प्रतिनिधी
नवी दिल्ली : लवकरच युझर्स सोशल मीडिया प्लॅटफॉर्म ट्विटरवर नंबर शेअर न करता व्हिडिओ आणि ऑडिओ कॉल करू शकतील. तसेच, 11 मे (गुरुवार) पासून एनक्रिप्टेड मेसेजिंगदेखील सुरू होईल, त्यानंतर दोन व्यक्ती एकमेकांशी संभाषण करू शकतील. कोणतीही तिसरी व्यक्ती ही संभाषणे पाहू शकणार नाही. कंपनीचे सीईओ एलन मस्क यांनी याबाबतची घोषणा केली. Twitter will soon be able to make video-audio calls, Elon Musk announced, without exchanging numbers
मस्क यांनी ट्विट केले की, ‘अ‍ॅपच्या नवीन व्हर्जनमध्ये, तुम्ही थ्रेडमधील कोणत्याही टिप्पणीला थेट DM म्हणजेच डायरेक्ट मेसेजमध्ये उत्तर देऊ शकाल आणि कोणत्याही इमोजीचा वापर करून प्रतिसाद देऊ शकाल.’
‘एनक्रिप्टेड DM V1.0’ 11 मे रोजी रिलीज होईल
एलन मस्क यांनी सांगितले की, उद्या म्हणजेच 11 मे रोजी ‘एनक्रिप्टेड DM V1.0’ रिलीज होईल. ही सेवा खूप वेगाने वाढेल. ‘माझ्या कानशिलावर बंदू लावलेली असेल तरीसुद्धा मी तुमचा डीएम पाहू शकणार नाही’, असे ते त्यांच्याच शैलीत म्हणाले. यानंतर डायरेक्ट मेसेज (DM) 2 लोकांपर्यंत मर्यादित असेल. इतर कोणीही ते पाहू शकणार नाही, खुद्द सीईओ एलन मस्कदेखील नाही.
नंबर एक्सचेंज न करता व्हिडिओ-ऑडिओ कॉल करू शकाल
याच ट्विटद्वारे मस्क पुढे म्हणाले, ‘लवकरच तुम्ही तुमच्या हँडलवरून कोणालाही व्हिडिओ आणि ऑडिओ कॉल करू शकाल. या फीचरद्वारे तुम्ही तुमचा नंबर एक्सचेंज न करता जगात कुठेही लोकांशी बोलू शकाल. तथापि, मस्क यांनी व्हिडिओ-ऑडिओ कॉल्स एनक्रिप्ट केले जातील की नाही हे सांगितले नाही.
Twitter will soon be able to make video-audio calls, Elon Musk announced, without exchanging numbers
महत्वाच्या बातम्या
- अमेरिकेचे राष्ट्राध्यक्ष जो बायडेन याच महिन्यात पीएम मोदींना भेटण्याची शक्यता, पॅसिफिक आयलँड लीडर्स मीटमध्ये ठरवणार भविष्यातील रणनीती
- द फोकस एक्सप्लेनर : इम्रान खान यांना का झाली अटक? जाणून घ्या काय आहे अल-कादिर ट्रस्ट केस? अटकेमुळे पेटून उठला अवघा पाकिस्तान
- DRDO शास्त्रज्ञाच्या पोलीस कोठडीत वाढ, हनी ट्रॅपमध्ये अडकून पाकिस्तानला गोपनीय माहिती दिल्याचा आरोप
- WATCH : पीक कर्जासाठी सिबिल स्कोर मागणाऱ्या बँकेविरुद्ध FIR दाखल करा, उपमुख्यमंत्री देवेंद्र फडणवीसांचे निर्देश