अफगाणिस्तानचा माजी मंत्री बनलाय जर्मनीत चक्क फूड डिलीव्हरी बॉय

विशेष प्रतिनिधी

बर्लिन – तालिबानच्या भीतीने देश सोडून अधिक चांगले आयुष्य जगण्यासाठी अनेक नागरिक अफगाणिस्तान सोडून इतर देशांमध्ये आश्रयाला जात असून पडेल ती कामे आनंदाने करीत आहेत. यात चक्क मंत्रीही मागे नाहीत. जर्मनीमध्ये आलेल्या अफगाणिस्तानच्या एका माजी मंत्र्यालाही असाच अनुभव आला असून त्यांना सध्या ‘फूड डिलिव्हरी’चे काम करावे लागत आहे. Former minister became food delivery boy in Germany

सय्यद अहमद शाह सआदत असे त्यांचे नाव आहे. अश्रफ घनी यांच्या नेतृत्वाखालील सरकारमध्ये २०१८ मध्ये माहिती आणि तंत्रज्ञान मंत्री म्हणून त्यांचा मंत्रिमंडळात समावेश करण्यात आला होता. दोन वर्षे ही जबाबदारी सांभाळल्यानंतर त्यांनी पदाचा राजीनामा दिला होता. डिसेंबर २०२० मध्ये ते जर्मनीत आले. तालिबानचे वर्चस्व वाढत असल्याचे पाहून त्यांनी देश सोडला होता. सध्या ते जर्मनीमधील लेपझिग येथे निर्वासित म्हणून रहात आहेत. पैशांची कमतरता भासू लागल्याने त्यांनी फूड डिलिव्हरी बॉयचे काम पत्करले आहे.

ग्राहकाला पिझ्झा देण्यासाठी जात असतानाचे त्यांचे छायाचित्र एका स्थानिक पत्रकाराने काढले. हे त्यांचे छायाचित्र सोशल मीडियावर सध्या व्हायरल झाले आहे. सआदत यांनी ऑक्सफोर्ड विद्यापीठातून दळणवळण आणि इलेक्ट्रॉनिक्समध्ये दोन पदव्युत्तर पदव्या मिळविल्या आहेत. त्यांनी दळणवळण क्षेत्रातही अनेक वर्षे काम केले आहे. १३ देशांतील २० बहुराष्ट्रीय कंपन्यांबरोबर काम करण्याचा त्यांना अनुभव आहे.

Former minister became food delivery boy in Germany

महत्त्वाच्या बातम्या

• संपादक, लेखक आनंद अंतरकर यांचे निधन
• पुणे महापालिकेचा तुघलकी आदेश, कोरोना नियमभंग करणाऱ्यांकडून दिवसाला दहा लाख रुपये वसूल करा
• मुख्यमंत्री खट्टर यांना विरोध करणाऱ्या आंदोलकांवर लाठीचार्ज, राहुल गांधी म्हणाले – फिर खून बहाया किसान का
• स्मार्ट पार्किंगला मुंबईत सुरुवात आधुनिक सुविधेला नागरिकांचा तुफान प्रतिसाद