• Download App
    मौलाना सादला वाँटेड टेररिस्ट म्हणणाऱ्या डॉक्टरवर औरंगाबादेत कारवाई | The Focus India

    मौलाना सादला वाँटेड टेररिस्ट म्हणणाऱ्या डॉक्टरवर औरंगाबादेत कारवाई

    विशेष प्रतिनिधी

    औरंगाबाद : देशभर चीनी व्हायरस पसरवून फरार झालेल्या मौलाना महंमद सादला “वाँटेड” म्हणून पोलिसांना माहिती कळविण्याचे आवाहन करणारी पोस्ट सोशल मीडियातून व्हायरल करणाऱ्या डॉक्टर विरोधात औरंगाबाद पोलिसांनी प्रतिबंधात्मक कारवाई केली आहे. डॉ. संभाजी गोविंद चितळे, वय ३८, कॉस्मो हॉस्पिटल, कामगार चौक, सिडको, औरंगाबाद असे संबंधिताचे नाव आहे. त्यांनी मौलाना सादला पोस्टमध्ये वाँटेड टेररिस्ट असे लिहून त्याची माहिती पोलिसांना कळविण्याचे आवाहन केले होते. परंतु, या पोस्टमुळे दोन समाजांमध्ये धार्मिक तेढ उत्पन्न होण्याचे कारण दाखवून औरंगाबाद पोलिसांनी अदखलपात्र गुन्हा दाखल करून डॉ. चितळे यांना ताब्यात घेऊन त्यांच्यावर कलम ५०५ नुसार प्रतिबंधात्मक कारवाई केली.

    मौलाना महंमद सादला मूळात दिल्ली पोलिसांनी फरार जाहीर केले आहे. तबलिगी जमातच्या २५००० हजार कार्यकर्त्यांची ओळख पटवली आहे. कोरोनाग्रस्तांपैकी ३५% तबलिगी जमातशी संबंधित असल्याचा आरोग्य मंत्रालयाचा आकडा आहे. तबलिगी जमातीचा ऑक्टोपस देशभर पाय फैलावून बसल्याचे पोलिसांनीच उघड केले आहे. केंद्रीय गृह मंत्रालयाच्या संयुक्त सचिव पुण्य सलिला श्रीवास्तव यांनी तबलिगी जमातशी संबंधित माहिती पत्रकार परिषदेत जाहीर केली आहे. या पार्श्वभूमीवर महाराष्ट्रातील डॉक्टरवर मौलाना महंमद सादला वाँटेड टेररिस्ट म्हटल्याबद्दल प्रतिबंधात्मक कारवाईला सामोरे जावे लागल्याने आश्चर्य व्यक्त होत आहे.

    Related posts

    भारतीय उद्योगपती ते जागतिक बँक सगळ्यांचीच राहुल गांधी + रघुराम राजन जोडगोळीला चपराक; सेवा क्षेत्र नव्हे तर उत्पादन क्षेत्र वाढविण्याची दिली हाक!!

    सनातनचा अपमान; सरन्यायाधीश भूषण गवईंवर वयोवृद्ध वकिलाचा हल्ल्याचा प्रयत्न; शरद पवारांकडून पहिला निषेध

    मनोज जरांगे आणि शरद पवार यांच्यात खरंच फाटले, की स्थानिक स्वराज्य संस्थांच्या निवडणुकीपुरते तसे दाखविले??