Super Soldiers : येत्या काळात चीन जगात आपले वर्चस्व प्रस्थापित करण्यासाठी विविध प्रकारच्या योजनांची आखणी करण्यात व्यग्र आहे. चीन आता आपल्या सैनिकांना शक्तिशाली बनविण्यासाठी असे काम करीत आहे, ज्याचा कोणी विचारही केला नसेल. वस्तुतः चीन आपल्या सैनिकांना अधिक कार्यक्षम बनविण्यासाठी गर्भवती महिलांच्या अनुवंशिक डेटाचा गुप्तपणे अभ्यास करत आहे. अमेरिकेच्या सल्लागार गटाने राष्ट्राध्यक्ष जो बायडेन यांना ही माहिती देताना सतर्क केले आहे. अमेरिकन सल्लागारांचे म्हणणे आहे की, येणार्‍या काळात जेनेटिक इंजिनिअरिंगच्या माध्यमातून चीन आपले सैन्य अधिक शक्तिशाली बनवेल, जे अमेरिकेसाठी धोकादायक ठरू शकते. China Making Biologically Enhanced Super Soldiers By Tampering With Genes Claims by USA
विशेष प्रतिनिधी
नवी दिल्ली : येत्या काळात चीन जगात आपले वर्चस्व प्रस्थापित करण्यासाठी विविध प्रकारच्या योजनांची आखणी करण्यात व्यग्र आहे. चीन आता आपल्या सैनिकांना शक्तिशाली बनविण्यासाठी असे काम करीत आहे, ज्याचा कोणी विचारही केला नसेल. वस्तुतः चीन आपल्या सैनिकांना अधिक बळकट (Super Soldiers) बनविण्यासाठी गर्भवती महिलांच्या अनुवंशिक डेटाचा गुप्तपणे अभ्यास करत आहे. अमेरिकेच्या सल्लागार गटाने राष्ट्राध्यक्ष जो बायडेन यांना ही माहिती देताना सतर्क केले आहे. अमेरिकन सल्लागारांचे म्हणणे आहे की, येणार्‍या काळात जेनेटिक इंजिनिअरिंगच्या माध्यमातून चीन आपले सैन्य अधिक शक्तिशाली बनवेल, जे अमेरिकेसाठी धोकादायक ठरू शकते.
लाखो गर्भवती महिलांचा डेटा चोरल्याचा आरोप
या अहवालानुसार, बीजीआय समूहाच्या चिनी कंपनीने आतापर्यंत 8 दशलक्ष चिनी महिलांचा डेटा बेकायदेशीरपणे गोळा केला आहे. वास्तविक, ही कंपनी चीनसह जगभरातील गर्भवती महिलांची जन्मपूर्व चाचणी घेण्यासाठी प्रसिद्ध आहे. या चाचणीत, गर्भामध्ये काही अनुवांशिक दोष आहे की नाही हे शोधले जाते. या तपासणीच्या बहाण्याने बीजीआय समूहाने मोठ्या संख्येने गर्भवती महिलांचा जनुकीय डेटा गोळा केला आहे. चोरी झालेल्या डेटामध्ये महिलेचे वय, वजन, उंची आणि जन्म स्थान याबद्दल माहिती असते. या आधारावर, कृत्रिम बुद्धिमत्तेद्वारे, ते अशा मानवी गुणांचा शोध घेत आहे, जे भविष्यात जन्मलेल्या लोकसंख्येच्या भौतिक गुणधर्मांमध्ये बदलले जाऊ शकतात.
चीनी सैनिक अनुवांशिकदृष्ट्या बळकट होतील
अमेरिकन सरकारच्या सल्लागारांनी अहवालात म्हटले आहे की, चीन आपले सैन्य अनुवांशिकदृष्ट्या उन्नत करण्यासाठी हे करत आहे. हे असे सैनिक असू शकतात जे जास्त उंचीच्या ठिकाणी तैनात असल्यास त्यांना ऐकताना आणि श्वास घेताना कोणताही त्रास जाणवणार नाही. जिनोमिक डेटामध्ये प्रवेश करण्याद्वारे चीनला आर्थिक आणि सैन्य फायदेदेखील मिळू शकतात. याशिवाय सल्लागारांना असेही वाटते की, या डेटाच्या माध्यमातून चीन फार्मा क्षेत्रात जागतिक वर्चस्व निर्माण करून किंवा अन्नपुरवठ्यास लक्ष्य ठेवून अमेरिकेसाठी नवीन आव्हाने निर्माण करू शकेल.
China Making Biologically Enhanced Super Soldiers By Tampering With Genes Claims by USA
महत्त्वाच्या बातम्या
- दिल्लीमध्ये ध्वनी प्रदूषण केल्यास 1 लाखापर्यंत दंड, वाचा पूर्ण यादी, काय-काय केल्याने होऊ शकतो दंड!
- यूपी लोकसंख्या विधेयकाचा ड्राफ्ट तयार, 2 पेक्षा जास्त मुले असणाऱ्यांच्या सुविधांमध्ये कपात, असा आहे मसुदा!
- WATCH : फडणवीसांना आली दातृत्वाची अनुभूती, कोरोनामुळे पालक गमावलेल्या मुलांसाठी जोशी काकूंनी केली दोन लाखांची मदत
- ‘बदनाम करण्यासाठी सोशल मीडियाचा वापर चुकीचा’, स्मृती इराणींवर आक्षेपार्ह पोस्टप्रकरणी सुप्रीम कोर्टाची टिप्पणी
- Phone Tapping : नाना पटोलेंच्या आरोपांना अजित पवारांचे समर्थन, म्हणाले- पटोलेंचे आरोप निराधार नाहीत!