• Download App
    विप्रोकडून पुण्यात ४५० खाटांचे रुग्णालय | The Focus India

    विप्रोकडून पुण्यात ४५० खाटांचे रुग्णालय

    विशेष प्रतिनिधी

    मुंबई : जागतिक माहिती तंत्रज्ञान, सल्लामसलत व व्यवसाय प्रक्रिया सेवा क्षेत्रातील बडी कंपनी असलेल्या विप्रो लिमिटेड कंपनीने पुण्यात साडे चारशे खाटांचे विशेष कोविड रुग्णालय स्थापन करण्याचा निर्णय घेतला आहे.

    यासंबंधीचा सामंजस्य करार नुकताच विप्रोने महाराष्ट्र सरकारसमवेत केला आहे. कोविड रुग्णालय पुण्याच्या हिंजवाडी येथील माहिती तंत्रज्ञान कॅम्पसमध्ये सुरु करण्यात येईल.

    महाराष्ट्र शासनाच्यावतीने पुण्याचे जिल्हाधिकारी तथा जिल्हादंडाधिकारी नवल किशोर राम यांच्या प्रमुख उपस्थितीमध्ये पुणे जिल्हा परिषदेचे मुख्य कार्यकारी अधिकारी आयुष प्रसाद आणि विप्रो लिमिटेडचे वरिष्ठ उपाध्यक्ष तथा ग्लोबल हेड ऑपरेशन्सचे प्रमुख हरि प्रसाद हेडगे यांनी या करारावर स्वाक्षऱ्या केल्या.

    या प्रसंगी मुख्यमंत्री उद्धव ठाकरे म्हणाले, “विप्रोच्या या मानवतावादी योगदानामुळे आपली वैद्यकीय पायाभूत सुविधा आणखी मजबूत होईल आणि साथीच्या आजाराविरुद्धच्या लढाईत आघाडीवर असलेल्या वैद्यकीय क्षेत्रातील सर्वांना याचा लाभ होईल.”

    Related posts

    भारतीय उद्योगपती ते जागतिक बँक सगळ्यांचीच राहुल गांधी + रघुराम राजन जोडगोळीला चपराक; सेवा क्षेत्र नव्हे तर उत्पादन क्षेत्र वाढविण्याची दिली हाक!!

    सनातनचा अपमान; सरन्यायाधीश भूषण गवईंवर वयोवृद्ध वकिलाचा हल्ल्याचा प्रयत्न; शरद पवारांकडून पहिला निषेध

    मनोज जरांगे आणि शरद पवार यांच्यात खरंच फाटले, की स्थानिक स्वराज्य संस्थांच्या निवडणुकीपुरते तसे दाखविले??