वृत्तसंस्था
नवी दिल्ली – कोरोनाचे संकट आणि भविष्यात येणाऱ्या निवडणूका या पार्श्वभूमीवर भारतीय जनता पक्षाने संघटनेअंतर्गत असणाऱ्या आपल्या विविध मोर्चांना ऍक्टिव्हेट करण्याचे ठरविले असून त्यांना दीर्घकालीन असाइनमेंटही दिल्या आहेत. BJP tasks Morchas to take Centre’s schemes to masses, train 1 lakh health volunteers
एससी – एसटी मोर्चाला वन धन योजनेवर लक्ष केंद्रीत करण्यास सांगितले असून किसान मोर्चाला शेतकऱ्यांचे प्रबोधन आणि शेतकरी उत्पादक संघबांधणीचे काम करण्यास सांगितले आहे. महिला मोर्चाला महिलांच्या पोषणावर लक्ष केंद्रीत करण्यास सांगितले असून केंद्राच्या महिला केंद्रीत योजनांचा लाभ त्यांच्यापर्यंत पोहचविण्याचे काम देण्यात आले आहे. या तीनही मोर्चांना देण्यात आलेल्या असाइनमेंट दीर्घकालीन आहेत आणि त्याचा परिणामही दीर्घकालीन आहे.
कोरोनाच्या पार्श्वभूमीवर देशभरात १ लाख आरोग्य स्वयंसेवक तयार करून त्यांना प्राथमिक वैद्यकीय ज्ञान देणे आणि त्यांचा विविध योजनांसाठी वापर करणे यावर भर देण्यात आला आहे. भाजपचे सरचिटणीस अरूणसिंग आणि खासदार भूपेंद्र यादव यांनी ही माहिती पत्रकारांना दिली.
भाजपचे राष्ट्रीय अध्यक्ष जे. पी. नड्डा यांनी भाजपच्या विविध मोर्चांच्या पदाधिकाऱ्यांची दोन दिवसांची बैठक घेतली. त्यात सेवा ही संघटन कार्यक्रमाचा आढावा घेण्यात आला. भाजप गेल्या वर्षभरात या कार्यक्रमाआधारे १ लाख ८० हजार गावात पोहोचला. शहरांमधल्या ५० हजार वॉर्डांमध्ये उपक्रम घेतले. ८० हजार रक्तदान शिबिरे घेण्यात आली. विविध वैद्यकीय वस्तूंचे वाटप करण्यात आले. ५८०० विडिओ कॉन्फरन्स घेण्यात आल्या. हे कार्यक्रम आतापर्यंत झाले.
या पुढचे स्वरूप म्हणून भाजपने आपल्या विविध मोर्चांना असाइनमेंट्स दिल्या आहेत. किसान मोर्चाने शेतकऱ्यांच्या उत्पादकांच्या संघटना बांधणीचे काम करायचे म्हणजे सध्याच्या दलाल व्यवस्थेला आव्हान देण्यासारखेच आहे. यातून शेतकऱ्यांचे मजबूत संघटन उभे करण्याचा मनसूबा आहे.
जनधन योजना सर्वसामान्यांमध्ये लोकप्रिय झाली. तशीच वन धन योजना एससी, एसटी समाजात लोकप्रिय करून आदिवासींचे, पिछड्यांचे उत्पन्न वाढविण्यावर भर देण्याची सरकारची योजना आहे. ती योजना त्या समाजात सर्वदूरपर्यंत नेण्याचे काम एसटी मोर्चाला देण्यात आले आहे. यातून समाजाचा एक मोठा घटक मुख्य राजकीय प्रवाहात सहभागी होऊ शकणार आहे. तर महिलांच्या पोषणाचे दीर्घकालीन काम महिला मोर्चाला देण्यात आले आहे.
BJP tasks Morchas to take Centre’s schemes to masses, train 1 lakh health volunteers
महत्त्वाच्या बातम्या
- ‘भाषेवर भेदभाव थांबवा’, दिल्लीच्या रुग्णालयात परिचारिकांना मल्याळम बोलण्यावर बंदीच्या आदेशावर राहुल गांधींचा संताप
- HIV पॉझिटिव्ह महिलेला तब्बल 216 दिवस कोरोनाचा संसर्ग, शरीरात तयार झाले विषाणूचे खतरनाक 32 म्यूटेशन
- ममतांचा पराभव करणाऱ्या शुभेंदूंवर चोरीचा आळ, अधिकारी बंधूंविरोधात FIR, एक लाखाचे मदत साहित्य केंद्रीय सशस्त्र बलाचा वापर करून चोरल्याचा अजब आरोप
- बंगालमध्ये विरोधकांना मतदान केल्याची शिक्षा मिळत आहे, राज्यपाल धनखड यांचे ट्वीट
- दिल्लीच्या रुग्णालयात नर्सना ड्यूटीदरम्यान मल्याळम बोलणावर बंदी, तीव्र निषेधानंतर आदेश मागे