अहमदाबाद विमान अपघाताच्या चार दिवसांनंतर, एअर इंडियाच्या ११२ वैमानिकांनी आजारी रजा घेतली. नागरी उड्डाण मंत्री राम मोहन नायडू यांनी गुरुवारी संसदेत ही माहिती दिली.
ब्रिटनमधील अहमदाबाद विमान अपघातातील दोन मृतांच्या कुटुंबियांनी असा दावा केला आहे की त्यांना चुकीचे मृतदेह देण्यात आले आहेत. त्यांचे वकील जेम्स हीली यांच्या मते, दोन्ही मृतदेहांचे डीएनए त्यांच्या नातेवाईकांशी जुळत नाहीत.
पुढारलेली तंत्रज्ञानं, प्रगत विमान आणि अनुभवी वैमानिक असूनही केवळ एका स्विचमुळे 260 निष्पाप जीवांचा बळी गेला हे वास्तव पुन्हा एकदा समोर आलं आहे. मागील महिन्यात अहमदाबादहून लंडनला जाणाऱ्या एअर इंडिया फ्लाइट AI171 या बोईंग 787-8 ड्रीमलाइनर विमानाच्या दुर्घटनेचा प्राथमिक अहवाल भारताच्या विमान अपघात चौकशी विभागाने (AAIB) प्रसिद्ध केला आहे, आणि तो अतिशय धक्कादायक आहे.
१२ जून रोजी अहमदाबादमध्ये एअर इंडियाचे विमान कोसळले, त्यात २६० जणांचा मृत्यू झाला. रमेश विश्वास नावाचा एक प्रवासी या अपघातातून चमत्कारिकरित्या बचावला. या विमानात ‘११ए’ क्रमांकाच्या सीटवर विश्वासकुमार बसले होते. ही सीट आपत्कालीन एक्झिटजवळ होती. तेव्हापासून या सीटची मागणी वाढली आहे. हवाई प्रवासी आता या सीटसाठी अतिरिक्त शुल्क देण्यास तयार आहेत.
अहमदाबाद विमान अपघातासाठी एअर इंडियाच्या तीन अधिकाऱ्यांना निलंबित करण्यात आले आहे. नागरी विमान वाहतूक महासंचालनालयाने (DGCA) एअर इंडियाला त्यांच्या तीन अधिकाऱ्यांना सर्व पदांवरून तात्काळ काढून टाकण्याचे आदेश दिले आहेत. फ्लाइट क्रू शेड्यूलंगशी संबंधित ‘गंभीर आणि वारंवार उल्लंघन’ केल्यामुळे DGCA ने एअर इंडियाच्या तीन वरिष्ठ अधिकाऱ्यांवर तात्काळ कारवाई करण्यास सांगितले आहे.
एअर इंडियाचे मुख्य कार्यकारी अधिकारी (सीईओ) आणि व्यवस्थापकीय संचालक कॅम्पबेल विल्सन यांनी सांगितले की, अपघातग्रस्त बोईंग ७८७-८ ड्रीमलाइनरची देखभाल व्यवस्थित करण्यात आली होती. त्यांनी सांगितले की या विमानाची शेवटची कसून तपासणी जून २०२३ मध्ये करण्यात आली होती आणि पुढील तपासणी डिसेंबर २०२५ मध्ये करण्यात येणार होती.
अहमदाबाद विमान अपघाताच्या चौकशीत भारताच्या विमान अपघात अन्वेषण ब्युरो (एएआयबी) ला मदत करण्यासाठी उच्चस्तरीय आंतरराष्ट्रीय विमान वाहतूक तपासनीस आणि बोईंग प्रतिनिधी अहमदाबादला पोहोचले आहेत.
अहमदाबादमध्ये तब्बल 242 प्रवाशांना घेऊन जाणारं प्रवासी विमान अहमदाबादच्या मेघानीनगर परिसरात कोसळलं. सरदार वल्लभभाई पटेल आंतरराष्ट्रीय विमानतळाजवळील मेघानी नगर परिसरात झालेल्या विमान दुर्घटनेत मोठी मनुष्यहानी झाली. या विमानातून तब्बल 242 प्रवासी प्रवास करत होते. त्यामध्ये, 230 प्रवासी आणि 12 क्रू मेंबर होते.