आमदारांनी कचऱ्याचा ट्रॅक्टर आयुक्तांच्या घरासमोर केला खाली ; बेळगावातील धक्कादायक घटना

वृत्तसंस्था

बेळगाव: ‘स्वच्छ बेळगाव, सुंदर बेळगाव’ या संकल्पनेला तडा गेला आहे. शहरात स्वच्छतेचा पुरता बोजवारा उडाला आहे. जागोजागी कचऱ्याचे ढीग साचले आहेत. त्यामुळे नागरिक संतप्त आणि नाराज झाले आहेत. बेळगाव दक्षिण मतदार संघाचे आमदार अभय पाटील यांनी नागरिकांच्या संतापला वाचा फोडली आहे. त्या अंतर्गत कचऱ्याने भरलेला एक ट्रॅक्टर आयुक्तांच्या घरासमोरच खाली केला. दर रविवारी असा प्रकार केला जाणार असल्याचा इशारा त्यांनी दिला आहे.
The MLAs trashed the garbage tractor down in front of the Commissioner’s house; Shocking incident in Belgaum

महापालिकेकडून शहरात स्वच्छतेचे काम योग्य प्रकारे होत नसल्याबद्दल त्यांनी तीव्र नाराजी व्यक्त केली. त्यांनी सकाळपासूनच समर्थक आणि कार्यकर्त्यांसह त्यांनी जागोजागचा कचरा जमा करून तो ट्रॅक्टरमध्ये भरला आणि तो थेट बेळगावचे उपनगर असलेल्या विश्वेश्वरनगर येथील महापालिका आयुक्तांच्या घरासमोर टाकला आहे.

सर्वसामान्य जनता परिसरात साचलेल्या दुर्गंधीयुक्त कचऱ्यापासून कशी त्रस्त आहे, याचा अनुभव आयुक्तांनाही यावा यासाठी आमदारांनी ट्रॅक्टरचे स्टेअरिंग हाती घेऊन थेट विश्वेश्वरय्यानगर गाठले. ट्रॅक्टरमध्ये भरलेला कचरा आयुक्तांच्या घरासमोर खाली केला.

अभय पाटील म्हणाले, मीअनेक दिवसांपासून शहर परिसरात साचणाऱ्या कचऱ्याबद्दल आणि नागरिकांना होणाऱ्या त्रासाबद्दल आयुक्तांना वारंवार कळविले होते शहर परिसर स्वच्छतेकडे गांभीर्याने लक्ष द्यावे, अन्यथा तो कचरा तुमच्या घरासमोर टाकेन, असा इशाराही दिला होता. मात्र, आयुक्तांनी ठोस पाऊल उचलले नाही. त्यामुळे शहर परिसरातील कचऱ्याचे ढिगारे गोळा केले. तो कचरा आयुक्तांच्या घरासमोर टाकण्यास सुरुवात केली आहे.

यापुढेहीस्वच्छतेकडे दुर्लक्ष झाल्यास दर रविवारी आम्ही कचरा जमा करून तो आयुक्तांच्या घरासमोरच टाकला जाईल, असे आमदार अभय पाटील यांनी सांगितले.

आयुक्त जागे होतील; नागरिकांची अपेक्षा

आता आयुक्त जागे होतील आणि स्वच्छता कंत्राटदारांवर अंकूश ठेवून शहर स्वच्छतेकडे गांभीर्याने देतील, आरोग्याची काळजी घेतील ? अशी अपेक्षा नागरिकांनी व्यक्त केली.

The MLAs trashed the garbage tractor down in front of the Commissioner’s house; Shocking incident in Belgaum

महत्त्वाच्या बातम्या

• Mann ki Baat : राष्ट्रगीतावर अनोखे अभियान ते स्वातंत्र्याच्या अमृत महोत्सवापर्यंत, जाणून मोदींच्या संबोधनातील महत्त्वाचे मुद्दे
• Pegasus Issue : पेगासस वादावरून माकप खासदाराची सुप्रीम कोर्टात धाव, SIT चौकशीसाठी याचिका दाखल
• Raj Kundra Pornography Case : शिल्पा शेट्टी आणि राज कुंद्रा यांच्या संयुक्त खात्यात परदेशातून पैसे; आता ईडी करणार मनी लॉन्ड्रिंगची चौकशी
• गल्लत गोल्ड मेडलची : प्रिया मलिकने वर्ल्ड कॅडेट रेसलिंग चॅम्पियनशिपमध्ये जिंकलं सुवर्ण, लोकांना वाटले ऑलिम्पिक गोल्ड