्या विशाखापट्टणम स्टील प्लांटमध्ये (विझाग स्टील प्लांट) सोमवारी भीषण औद्योगिक दुर्घटना घडली. द्रवरूप पोलाद (मोल्टन स्टील) वाहून नेणाऱ्या प्रचंड क्षमतेच्या लॅडलमध्ये बिघाड होऊन स्फोट झाल्याने किंवा ती कोसळल्याने सुमारे आठ कामगारांचा जागीच होरपळून मृत्यू झाला, तर सहा जण गंभीर भाजले गेले आहेत.