• Download App
    लॉकडाऊन काळात मराठवाड्यात १०९ शेतकऱ्यांच्या आत्महत्या | The Focus India

    लॉकडाऊन काळात मराठवाड्यात १०९ शेतकऱ्यांच्या आत्महत्या

    विशेष प्रतिनिधी

    औरंगाबाद : कोरोना लॉकडाऊनच्या काळात मराठवाड्यातील ८ जिल्ह्यांमध्ये १०९ शेतकऱ्यांनी आत्महत्या केल्या. औरंगाबाद विभागीय आयुक्तांनी सादर केलेल्या अहवालात ही माहिती देण्यात आली आहे. जानेवारी ते एप्रिल या चार महिन्यांमध्ये २३१ शेतकऱ्यांनी आत्महत्या केल्या आहेत.

    यातील ७३ शेतकऱ्यांनी मार्च महिन्यात, तर ३६ शेतकऱ्यांनी एप्रिल महिन्यात आत्महत्या केल्याची नोंद करण्यात आली आहे. शेतकऱ्यांनी उत्पादन केलेल्या मालाच्या १०% देखील विक्री लॉकडाऊनच्या होऊ शकली नाही. शेतकऱ्याच्या हाती तयार मालाचा पैसा आला नाही.

    नवीन खरीप हंगामात लागवडीसाठी बियाणे, अवजारे खरेदीसाठी पैसा उपलब्ध झाला नाही. त्यामुळे शेतकरी निराश झाला, असे शेतकरी संघटनेचे नेते अनिल घनवट यांनी सांगितले.

    राष्ट्रीय मानवाधिकार संघटनेने जारी केलेल्या आकडेवारीनुसार जानेवारी २०११ ते २०१४ या कालावधीत ६२६८ शेतकऱ्यांनी आत्महत्या केल्या, तर २०१५ ते २०१८ या काळात दुप्पट म्हणजे ११९९५ शेतकऱ्यांनी आत्महत्या केल्या. कोरोना संकटात तर शेतकऱ्यांची स्थिती आणखी बिकट झाली आहे.

    Related posts

    मनोज जरांगेंच्या आंदोलनात पवार + ठाकरेंचे नेते घुसले; पण ओबीसीतून मराठ्यांना आरक्षणाबाबत पवार + ठाकरेंची भूमिका संशयाच्या घेण्यात!!

    जेव्हा संघाने चालविल्या होत्या काँग्रेसच्या NSUI अधिवेशनसाठी खानावळी; डॉ. मोहन भागवतांनी सांगितली त्यांची कहाणी!!

    Dr. Mohan Bhagwat : संघ सगळं ठरवत असता, तर (भाजपचे अध्यक्ष निवडायला) एवढा वेळ लागला असता का??; कानपिचक्या की सूचना??