परदेशी पोर्टफोलिओमधून वाढती गुंतवणूक; अर्थव्यवस्था सावरण्याच्या पाऊलखुणा ठळक

ठेवींसंदर्भातील आकडेवारीनुसार एफपीआयने १ डिसेंबर ते १८ डिसेंबरदरम्यान थेट ४८ हजार ८५८ कोटी तर बॉण्डच्या माध्यमातून ६११२ कोटी रुपये गुंतवले आहेत.

विशेष प्रतिनिधी

मुंबई : कोरोना लॉकडाउननंतर आता भारतीय अर्थव्यवस्था पुन्हा सावरण्याच्या पाऊलखुणा ठळक होत आहेत. परदेशी पोर्टफोलिओ गुंतवणूक म्हणजेच एफपीआयच्या माध्यमातून भारतीय बाजारपेठेमध्ये डिसेंबर महिन्याच्या पहिल्या १८ दिवसांमध्ये ५४ हजार ९८० कोटी रुपयांची गुंतवणूक करण्यात आली आहे. जागतिक बाजारांमध्ये अतिरिक्त पैसा आणि विविध क्षेत्रांसाठी केंद्रीय बँकांना आणखीन एक प्रोत्साहन पॅकेजची घोषणा केली जाण्याची शक्यता असल्याने एफपीआयच्या माध्यमातून गुंतवणूक केली जात आहे.

more investment coming in from FPI boosting indian economy

ठेवींसंदर्भातील आकडेवारीनुसार एफपीआयने १ डिसेंबर ते १८ डिसेंबरदरम्यान थेट ४८ हजार ८५८ कोटी तर बॉण्डच्या माध्यमातून ६११२ कोटी रुपये गुंतवले आहेत. त्यामुळेच या १८ दिवसांमध्ये भारतीय बाजारपेठेमध्ये परदेशी गुंतवणुकदारांनी ५४ हजार ९८० कोटींची गुंतवणूक केली आहे.

• मुडीजनंतर आता गोल्डमन सॅकही म्हणतेय भारतीय अर्थव्यवस्था वेगाने सुधारतेय

नोव्हेंबर महिन्यामध्ये एपफीआयच्या माध्यमातून ६२ हजार ९५१ कोटींची गुंतवणूक झाली होती. मॉर्निंग स्टार इंडियाशी संलग्न अशणारे निर्देशक आणि जाणकार हिमांशू श्रीवास्तव यांनी, “जागतिक बाजारपेठेत असणारा अतिरिक्त पैसा आणि कमी व्याजदरांमुळे भारतासारख्या वाढणाऱ्या बाजारपेठेमध्ये ही परदेशी गुंतवणूक येतेय,” अस मत व्यक्त केले आहे.

वेगवेगळ्या देशांमधील केंद्रीय बँकांकडून आर्थिक विकासाची गाडी पुन्हा रुळावर आणण्यासाठी नवीन प्रोत्साहन पॅकेजची घोषणा होण्याच्या आशेने गुंतवणुकदार धोका पत्कारण्याच्या तयारीत असल्याचे चित्र दिसत आहे, असं श्रीवास्तव म्हणाले. तसेच करोनाची लस आल्याने भारतासारख्या वाढ अपेक्षित असणाऱ्या बाजारपेठांमध्ये गुंतवणुकीस चालना मिळण्याची शक्यता आहे. यामुळेच गुंतवणूक वाढली असून गुंतवणुकीला बळ मिळत आहे, असंही सांगितलं जात आहे.

more investment coming in from FPI boosting indian economy

• एफपीआय म्हणजे…

• एफपीआय ही थेट गुंतवणूक असते. देशी पोर्टफोलिओ गुंतवणूक ही परदेशामध्ये कोणत्याही पद्धतीने केलेली गुंतवणूक असते. यामध्ये स्टॉक्सबरोबरच बॉण्डच्या माध्यमातून प्राधान्यक्रमाने गुंतवणूक केली जाते.

•  या गुंतवणुकीमध्ये कोणत्याही देशात राहणारे नागरिक शेअर्स, सरकारी बॉण्ड, कॉर्परेट बॉण्ड, परिवर्तनीय सिक्युरीटीज, अनेक श्रेत्रांमध्ये सिक्युरीटीजच्या माध्यमातून गुंतवणूक केली जाते.

• एफपीआयच्या माध्यमातून केली जाणारी गुंतवणूक ही कमी कालावधीसाठी आर्थित वि फायदा मिळवण्यासाठी केली जाते. एखाद्या उद्योगामधील नियंत्रण मिळवण्याचा हेतू अशाप्रकारच्या गुंतवणुकीमध्ये नसतो.

•  एखाद्या संपत्तीवरील हक्क या गुंतवणुकीच्या माध्यमातून सांगता येत नाही. बाजारातील अस्थिरता लक्षात घेऊन ही गुंतवणूक केली जाते.