Abdul Sattar : जिल्हा बँक निवडणुकीत अब्दुल सत्तारांना मोठा धक्का! मुलगा समीरचा अर्ज बाद; “देवेंद्रजी योग्य न्याय करतील”, सत्तारांचा विश्वास
विधान परिषद निवडणुकीतील नाराजीचा सूर नुकताच शांत झाल्यानंतर शिवसेना नेते आणि माजी मंत्री अब्दुल सत्तार यांना आणखी एक मोठा राजकीय धक्का बसला आहे. छत्रपती संभाजीनगर जिल्हा मध्यवर्ती सहकारी बँकेच्या निवडणुकीत त्यांचे पुत्र समीर सत्तार यांचा उमेदवारी अर्ज छाननीदरम्यान बाद ठरवण्यात आला आहे. या निर्णयावर तीव्र नाराजी व्यक्त करत सत्तार यांनी यामागे कोणते राजकारण आहे हे सध्या सांगता येणार नसले तरी संपूर्ण प्रकरणाची माहिती मुख्यमंत्री देवेंद्र फडणवीस आणि उपमुख्यमंत्र्यांना देणार असल्याचे स्पष्ट केले.